కీచకులను పంచన పెట్టుకుని సమాజానికి జగన్ ఇచ్చే మెసేజ్ ఏమిటి?

Publish Date:Aug 5, 2022

Advertisement

ఏపీలో మూడేళ్లకు పైగా అధికారంలో ఉన్న వైసీపీ పార్టీలో ఇలా మహిళలతో అసభ్యంగా ప్రవర్తించడం, వేధించడం గోరంట్ల మాధవ్ తోనే మొదలు కాలేదు.  రాష్ట్ర ప్రజలు 2019 ఎన్నికలలో ఏకంగా వైసీపీ పార్టీకి 151 మంది ఎమ్మెల్యేలను, 22 మంది ఎంపీలను గెలిపించి అధికారం కట్టబెట్టారు. గొప్పగా పాలన అందిస్తారని ఆదేశించారు. పాదయాత్ర సందర్భంగా జగన్ చేసిన వాగ్దానాలను విశ్వసించారు. కానీ అధికారంలోకి వచ్చిన తరువాత జగన్ సారథ్యంలోని వైసీపీ ప్రభుత్వం ఆరోపణలు,అప్పులు, దౌర్జన్యాతోనే ఈ మూడేళ్లు గడిపేసింది. అభివృద్ధిని అటకెక్కించేసింది. విమర్శలను సహించని, రాజకీయ ప్రత్యర్థులను శత్రువులుగా చూసే కొత్త సంస్కృతికి తెరతీసింది. అన్నిటికీ మించి రాష్ట్రంలో మహిళలపై  దాడులు, వేధింపులు, అత్యాచారాలు పెచ్చరిల్లాయి. అయినా సీఎం పెదవి విప్పి మాట్లాడరు. ఆయన మాట్లాడరు కనుక మంత్రలదీ మౌనముద్రే.  సమస్య ఏదయినా.. సందర్భం ఏదయినా అయితే సకల శాఖల మంత్రిగా గొప్ప గుర్తింపు పొందిన ప్రభుత్వ సలహాదారు సజ్జల రామకృష్ణారెడ్డి, లేదంటే  విజయసాయిరెడ్డి.. వీళ్లే మాట్లాడతారు. ఇక ప్రత్యర్థులపై సమయం సందర్భం లేకుండా విమర్శలు గుప్పించడానికి వైసీపీ సోషల్ మీడియా. అంతే. అంబటి రాంబాబు, అవంతి శ్రీనివాస్, థర్టీ ఇయర్స్ ఇండస్ట్రీ పృధ్వీరాజ్.. ఇప్పుడు ఎంపీ గోరంట్ల..వీరంతా మహిళల పట్ల అసభ్యంగా మాట్లాడుతూ వేధించి అడ్డంగా దొరికిపోయిన వారే. వీరేనా మహిళల పాలిట కీచకుడిగా మారిన వలంటీర్, సర్పంచ్.. ఎవరైతేనే వీరంతా వైసీపీ వారే. వీరందరినీ వెనకేసుకొస్తూ ముఖ్యమంత్రి జగన్. ఇంతటి మెజారిటీతో, అభిమానంతో అధికార అందలం ఎక్కించిన వారికి జగన్ ఇస్తున్న సందేశం ఏమిటి?

వారి బాగోతాలను బైటపెట్టిన మీడియాకు పచ్చ ముద్ర వేస్తూ, విమర్శించి ఖండించిన విపక్షాలపై కేసులు బనాయిస్తూ వైసీసీ ప్రభుత్వం రాష్ట్రాన్ని జనరంజకంగా పాలిస్తోందని జగన్ తనకు తాను కితాబులిచ్చేసుకుంటే అంతా బాగున్నట్టేనా?  అయినా ఒక ఎంపీ అయ్యి ఉండి ఒక మహిళతో వీడియోకాల్ లో అసభ్యంగా ప్రవర్తిస్తూ అడ్డంగా దొరికిపోయిన తరువాత కూడా ఆయనపై చర్యలు తీసుకోవడం మాని అసలా వీడియోనే మార్ఫింగ్..దానిపై విచారణ జరిపిస్తాం అంటూ నాన్చడం ఏమిటీ? ఆ వీడియో మార్ఫింగ్ చేసిన వారిపై పోలీసులకు ఎంపీ మాధవ్ ఫిర్యాదు చేశారట. పోలీసులు విచారణ చేసిన తరువాత ఒక వేళ ఆ వీడియో మార్ఫింగ్ కాదని తేలితే అప్పుడు మాధవ్ పై చర్య తీసుకుంటారట.  

