దేశంలో ఏదో జరుగుతోంది ఏమిటది ?

Publish Date:Sep 22, 2022

Advertisement

దేశంలో ఏదో జరుగుతోంది. ఏమి జరుగుతోంది అనే  విషయంలో ఎవరికీ అంత స్పష్టత లేక పోయినా, ఏదో జరుగుతోందనే అనుమానాలు మాత్రం సర్వత్రా వ్యక్తమవుతున్నాయి. ఓ వంక రాష్ట్రీయ స్వయం సీవక్ సంఘ్ (ఆర్ఎస్ఎస్) ముస్లిం సమాజంతో సయోధ్య యత్నాలకు శ్రీకారం చుట్టింది. సంఘ్ అధినేత మోహన్ భగవత్ ఇతర సంఘ్ పెద్దలతో కలిసి, ఆల్ ఇండియా ఇమాం అసోసియేషన్ అధిపతి ఇమాం ఉమేర్ అహ్మద్ ఇల్యాసి తో సమావేసమయ్యారు. ఢిల్లీ లోని కస్తూరిబా గాంధీ మార్గ్ చర్చిలో    బుధవారం(సెప్టెంబర్21) సుమారు గంటకు పైగా ఈ రహస్య సమావేశం జరిగింది.  ఈ సమావేశంలో  మోహన్ భగవత్ తో పాటు సంఘ్ ప్రముఖులు కృష గోపాల్, రామ్ లాల్, ఇంద్రేష్ కుమార్ కుడా పాల్గొన్నారు. 

అయితే, ఈ సమావేశానికి  ప్రత్యేక ప్రధాన్యత ఏదీ లేదని, ఆర్ఎస్ఎస్ ప్రచార్ ప్రముఖ్ సునీల్ అంబేద్కర్ చెప్పారు. దేశంలో మత సామరస్యాన్ని బలోపేతం చేసేందుకు, ఆర్ఎస్ఎస్ అధినేత మోహన్ భగవత్ ముస్లిం మేథావులతో చర్చలు జరుపుతున్నారని, అందులో భాగంగానే ఈ సమావేశం జరిగిందని అంతకు మించి ఈ భేటికీ ప్రత్యేక ప్రధాన్యత లేదని అయన చెప్పారు. సంఘ్ అధినేత అన్ని వర్గాల ప్రజలతో నిరంతరం నిర్వహించే, ‘సంవాద్’ కార్యక్రమంలో భాగంగానే మోహన్ భగవత్ ఆల్ ఇండియా ఇమాం అసోసియేషన్ అధిపతి ఇమాం ఉమేర్ అహ్మద్ ఇల్యాసి కలిశారని చెప్పారు.  

కానీ అదే సమయంలో దేశ వ్యాప్తంగా పాపులర్‌ ఫ్రంట్‌ ఆఫ్‌ ఇండియా (పీఎఫ్‌ఐ) కార్యాలయాలపై జాతీయ దర్యాప్తు సంస్థ (ఎన్‌ఐఏ) దాడులు కొనసాగుతున్నాయి. మరోవంక కేంద్ర హోంమంత్రి అమిత్ షా, హోం శాఖ సీనియర్ అధికారులతో కీలక భేటీ నిర్వహించారు. అలాగే, హోంమంత్రి నిర్వహించిన సమావేశంలో జాతీయ భద్రతా సలహాదారు అజిత్‌ ధొభాల్‌, కేంద్ర హోంశాఖ కార్యదర్శి అజయ్‌ భల్లా, ఎన్‌ఐఏ డైరెక్టర్‌ జనరల్‌ దినకర్‌ గుప్తా సహా పలువురు కీలక అధికారులు పాల్గొన్నారు. పీఎఫ్‌ఐ కార్యకర్తలు, ఉగ్ర అనుమానితుల విషయంలో తీసుకోవాల్సిన చర్యలపై అమిత్ షా ఈ భేటీలో చర్చించినట్లు ఓ అధికారి వెల్లడించారు. దీంతో  కేంద్ర ప్రభుత్వం కీలక నిర్ణయం ఏదో తీసుకునే అవకాశం ఉందన్న అనుమానాలు వ్యక్త మవుతున్నాయి. 

నిజానికి  పీఎఫ్‌ఐ దేశంలో విధ్వంసం సృష్టించేందుకు ప్రయత్నిస్తోందనే ఆరోపణలు ఉన్నాయి. ఇటీవల కర్ణాటక, కేరళ, తమిళనాడు రాష్ట్రాలతో పాటుగా మరికొన్ని రాష్ట్రాలలో  మత ఉద్రిక్తలకు దారి తీసిన సంఘటనల వెనక, పీఎఫ్‌ఐ హస్తం ఉందని ఎన్‌ఐఏ నిర్ధారణకు వచ్చింది. అలాగే మొదటి నుంచి కూడా యువతకు శిక్షణ పేరుతో పీఎఫ్‌ఐ చట్ట విరుద్ధ కార్యకలపాలు సాగిస్తోందనే ఆరోపణలున్నాయి. ముఖ్యంగా ఉగ్రవాద కార్యకలాపాలకు నిధులు, తీవ్రవాద భావజాలం వ్యాప్తి వంటి ఆరోపణలు రావడంతో ఎన్‌ఐఏ, ఈడీ సంయుక్తంగా పీఎఫ్‌ఐ కార్యాలయాలు, సభ్యుల ఇళ్లపై దాడులు చేపట్టింది. ఈ దాడుల అనంతరం కేంద్రం పీఎఫ్‌ఐపై నిషేధం విధించే అవకాశాలున్నట్లు ఊహాగానాలు వినిపిస్తున్నాయి. ఈ క్రమంలోనే అమిత్ షా అత్యవసర భేటీ నిర్వహించడం ప్రాధాన్యత సంతరించుకుంది.

 కాగా నిషేధం విధిస్తే ఎదురయ్యే పరిణామాలను దృష్టిలో ఉంచుకునే ఆర్ఎస్ఎస్ అధినేత్ మోహన్ భగవత్ ముస్లిం పెద్దలు, మేథావులతో సమావేసమై ఉంటారని అంటున్నారు. అలాగే ఇటీవల మహ్మద్ ప్రవక్త పై అభ్యంతరకర వ్యాఖ్యలు చేశారనే ఆరోపణలపై పార్టీ అధికార ప్రతినిధి నుపుర్ శర్మను, అదే విధంగా హైదరాబాద్ గోషామహల్ ఎమ్మెల్యే రాజాసింగ్ ను బీజేపే అధినాయకత్వం పార్టీ నుంచి సస్పెండ్ చేసింది. జరుగతున్న పరిణామాలు, గతంలో జరిగిన పరిణామాలు ఒకదానికొకటి  సంబంధం లేనట్లు కనిపించినా ఎక్కడో ఏదో సంబంధం ఉన్నట్లే ఉందని, అందుకే దేశంలో ఏదో జరుగుతోందని అనుమానించ వలసి వస్తోందని అంటున్నారు.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.