- నవ్వించే వాడు యోగి
- వివాదంలో హైపర్ ఆది
- ప్రముఖ నటిపై బాడీ షేమింగ్ కామెంట్స్
- దీపికా రంగరాజు ఫ్యాన్స్ ఆగ్రహం

నవ్వేవాడు బోగి, నవ్వించే వాడు యోగి అనేది పెద్దలు చెప్పిన సామెత. ఆ సామెత ప్రకారం తనదైన మాటల ప్రాసలతో రెండు తెలుగు రాష్ట్రాల ప్రజలని నవ్విస్తు వస్తున్నాడు హైపర్ ఆది(Hyper Aadi). మరి ఈ లెక్కన ఆది ని కూడా యోగిగా భావించవచ్చు. ఆది ఒక ప్రోగ్రాం చేసినా గెస్ట్ గా వెళ్లినా సదరు ప్రోగ్రాంని ఆది కోసం చూసే వాళ్ళు ఎందరో. సిల్వర్ స్క్రీన్ పైకి కూడా అడుగుపెట్టి రీసెంట్ గా బెల్లంకొండ శ్రీనివాస్, అనుపమ పరమేశ్వరన్ ల 'కిష్కిందపురి' తో అలరించాడు.

ఆది ప్రముఖ టెలివిజన్ ఛానల్ ఈటీవీ(EtV)లో ప్రసారమవుతున్నశ్రీదేవి డ్రామా కంపెనీ, ఢీ డాన్స్ షో ప్రోగ్రాంలకి గెస్ట్ గా వెళ్తున్న విషయం తెలిసిందే. తోటి కంటెస్టెంట్స్ పై ఆది చేసే జోక్స్ కడుపుబ్బా నవ్విస్తాయి. దీంతో ఆది పంచే ఎంటర్ టైన్ మెంట్ తో సదరు షోస్ కి స్పెషల్ ఎట్రాక్షన్ కూడా వచ్చింది. రీసెంట్ గా ఢీ డ్యాన్స్ షో కి సంబందించిన ప్రోమో ని నిర్వాహకులు రిలీజ్ చేశారు. సదరు ప్రోమోలో బ్రహ్మముడి సీరియల్ నటి కావ్య, కెమెరా‌మాన్ తో డ్యాన్స్ చేసిన వీడియో రిలీజయ్యింది. ఆది ఆ ఇద్దరిని ఉద్దేశించి మాట్లాడుతు మీరు పర్మిషన్ ఇస్తే నేను డైరెక్టర్‌గా 'గుండు అంకుల్ బండ ఆంటీ’ అని ఒక సినిమా తెరకెక్కిస్తాని అన్నాడు. ఆ మాటలకి ఇబ్బంది పడినట్టుగానే కావ్య ఎక్స్ ప్రెషన్ ఇచ్చింది.

Also Read: మమిత భైజు దెబ్బకి పూజాహెగ్డే విలవిల

ప్రోమో వీడియో సోషల్ మీడియాలో వైరల్ గా మారడంతో ఆది బాడీ షేమింగ్ కామెంట్స్ చెయ్యడం కరెక్ట్ కాదు కావ్య కి సారీ చెప్పి ఆది తన వ్యాఖ్యలని వెనక్కి తీసుకోవాలని సోషల్ మీడియా వేదికగా అభిమానులు కోరుతున్నారు. కావ్య అసలు పేరు దీపికా రంగరాజు(Deepika Rangaraju)కావ్యరోల్ లో అద్భుతమైన పెర్ఫార్మ్ ని ప్రదర్శిస్తు అశేష అభిమానులని సంపాదించుకుంది.