English | Telugu
బర్నింగ్ స్టార్ సంపూకి సూపర్స్టార్ స్పెషల్ గిఫ్ట్
Updated : Jun 28, 2014
బర్నింగ్ స్టార్ అంటే సూపర్ స్టార్ రజనీ కాంత్ కీ ఇష్టమట.. అందుకే హృదయ కాలేయం సినిమాతో సంచలనం రేపిన సంపూర్ణేష్ బాబుకి టాలీవుడ్ ప్రముఖులకు కూడా దక్కని అరుదైన అవకాశం దక్కింది. రామోజీఫిలిం సిటీలో జరుగుతున్న ‘లింగ’ చిత్రం షూటింగ్ సందర్భంగా రజినీని కలవడానికి టాలీవుడ్ లో చాలామంది ప్రయత్నించారు. అందులో మోహన్ బాబు, రాజమౌళి లాంటి ప్రముఖులు మాత్రమే రజినీకాంత్ ని కలుసుకోగలిగారు. మరి సంపుబాబు ఏం మ్యాజిక్ చేశాడో తెలియదు కానీ రజనీని కలుసుకొని, ఆయనతో ఫోటో తీయించుకొని, ఇంకా పది నిముషాలపాటు సరదాగా మాట్లాడట కూడా. అంతే కాదు సంపూ నటించిన హృదయకాలేయం చూశానని రజనీ అన్నారట. ఇది విన్న టాలీవుడ్ వారంతా అవాక్కవుతున్నారు. సంపూని రజనీ ప్రశంసించారట. ఈ విషయం తెలిసిన వారంతా అసలు రజనీనీ కలిసేందుకు సంపూకి అపాయింట్ మెంట్ ఎలా దొరికిందా అని షాక్ అవుతున్నారట. సింగిల్ సినిమా హీరో సంపూకి సూపర్స్టార్ అపాయింట్మెంట్, కాంప్లిమెంట్ ఇవ్వటం చూస్తూంటే నిజంగానే ఈ బర్నింగ్ స్టార్ కి బాగానే క్రేజ్ వుందని అనిపించకమానదు.