అందాల ఇంతి - అవనికే చామంతి
అందాల ఇంతి - అవనికే చామంతి
పద్మా శ్రీరాం
మనసుకొమ్మ భారమైనప్పుడు
వసంతకోయిలవై వచ్చి
కలతల చిగుళ్ళు మేసి యద బరువు తీరుస్తావు
కనురెప్పల మైదానాలపై కలల విత్తనాలు జల్లి
కమ్మని నిద్దురను పంటగా ఇస్తావు
ఓటమితో కృంగిపోయి ఉన్నవేళ
ఓదార్పునిచ్చి ఆలంబనవై నిలిచి
అలవోకగా అద్భుతాలు సాధించే పోరాట పటిమనిస్తావు
ఆకలైనవేళ అన్నమౌతావు
ఆవేదనలో ఆప్తమౌతావు
అలసినవేళ అనురాగమౌతావు
ఆరాటాలవేళ అందమౌతావు
చివరకు నీకు మాత్రం నీవు శూన్యమౌతావు
ఇంతకు మించి నీగురించి ఏమి చెప్పగలమే
ఓ మహిళా ! ఇలలోని కళా !
నిను వర్ణింప శ్రీ"నాధుడికి" సైతం
సశేషమే ఓ లేమల్లీ !ఎందుకంటే
బ్రహ్మ సృష్టికే నీవొక విశేషమే ఓ చిట్టి తల్లీ
అమాశ కూడని సామాజిక జాబిల్లీ!
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |