ర‌జ‌నీకి గౌత‌మ్‌రెడ్డి ప‌ద‌వి!.. రోజా బ‌తుకు ర‌చ్చ‌బండేనా?

Publish Date:Feb 22, 2022

Advertisement

చిలకలూరిపేట ఎమ్మెల్యే విడదల రజనీ జాక్ పాట్ కొట్టబోతున్నారా? అదృష్ట యోగం పట్టి.. ఆమెను అమాత్య పదవి వరించనుందా? సీఎం జగన్ కూడా ఆ దిశగా నిర్ణయం తీసుకునే అవకాశం ఉందా? ఆ క్రమంలో ఇప్పటికే ఈ అంశంపై ప్రభుత్వ సలహాదారు సజ్జలతో సీఎం జగన్ డిస్కషన్ చేశారా? అంటే అవుననే అంటున్నాయి తాడేపల్లి ప్యాలెస్ వర్గాలు.

మేకపాటి గౌతమ్ రెడ్డి హఠాన్మరణంతో ఐటీ, పరిశ్రమలు, వాణిజ్య శాఖ మంత్రి పదవి ఖాళీ అయింది. అయితే ఐటీ, పరిశ్రమలు, వాణిజ్యం మూడూ.... మూడు శాఖలే. ఈ శాఖను పక్కన పెడితే.. రాష్ట్ర ఆర్థిక పరిస్థితి తీవ్ర గందరగోళమయ్యే ప్రమాదం ఉంది. ఈ నేపథ్యంలో ఆ మంత్రి పదవి ఎవరిని వరిస్తోందంటూ అప్పుడే ఊహాగానాలు ఊపందుకున్నాయి. అయితే ఈ శాఖను సీఎం జగన్.. విడదల రజినీకి కేటాయించాలని నిర్ణయించినట్లు తెలుస్తోంది.  

విడదల రజని.. ఎన్నారై రిటర్న్. ఆమె సాఫ్ట్‌వేర్ రంగం నుంచి నేరుగా రాజకీయ రంగంలోకి ఎంట్రీ ఇచ్చారు. ఆమెకు ఇన్పర్మేషన్ టెక్నాలజీపై మంచి పరిజ్జానమే ఉంది. దీంతో ఆమెకు ఈ పదవి కట్టబెట్టాలని సీఎం జగన్‌ భావిస్తున్నట్లు తెలుస్తోంది. అయితే ఈ మంత్రి పదవికి పలువురు పేర్లు సైతం తెరపైకి వచ్చినట్లు సమాచారం. అందులో ఆర్కే రోజా, బుగ్గన రాజేంద్రనాథ్ రెడ్డి పేర్లు కూడా ఉన్నాయని తెలుస్తోంది. అయితే ఎప్పటి నుంచో ఆర్కే రోజా మంత్రి పదవి కోసం కాచుకు కూర్చుని ఉన్నారు. 2019 ఎన్నికల్లో ఫ్యాన్ పార్టీ గెలుపుతో.. జగన్ కేబినెట్‌లో తనకు సీటు గ్యారెంటీ అని రోజా భావించారు. కానీ ఆమెకు మంత్రి పదవి దక్కకపోవడంతో... నాడు సీఎం జగన్ ఎదుటే ఆమె నిరసనకు దిగింది. దాంతో ఆమెకు సీఎం జగన్ ఏపీఐఐసీ చైర్మన్ పదవి కట్టబెట్టారు. ఇక, రోజాకు ఎప్పటికీ మంత్రి పదవి రాకుండా.. ప్రస్తుత మంత్రి పెద్దిరెడ్డి ఎలాగూ అడ్డుకోవడం ఖాయం అంటున్నారు. ఇటీవల రోజా, పెద్దిరెడ్డిల మధ్య వైరం బాగా ముదిరిపోయింది. ఈ విషయం రెడ్డివారి చక్రపాణిరెడ్డి వ్యవహారంలో బట్ట బయలు అయింది. ఈ నేపథ్యంలో రోజాకు చెక్ పెట్టేందుకు పెద్దిరెడ్డి ఎంత చేయాలో అన్ని చేస్తారని.. ఈ నేపథ్యంలో రోజా మంత్రి పదవిపై ఆశలు వదులుకోవాల్సిందే..అంటున్నారు. 

ఇక, ఆర్థిక శాఖ మంత్రి బుగ్గన రాజేంద్రనాథ్ రెడ్డికి ఈ శాఖలు అప్పగిస్తే.. మరింత టెన్షన్ పడే అవకాశం ఉందని సీఎం జగన్ భావిస్తున్నట్లు తెలుస్తోంది. ఇప్పటికే రాష్ట్ర ఆర్థిక పరిస్థితి ఆందోళనకరంగా ఉంది. ఈ నేపథ్యంలో అప్పుల కోసం ఆయన ఢిల్లీ, అమరావతి వయా ముంబై మీదగా చక్కెర్లు మీద చక్కర్లు కొడుతున్నారు. దీంతో ఆయన పేరును ముఖ్యమంత్రి పక్కన పెట్టినట్లు సమాచారం. ఇస్తే గిస్తే.. పరిశ్రమలు, వాణిజ్య శాఖను బుగ్గనకు అప్పగించి.. ఐటీని మరొకరికి కట్టబెడతారని టాక్.

సీఎం జగన్.. విడదల రజినీ వైపే మొగ్గుచూపుతున్నట్టు తెలుస్తోంది. ఫారెన్ రిటర్న్ అయిన విడదల రజనీ.. టీడీపీతో రాజకీయ అరంగేట్రం చేశారు. ఆ సమయంలో.. హైటెక్ సిటీలో చంద్రబాబు పెట్టిన ఓ మొక్క తానంటూ తెలుగుదేశం పార్టీ భారీ బహిరంగ సభ సాక్షిగా ప్రకటించారు. ఆ తర్వాత.. ఆమె ఫ్యాన్ పార్టీలోకి జంప్ చేసి.. చిలకలూరిపేట ఎమ్మెల్యేగా విజయం సాధించారు. అంతేకాదు నియోజకవర్గంలో ఫ్యాన్ పార్టీలోని అన్ని గ్రూప్‌లను ఒంటి కాలితో తొక్కి పెట్టి.. ఎక్కడా తగ్గేదే లే అన్న స్టైల్‌లో దూసుకుపోతున్నారు. ఇక మంత్రిగా ఆమెకు ప్రమోషన్ ఇస్తే.. రజనీ రేంజ్ మరింత పెరగడం.. రెచ్చిపోవడం ఖాయం.. అంటున్నారు. 

By
en-us Political News

  
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.