ఆలోచించరూ
ఆలోచించరూ ...
చిల్లర భవానీదేవి
ఇంక తెగిన ఈ దారం కోసలతో
రెండు దృవాలను నా లేత చేతులతో
ముడి వేయలేను
యుద్దాలు దేశాలమధ్యే కాదు
గడప లోపల మౌనాయుధాలతో
కూడా జరుగుతుంటాయి
ఎడమొహం పెడ మొహాల మధ్య
ఏకాకి నావ నా బతుకు వాదంవాదాల
మధ్య మూసినా పుస్తకం నా బాల్యం
కలహాల కన్నీళ్ళ మధ్య
కోర్టు నిర్ణయం నా కస్టడీ
జన్మ నిచ్చిన ఇద్దరిలో
ఒక కన్నే నేనిప్పుడు ఎంచుకోవాల్సింది!
మనసును వరించే నల్లకోట్ల కధనాలే అన్నీ!
పోరుని పెంచే పగముసుగుల పావులే అన్నీ!
ఇందరి కళ్ళలో జాలి నాకోసమేనా....?
అందరి హేళనా తిరస్కారాలు నాకు బహుమానాలా?
పోరును ప్రోది చేసే నల్లకోట్ల తోడేళ్ళ
హాసాలలో భావి చూపుల
రెక్కలు విరిగిన పసిపావురాన్ని
జీవితకాలంపాటు పగుళ్ళ లేబుల్ ను
అతికే అమ్మానాన్నల్లారా
ఒక్కక్షణం నా గురించి నిజం గా ఆలోచించారా?!
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |