ఎమ్మెల్యే అవినీతిపై చంద్రబాబుకు ఫిర్యాదు.. వైసీపీ నేత సంచలనం

Publish Date:Apr 21, 2022

Advertisement

జగన్ పాలనలో అవినీతి ఆనకొండలా మారి సర్వం స్వాహా చేసేస్తోంది.  వైసీపీ ప్రజాప్రతినిథుల అవినీతి బాగోతం చివరికి ఆ పార్టీ నేతలే భరించ లేని స్థితికి చేరుకుంది. ఇంకా పార్టీతో అంటకాగితే   తమ రాజకీయ భవిష్యత్ శూన్యం అవుతుందన్న భయం వైసీపీ నేతల్లో కనిపిస్తున్నది.  అయినా ధైర్యం చేసి బయటపడలేని పరిస్థితిలో మింగ లేక కక్కలేక బాధపడుతున్నారు. అధినేత దర్శనమే  గగనం...  అంతర్గత సంభాషణల్లో పలువురు తమ మనసులోని ఆవేదనను వెళ్లగక్కుతున్నారు. 

అయితే నూజివీడు ఎమ్మెల్యే అవినీతిపై వైసీపీ నాయకుడొకరు సాక్షాత్తూ విపక్ష నేత చంద్రబాబుకు ఫిర్యాదు చేశారు.  చంద్రబాబు బుధవారంనూజివీడు నియోజకవర్గ పరిధిలోని గొల్లగూడెంలో  గ్రామ సభ నిర్వహించారు. విపక్ష నేత హోదాలో గ్రామస్తుల నుంచి సమస్యలను అడిగి తెలుసుకున్నారు. ఆ సభలోనే అనూహ్యంగా వీసీపీ నాయకుడు కాజా రాంబాబు నూజివీడు ఎమ్మెల్యే మేకా ప్రతాప్ అవినీతిపై ఫిర్యాదు చేశారు. మేకా ప్రతాప్, ఆయన తనయుడి అవినీతి బాగోతం గురించి, అవినీతి సొమ్ము గురించి గణాంకాలతో సహా తన వద్ద సాక్ష్యాలున్నాయనీ చెప్పరు. అక్కడితో ఆగకుండా వాటిని చంద్రబాబుకు సమర్పించారు. 

 వైకాపా నేతనే అయినా అవినీతికి వ్యతిరేకంగా పోరాడుతున్నానని చెప్పుకున్న కాజా రాంబాబు ఈ పోరాటంలో పార్టీలో తాను ఒంటరినైపోయానని వాపోయారు. అయినా పార్టీ వీడనని స్పష్టం చేశారు. మరి చంద్రబాబు సభలో సొంత పార్టీ ఎమ్మెల్యేపై ఫిర్యాదు ఆంతర్యమేమిటి? ఈ ప్రశ్న వేయకుండానే ఆయన అదే సభలో కారణం చెప్పేశారు. అవినీతిపై పోరాటంలో తనకు పార్టీ మద్దతు లభించడం లేదనీ, అందుకే  విపక్ష నేత మద్దతు కోసం వచ్చాననీ చెప్పుకున్నారు.

సాక్షాత్తూ చంద్రబాబుకే వైపాకా నాయకుడు స్థానిక ఎమ్మెల్యే అవినీతిపై ఫిర్యాదు చేయడం రాజకీయంగా సంచలనం సృష్టించింది.  వైకాపాలో ప్రకంపనలు ఆరంభమయ్యాయి. విపక్ష నేతకు వైకాపా నాయకుడు సొత పార్టీ ఎమ్మెల్యేపై ఫిర్యాదు చేయడాన్ని పార్టీ అధినేత సీరియస్ గా తీసుకున్నారు.  నేడో రేపో రాంబాబుపై చర్యలు తప్పకపోవచ్చని పార్టీ వర్గాలు అంటున్నాయి. రాంబాబుపై పార్టీ ఏ చర్యలు తీసుకుంటుందన్నది పక్కన పెడతే వైకాపాలో విభేదాలు ఎంత తీవ్ర స్థాయిలో  ఉన్నాయన్నదానికి ఈ ఉదంతం అద్దంపడుతుంది.  గతంలోలా ప్రతి విషయానికీ అధినేత కోసం చూసే పరిస్థితి ఇప్పుడు వైకాపాలో కనిపించడం లేదు. నెల్లూరు సంఘటనలు తీసుకున్నా, ప్రకాశం జిల్లాలో ఉవ్వెత్తున ఎగసి చల్లారిన అసమ్మతిని గమనించినా ఈ విషయం బోధపడుతుంది. ఇక నూజివీడు వైకాపా ఎమ్మెల్యే అవినీతిపై  ఆ పార్టీకే చెందిన నాయకుడు ఇచ్చిన ఫిర్యాదు రానున్నరోజులలో మరెన్ని సంచలనాలకు తెరలేపుతుందో చూడాలి.

By
en-us Political News

  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.