TeluguOne Services
Copyright © 2000 - , TeluguOne Sahityam - All rights reserved.
ఫీజుల మాయజాలం
కరోనా కాలమింక అయిపోలేదు
మళ్ళీ విజృంభించడం మొదలు
కార్పోరేట్ చదువులు కరోనాను లెక్కచేయక
రాజకీయ రాబందులు ఫీజుల వసూలుకై
పసిపిల్లల ప్రాణాలు సైతం గాలికొదిలేసి
కార్పొరేట్ రాగమందుకుంది
కరోనాకంటే కాటేసే కాలనాగులు
నాయకులు నయవంచకులు
అంత మరోసారి లాక్డౌన్ వైపు
అడుగులేస్తుంటే
భవిష్యత్తు వారసుల జీవితాలతో చెలగాటం
చేతివాటంతో జీవితాలన్నీ
గాలిలో దీపాలైతున్నవి
అడుగులన్నీ తిరోగమనం
అంతా పైసా వసూల్
ప్రైవేటు పాఠశాలలు
పడగలిప్పాయ్
వ్యాపారం జోరు బతుకు బేజారు
పరిస్థితి ఏదైనా జలగల్లా ఫీజుకు రుచిమరిగి పీల్చేస్తరు
పైసా ఏమోగానీ పానం ముఖ్యంగదా
సి. శేఖర్(సియస్సార్)