ఇంతకీ ఆ వీడియోలను సర్కారు ఫోరెన్సిక్ పరీక్షకు పంపుతుందా లేదా అన్న విషయాన్నిమాత్రం  ఎంపీగారిని వెనకేసుకు వస్తూ దోషిగా తేలనివ్వండి అప్పుడు చర్య తీసుకుంటామని చెప్పిన సజ్జల చెప్పలేదు. అసలు ఇంతటి దరిద్రంపై రాష్ట్ర వ్యాప్తంగా ఆగ్రహావేశాలు వ్యక్తం అవుతుంటే, వైసీపీలోని మహిళా మంత్రులు కనీసం నోరు విప్పలేదు. అయిన దానికీ కాని దానికీ విపక్షాలపై ట్వీట్లతో విరుచుకుపడే విజయసాయి కూడా ఇంత వరకూ స్పందించలేదు.

ఎన్టీఆర్ చిన్న కుమార్తె ఉమామహేశ్వరి ఆత్మహత్య చేసుకుంటే.. కనీస నైతికత లేకుండా కుటుంబ విషాదాన్ని కూడా పట్టించుకోకుండా ఇష్టారీతిన ఆరోపణలు చేసిన వారు ఇప్పుడు తమ సొంత పార్టీ ఎమ్మెల్యే నీచ వ్యవహారంపై ఎందుకు మౌనం వహించారు.  ఇంతకూ నైతికతకు తిలోదకాలిచ్చేసి ఇష్టారీతిగా వ్యవహరిస్తున్న వారందరికీ వెన్నుదన్నుగా నిలుస్తూ జగన్ సమాజానికి ఏం మెసేజ్ ఇవ్వదలుచుకున్నారు. అప్పల్లో, అక్రమాల్లో ఆర్థిక క్రమశిక్షణారాహిత్యంతో నేతల రోత వర్తనతో జగన్ సర్కార్ ఏపీ పరువును గంగలో కలిపేసిందంటున్న మహిళల విమర్శలకు ఏం సమాధానం చెప్పగలరు?

By
en-us Political News

  
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
బంగారం ప్రియులకు ఇది నిజంగానే ఊరటనిచ్చే శుభవార్త అని చెప్పవచ్చు
తెలంగాణను ప్రపంచ పెట్టుబడులకు అనుకూలమైన రాష్ట్రంగా నిలబెట్టడమే లక్ష్యంగా ప్రభుత్వం ముందుకు సాగుతోందని ముఖ్యమంత్రి రేవంత్ రెడ్డి అన్నారు.
హానీట్రాప్ ఉచ్చులో పడిన వాయుసేన అధికారి.. షాకింగ్ నిజాలు వెల్లడించిన ఛార్జ్‌షీట్.!
మినీ బస్‌ను ఢీకొన్న ట్రక్కు.. 23 మంది మృతి.!
రాష్ట్రంలో 25 పారిశ్రామిక ఎకోసిస్టమ్ లను అభివృద్ధి చేస్తాం: లోకేష్
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
1999లో ఎయిర్‌పోర్టుల గురించి ఎవరూ పెద్దగా ఆలోచించని సమయంలోనే.. సీఎం చంద్రబాబు నాయుడు శంషాబాద్‌లో అంతర్జాతీయ విమానాశ్రయం నిర్మాణంపై దృష్టి పెట్టారు.
ఇంట్లో ఆడపిల్ల జన్మిస్తే ఆ ఇంటికి మహాలక్ష్మి వచ్చినట్టేనని పెద్దలు అంటారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.