జనని
( గణతంత్ర దినోత్సవం స్పెషల్))
కలం కదిపి గళం విప్పి
పాడనా నా తల్లి మధుర కావ్య కథలు
తరతరాల మధురిమల యశో చంద్ర సుధలు || పాడనా ||
ఆర్య భట్టుని 'శూన్య' మయినా
అంతు పట్టని శూన్య సిద్ధాంత మయినా
అమ్మ జ్ఞాన ఖని, ఈ కరణి
ఆమె కెవరు సాటి ఈ ధరణి ? || పాడనా ||
అవని లోన అంకెలకు జనని , నా జనని
పెక్కు భాషల పెద్దమ్మ కే అమ్మ , మా యమ్మ
సంస్కృతీ, నాగరికతలకు ఆమె పట్టుగొమ్మ
సుశ్రావ్య స్వరాల, సుందర నృత్యాల తరగని గని , ఈ పావని || పాడనా ||
గణ తంత్ర రాజ్యాలు,
గణితేతిహాసాలు
గణనీయ సాహితీ సౌరభ ప్రభాసాలు
గత వైభవాల గగన ప్రాభవాలు || పాడనా ||
సింధులోన విరిసి, గంగ పైన మెరిసి
కృష్ణ కావేరి ల తడిసి, హిందూ సగరమున మురిసి
హిమోత్తుంగత్తుంగాల కెగసి , కాశ్మీరమున కురిసి
విలసిల్లు నా తల్లి విశాల భరత వర్షి || పాడనా ||
- ప్రతాప్
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |