నివురు గప్పిన నిప్పులా పుంగనూరు.. అసలేం జరుగుతోంది?

Publish Date:Aug 10, 2023

Advertisement

ఉన్నట్లుండి ఇక్కడ తెలుగుదేశం నేతలు, కార్యకర్తలు మాయమవుతున్నారు. రాత్రికి రాత్రి టీడీపీ నేతల జాడ కనిపించకుండా పోతున్నది. వారి కుటుంబ సభ్యులేమో పోలీసులమంటూ వచ్చిన వారు  మా వాళ్ళని తీసుకెళ్లారని చెప్తున్నారు. పోలీసులేమో వారిని అదుపులోకి తీసుకున్నట్లు, అరెస్ట్ చేసినట్లు ఎక్కడా పేర్కొనడం లేదు. కొందరు అజ్ఞాతంలోకి వెళ్లినట్లు స్థానిక వైసీపీ నేతలు ప్రచారం చేస్తున్నారు. మొత్తంగా తెలుగుదేశం నేతలు, వారి అనుచరులు, కార్యకర్తలు కనిపించకుండా పోతున్నారు.  దీంతో ఉమ్మడి చిత్తూరు జిల్లా పుంగనూరులో ఏం జరుగుతుందో అర్ధం కాని పరిస్థితి నెలకొంది. తెలుగుదేశం అధినేత చంద్రబాబు పర్యటన సందర్భంగా ఆయనను అడ్డుకొనేందుకు వైసీపీ వర్గం ప్రయత్నించడంతో తెలుగుదేశం శ్రేణులుతిరగబడ్డాయి. దీంతో ఇక్కడ ఉద్రిక్త పరిస్థితులు ఏర్పడ్డాయి. 

ఈ ఘర్షణలకు సంబంధించి ఇప్పటికే  తెలుగు అధినేత చంద్రబాబు, మాజీ మంత్రి దేవినేని ఉమామహేశ్వరరావులతో పాటు ఏడుగురిపై కేసులు నమోదు చేయగా.. స్థానిక తెలుగుదేశం  నేతలు, కార్యకర్తలు మొత్తం 74 మందిని అరెస్ట్ చేసినట్లు పోలీసులు పేర్కొన్నారు. అయితే, పుంగనూరులో దాదాపు 150 మందికి పైగా  తెలుగుదేశం సానుభూతిపరుల ఆచూకీ కనిపించడం లేదట. ఇందులో మాజీ మంత్రి అమ‌ర్నాథ్‌రెడ్డి, పలమనేరు ఇంచార్జ్ చ‌ల్లా బాబు లాంటి బడా నేతలు కూడా ఉన్నారు. వీరంతా  అరెస్టుల నేపథ్యంలో అజ్ఞాతంలోకి వెళ్లారని స్థానిక వైసీపీ నేతలు ప్రచారం చేస్తుండగా.. వీరి కుటుంబ సభ్యులు మాత్రం తమ వాళ్ళని పోలీసులే తీసుకెళ్లి రహస్య ప్రాంతంలో ఉంచి చిత్రహింసలు పెడుతూ విచారిస్తున్నట్లు ఆరోపిస్తున్నారు. అంతేకాదు, మాజీ మంత్రి అమర్నాధ్ రెడ్డి, పలమనేరు ఇన్ చార్జ్ చల్లా బాబులపై  ఉపా చట్టం కింద కేసులు నమోదు చేసేందుకు కేంద్ర హోంశాఖతో సంప్రదింపులు జరుపుతున్నారని.. అప్పటి వరకూ వారిని రహస్య ప్రాంతాలలోనే ఉంచనున్నారని రాజకీయ వర్గాలలో ప్రచారం జరుగుతుంది.

