- బాహుబలి ఎపిక్ vs మాస్ జాతర
- ప్రభాస్, రాజమౌళి, రానా షో స్టార్ట్
- మాస్ జాతర పై భారీ అంచనాలు
- రవి తేజ ఫాన్స్ హంగామ

శుక్రవారం అంటేనే సినిమా.. సినిమా అంటేనే శుక్రవారం. బాక్స్ ఆఫీస్ వద్ద ఆ రోజు రిలీజ్ అయ్యే చిత్రాల మధ్య జరిగే పోటీ ఎంతో రసవత్తరంగా ఉంటుంది. ఒక వేళ అగ్ర హీరోలకి సంబంధించిన రెండు ప్రెస్టేజియస్ట్ ప్రాజెక్ట్స్ విడుదలైతే, తొలి రోజు కలెక్షన్స్ విషయంలో అభిమానుల మధ్య పోటీ కూడా నెలకొని ఉంటుంది. మూవీ లవర్స్ సైతం ఈ విషయంలో ఎంతో ఆసక్తిని కనపరచడం ఆనవాయితీ.

తెలుగు సినిమాకి ప్రపంచ వ్యాప్తంగా గుర్తింపు తెచ్చిన బాహుబలి పార్ట్ 1 ,పార్ట్ 2 చిత్రాలు బాహుబలి ఎపిక్(Baahubali Epic)గా ఈ నెల 31 న వరల్డ్ వైడ్ గా విడుదల కానుంది. దీంతో అభిమానుల్లో, ప్రేక్షకుల్లో ఎపిక్ పై భారీ అంచనాలు ఏర్పడ్డాయి. రాజమౌళి(Ss Rajamoul),ప్రభాస్(Prabhas),రానా(Rana)లు ప్రమోషన్స్ లో ఎపిక్ గురించి పలు ఆసక్తి కర విషయాలని చెప్తున్నారు. దీంతో ఎపిక్ ఎప్పుడెప్పుడు థియేటర్స్ లోకి వస్తుందా అనే ఉత్సాహం అందరిలో ఉంది. ఇక నవంబర్ 1 న విడుదల అవుతున్న మాస్ మహారాజా రవితేజ(Raviteja)వన్ మాన్ షో మాస్ జాతర(Mass Jathara)కోసం కూడా అభిమానులు, ప్రేక్షకులు ఎంతో ఆసక్తితో ఎదురు చూస్తున్నారు. పక్కా మాస్ అంశాలతో మాస్ జాతర ముస్తాబవడం, భీమ్స్ అందించిన సాంగ్స్ ప్రేక్షకుల్లోకి వెళ్లడం, థమాకా తో మెప్పించిన రవితేజ శ్రీలీల కాంబో మరోసారి సిల్వర్ స్క్రీన్ పై మ్యాజిక్ చెయ్యబోతుందని ట్రైలర్ తో అర్ధం కావడంతో మాస్ జాతర కోసం కూడా అందరు ఎంతో ఆసక్తితో ఎదురుచూస్తున్నారు.

Also Read: చిరంజీవి పై మాళవిక మోహనన్ కీలక వ్యాఖ్యలు.. రూమర్స్ కి చెక్

దీంతో ఈ రెండు చిత్రాలు ఒక రోజు తేడాతోనే వస్తున్నా, తొలి రోజు హయ్యస్ట్ కలెక్షన్స్ లో ఎవరు గెలుస్తారనే చర్చ సోషల్ మీడియా వేదికగా అభిమానుల్లో జరుగుతుంది. ప్రస్తుతం రెండు చిత్రాలకి బుక్ మై షో లాంటి యాప్స్ లో బుకింగ్స్ ఫాస్ట్ గానే ఉన్నాయి. రెండు చిత్రాలు ఒక రోజు ముందుగానే ప్రీమియర్స్ తో ప్రేక్షకుల ముందుకు రానుండగా, ఓవర్ సీస్ లో కూడా రెండు చిత్రాలు ప్రీమియర్స్ దగ్గర నుంచే సందడి చేయనున్నాయి.