వైఎస్సార్ ఫొటో ఫేడవుట్ అవుతోందా?

Publish Date:Feb 4, 2022

Advertisement

చీమా చీమా ఏం కావాలి నీకు అంటే.. పిసరంత పవర్ కావాలి దేవుడా అని కోరుకుందట. చిరుప్రాణులైన చీమలకే పవర్ మీద అంత మోజున్నప్పుడు.. ఆరడుగుల మనుషులకు మాత్రం ఎందుకుండదు? అయితే పవర్ ఉపయోగించి మనుషుల్ని కుట్టిన చీమలు.. వాటి జీవితంలో బాగుపడినట్టు చరిత్రలో లేదు. కుట్టినచోటే కుక్కిన పేనుల్లా చచ్చూరుకుంటాయి కాబట్టి. ఎందుకంటే అవి కుట్టిన వెంటనే మనుషుల్లోని మెదడు 'అసంకల్పిత ప్రతీకార చర్య 'కు ఉపక్రమించి... ఆ చీమలు కుట్టిన చోట చేత్తో ఒక్క దెబ్బ వేసేలా చేసి నలిపేస్తుంది. 

ఇక్కడ అర్థం చేసుకోవాల్సింది ఏంటంటే.. పవర్ ను దుర్వినియోగం చేస్తే చీమలైనా, పాములైనా నేల కరవక తప్పదు. ఇది శాశ్వతమైన ప్రాపంచిక సత్యం. అయితే అలాంటి పవర్ కోసం ఏపీ సీఎం జగన్... తాను సీఎం కాకముందు ఎన్ని కలలు కన్నారో, ఎందరిని ఆశ్రయించారో, ఎందరి సలహాలు తీసుకున్నారో తెలుగు ప్రజలకు తెలియంది కాదు. ఆ పవర్ కోసమే తండ్రిగారైన వైఎస్ రాజశేఖరరెడ్డి ఫొటోను ఇప్పటికీ సాక్షి చానల్ మీద లోగోలో సైతం మిక్స్, పుష్పాభిషేకం చేయిస్తూ తన ప్రేమను ప్రపంచానికి చాటుకుంటున్నారు. తండ్రి సంపాదించిన మహానేత అనే పేరు ప్రఖ్యాతులు తన రాజకీయ భవితవ్యానికి ట్రాన్స్ ఫర్ అయ్యేందుకు, ఆ మహానేత వారసుణ్ని అని ప్రజల్ని నమ్మించేందుకు చేయని ప్రయత్నాలంటూ లేవు. 2009లో వైఎస్ చనిపోయిన వెంటనే ఆయన ఫొటోలు, ఆయన పథకాలు, ప్రజలతో మమేకమైన ఆయన సర్వస్వాన్నీ తనకు సంక్రమింపజేసుకున్నారు.. జగన్. వైఎస్సార్సీపీ అంటూ తండ్రి పేరుతోనే పార్టీని కూడా స్థాపించుకున్నారు. ప్రజల ముంగిట నిలబడ్డారు. పాదయాత్రలు చేశారు. రైతుదీక్షలు చేశారు. ఓదార్పు యాత్రలు చేశారు. కాసింత పవర్ కావాలంటూ ప్రార్థించారు. ప్రాధేయపడ్డారు. తలలు నిమిరారు.  అమ్మలు, అక్కలు, తల్లుల కడుపుల్లో తల పెట్టి, చేతులు పట్టుకొని, గడ్డాలు పట్టుకొని ఓట్లడిగారు. ఆఖరుకి సక్సెస్సయ్యారు. తనక్కావాల్సిన పవర్ ను సాధించుకున్నారు. 

అయితే పవర్ కోసం ఇన్ని సర్కస్ ఫీట్లు చేసిన జగన్, తను సాధించుకున్న పవర్ లో ఇతరుల పాత్ర, ముఖ్యంగా జన్మనిచ్చిన తండ్రి పాత్ర కూడా లేకుండా చేసుకోవాలన్న ఆరాటం కలిగినట్లుంది అంటున్నారు ఏపీ రాజకీయ పరిశీలకులు. తొలుత పార్టీ లోగోలో వైఎస్ బొమ్మ మాత్రమే ఉండేది. అయితే పార్టీ లోగో నుంచి నిదానంగా తండ్రి ఫొటో లేకుండా చేయాలనిపించిందో ఏమో తెలీదు కానీ... కొంతకాలం తర్వాత ఆ లోగో మధ్యలో, ప్రభుత్వ పథకాల్లో తండ్రి ఫొటో పక్కన జగన్ బాబు ఫొటో వచ్చి చేరిపోతోంది. కొన్ని సందర్భాల్లో అయితే వైఎస్సార్ బొమ్మ అదృశ్యమైపోయి కేవలం జగన్ ఫొటో మాత్రమే దర్శనమిస్తోంది. పార్టీ సింబల్ గా పాతదే ఉన్నా.. జనంలో మాత్రం ఇప్పుడు జగన్ సింగిల్ ఫొటో ఉన్న లోగో కనిపిస్తోందని రాజకీయ పరిశీలకులు వ్యాఖ్యానిస్తున్నారు. జగన్ లో ఈ వైఖరి ఎందుకొచ్చిందో సులభంగానే అర్థం చేసుకోవచ్చని ఏపీ ప్రజానీకం, రాజకీయ నిపుణులు అభిప్రాయాలు వ్యక్తం చేస్తున్నారు. 

30 ఏళ్ల పాటు సీఎంగా ఉండాలని కలలు కంటున్న జగన్... ఇకపై తండ్రి ఫొటోను ప్రజల మస్తిష్కాల్లోంచి ఫేడవుట్ చేయాలని భావిస్తున్నట్టు కనిపిస్తోందంటున్నారు. పవర్ సంపాదించుకున్నాక అసలా పవర్ జనరేటర్ నే మూలకు పడేయడం ప్రజల్లో నెగెటివిటీకి కారణమవుతుందని, ఇప్పటికే ప్రజాశ్రేణుల్లో విపరీతమైన వ్యతిరేకత ఎదుర్కొంటున్న జగన్... తన సొంత ఇమేజ్ ని సైతం కోల్పోయే తొందరపాటు చర్యలకు దిగుతున్నాడని, అది తనకే నష్టం కలిగిస్తుందనీ అంటున్నారు. మరి జగన్ కు ఏపీలో ఎలాగూ పవర్ వచ్చింది కాబట్టి.. ఏపీలో వైఎస్సార్ బొమ్మ తీసేసి... ఇటు తెలంగాణలో చెల్లెలి పార్టీ (తెలంగాణ వైసీపీ) కి వైఎస్సార్ బొమ్మ పెట్టుకునే అవగాహన ఏమైనా కుదుర్చుకున్నారా అంటూ అనుమానిస్తున్నారు తెలుగు ప్రజలు. మరి ఇలా ఈ పవర్ కోసం పాకులాటలు... ఏపీలో ఎటు దారి తీస్తోయో, తెలంగాణలో ఎటువైపు మళ్లుతాయో ఇప్పుడే చెప్పలేమంటున్నారు రాజకీయ నిపుణులు. సో.. దాని మీద క్లారిటీ రావాలంటే మరి కొంతకాలం ఆగాల్సిందేనేమో. 

By
en-us Political News

  
సాధారణంగా   నాయకులు, తాము ప్రజలకు చేయగల పనుల విషయంలో వాస్తవికత వదిలేసి అతిశయోక్తులతో, అతి అంచనాలతో గొప్పలు చెప్పుకుంటుంటారు.
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.