నిజానికి పుంగనూరు అల్లర్ల అనంతరం ఎలాంటి అవాంఛనీయ సంఘటనలు జరగకుండా పోలీసులు ఇక్కడ భారీగా మోహరించారు. దీంతో ఆ రాత్రికే ఇక్కడ పరిస్థితులు సాధారణ స్థితికి వచ్చాయి. కానీ మరుసటి రోజు నుండి తెలుగుదేశం నేతలు, కార్యకర్తలను అరెస్ట్ చేస్తుండడంతో మళ్ళీ ఇక్కడ ఉద్రిక్త వాతావరణం కనిపిస్తుంది. సుమారు 200 మంది పోలీసులు ఇంటింటినీ జల్లెడ పడుతూ తెలుగుదేశం  సానుభూతి పరులను అక్రమంగా అరెస్ట్ చేసి తీసుకెళ్తున్నారని ప్రచారం జరుగుతున్నది. ఘర్షణ సమయంలో పోలీసులు గాయపడడం, పోలీసు వాహనాలు ధ్వంసం కావడంతో పోలీసులు కక్షకట్టి తెలుగుదేశం  కార్యకర్తలను ఈడ్చుకెళ్తున్నారని ఉమ్మడి జిల్లాలో చర్చ జరుగుతున్నది. ఇప్పటికే అరెస్ట్ చేసిన 74 మందిపై నాన్ బెయిలబుల్ కేసులు నమోదు చేయగా.. మరో వంద మందికి పైగా కార్యకర్తలు, నేతలను రహస్య ప్రదేశంలో విచారిస్తున్నట్లు ఆరోపణలు వినిపిస్తున్నాయి.

ఒకవైపు అక్రమ అరెస్టులు, మరోవైపు వందల మంది పోలీసులు ఇళ్లపై సోదాలు చేస్తుండడంతో పుంగనూరు ఇప్పుడు నివురుగప్పిన నిప్పులా కనిపిస్తుంది. తమ వారిని పోలీసులు ఎక్కడకి తీసుకెళ్లారో.. ఏం చేస్తున్నారో కూడా అర్ధంకాని పరిస్థితిలో ఉన్న తెలుగుదేశం కార్యకర్తల కుటుంబాలు ఆవేదన చేస్తుండగా.. అసలు తమ వాళ్ళని ఎక్కడకి తీసుకెళ్లారో చెప్పాలని తెలుగుదేశం నేతలు పోలీసులను ప్రశ్నిస్తున్నారు. పోలీసుల వైఖరి ఇలాగే కొనసాగితే మరోమారు ఇక్కడ అల్లర్లు చెలరేగే అవకాశం ఉందని పరిశీలకులు భావిస్తున్నారు. ప్రతిపక్ష నేతను అడ్డుకోవాలని వైసీపీ సానుభూతి పరులు ప్రయత్నించినా, చంద్రబాబుపై రాళ్ల దాడికి దిగినా వైసీపీ వారిపై ఎలాంటి చర్యలు తీసుకోకుండా తమపై పోలీసులు జులుం చూపడాన్ని పుంగనూరు తెలుగుదేశం  తీవ్రంగా వ్యతిరేకిస్తున్నది. ఈ క్రమంలో ఇక్కడ ఉద్రిక్త పరిస్థితులు తగ్గే అవకాశం లేదని, పోలీసుల చర్యలతోనే మరోమారు ఇక్కడ అల్లర్లు చెలరేగే అవకాశం ఉందని రాజకీయ వర్గాలలో బలంగా వినిపిస్తుంది.

By
en-us Political News

  
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
బంగారం ప్రియులకు ఇది నిజంగానే ఊరటనిచ్చే శుభవార్త అని చెప్పవచ్చు
తెలంగాణను ప్రపంచ పెట్టుబడులకు అనుకూలమైన రాష్ట్రంగా నిలబెట్టడమే లక్ష్యంగా ప్రభుత్వం ముందుకు సాగుతోందని ముఖ్యమంత్రి రేవంత్ రెడ్డి అన్నారు.
హానీట్రాప్ ఉచ్చులో పడిన వాయుసేన అధికారి.. షాకింగ్ నిజాలు వెల్లడించిన ఛార్జ్‌షీట్.!
మినీ బస్‌ను ఢీకొన్న ట్రక్కు.. 23 మంది మృతి.!
రాష్ట్రంలో 25 పారిశ్రామిక ఎకోసిస్టమ్ లను అభివృద్ధి చేస్తాం: లోకేష్
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.