గ్లామర్ పాత్రలో కవ్వించిన, చీరకట్టులో మురిపించిన అది కేవలం అమలాపాల్ కె దక్కింది. అమలాపాల్ అనగానే మొన్నటి వరకు గ్లామర్ పాత్రలే గుర్తొచ్చేవి. కానీ ఇటీవలే విడుదలైన "ఇద్దరమ్మాయిలతో" చిత్రంలో చీరకట్టులో కనిపించి యువకుల డ్రీం గర్ల్ గా మారిపోయింది. మరీ ఇంత అందంగా ఉంటే ఎలా చెప్పండి? అసలు ఇదంతా ఎలా జరిగిందని అమలాపాల్ ను అడిగితే ఏం చెబుతుందంటే....!

సినిమాల్లోకి....

మాది కేరళలోని కొచ్చి. అమ్మ అన్నీస్ పాల్, నాన్న వర్గీస్ పాల్, అన్నయ్య అభిజిత్. బి.ఎ. (కమ్యునికేటివ్ ఇంగ్లీష్) చదివే సమయంలో సరదాగా మోడలింగ్ చేసి, ముంబాయి ఫ్యాషన్ వీక్ లో ర్యాంప్ పై నడిచానంతే... ఇంకేముంది ఫోటోలు బయటకు రావడం, అవి చూసి నిర్మాతలు అవకాశాలు ఇవ్వడానికి మా ఇంటికి రావడం జరిగాయి. ఛాన్స్ ఐతే ఇచ్చాం కదా అన్నట్లుగా స్క్రిప్ట్ కూడా సరిగ్గా విననివ్వకుండానే నా మొదటి రెండు సినిమాలు తీసేశారు. 1.నీలి తామర (మలయాళం), 2. వీరశేఖరన్(తమిళం). ఈ సినిమాలైతే అంతగా అడలేవు కానీ నాకు కెమేరా అనుభవం తెలిసింది. ఆ తర్వాత వచ్చిన "మైన"(తెలుగులో ప్రేమఖైదీ) చిత్రం విడుదలై సూపర్ హిట్టవడంతో తెలుగు, తమిళ భాషలలో అనేక అవకాశాలు వచ్చాయి. ఈ చిత్రానికి నాకు 4 అవార్డులు వచ్చాయి.

తెలుగులో...

ఈ చిత్రం తర్వాత తెలుగులో "బెజవాడ" నా మొదటి తెలుగు చిత్రం. తర్వాత "లవ్ ఫెయిల్యూర్", "నాయక్", "ఇద్దరమ్మాయిలతో" చిత్రాలలో నటించాను. కానీ ఇటీవలే విడుదలైనా "ఇద్దరమ్మాయిలతో" చిత్రంలో సాంప్రదాయమైన తెలుగు అమ్మాయిల కనిపించేసరికి ప్రేక్షకులకు చాలా బాగా నచ్చేసింది. కానీ ఈ సినిమాలో డాన్స్ చేయడానికి నాకు ఎలాంటి అవకాశం లేకపోవడంతో... బన్నీ-పూరీ సహాయంతో చివర్లో టాప్ లేపేసే సాంగ్ లో డాన్స్ చేసి నా కోరిక తీర్చుకున్నాను. ప్రస్తుతం నానితో కలిసి "జెండాపై కపిరాజు" చిత్రంలో నటిస్తున్నాను.

నచ్చే నటులు...

విక్రమ్, సిద్దార్థ్, సూర్య, కార్తీ, బన్నీ, శ్రీదేవి, ఐశ్వర్యరాయ్... అబ్బో ఇంకా చాలా మందే ఉన్నారు.

హాబీలు...

ఫోటోగ్రఫి అంటే చాలా ఇష్టం. మగ్జిన్స్ చదవడం, సినిమాలు చూడటం, డాన్స్ చేయడం.

ప్రేమ....

డిగ్రీలో ఉన్నప్పుడు ప్రేమించడం, విడిపోవడం జరిగిపోయాయి. ఇపుడు మాత్రం అలాంటివేమి లేవు.

ఇష్టమైన ఆహరం...

కొత్త రుచులన్ని నచ్చుతాయి. ఎక్కువగా సీ-ఫుడ్ తింటాను. ఇంకా చికెన్, పొంగళ్ ఇష్టం.

N.S.