క్రికెట్ ప్రపంచంలో విషాదం చోటు చేసుకుది. క్రికెట్ దిగ్గజం, వెస్టిండీస్ మాజీ కెప్టెన్  సర్ గ్యారీఫీల్డ్ సోబర్స్ కన్నుమూశారు. ఆయన వయస్సు 89 సంవత్సరాలు.  వృద్ధాప్య సమస్యల కారణంగా ఆయన కన్నుమూసినట్లు తెలుస్తోంది. బ్యాటింగ్‌తోనూ, బౌలింగ్‌తోనూ మైదానంలో అద్భుతాలు సృష్టించి, ప్రపంచవ్యాప్తంగా కోట్ల మంది అభిమానుల హృదయాల్లో స్థానం సంపాదించుకున్న గ్యారీ సోబర్స్..  క్రికెట్ ఆటలో ఆల్‌రౌండర్ అనే పదానికి  నిలువెత్తు నిదర్శనంగా నిలిచారు. 

  ప్రత్యర్థి బౌలర్లకు వణుకు పుట్టించే సోబర్స్, ఒకే ఓవర్‌లో ఆరు సిక్సర్లు బాదిన మొట్టమొదటి ఫస్ట్-క్లాస్ క్రికెటర్‌గా చరిత్ర సృష్టించారు. 1968లో స్వాన్సీలోని  సెయింట్ హెలెన్స్ మైదానంలో జరిగిన ఒక మ్యాచ్‌లో ఆయన ఈ అరుదైన ఘనత సాధించారు. ఆ సమయంలో నాటింగ్‌హామ్‌షైర్ కౌంటీ జట్టుకు ప్రాతినిధ్యం వహిస్తూ, గ్లామోర్గాన్ జట్టుపై జరిగిన మ్యాచ్‌లో ఆయన ఈ రికార్డును నెలకొల్పారు.  

బార్బడోస్ లో జన్మించిన సోబర్స్ చిన్నతనం నుంచే క్రికెట్ లో అసాధారణమైన ప్రతిభను కనబరిచారు. కేవలం 16 సంవత్సరాల వయస్సులోనే  ఫస్ట్-క్లాస్ క్రికెట్ లోకి అడుగుపెట్టారు. ఆ మరుసటి ఏడాదే.. అంటే 16 ఏళ్ల వయస్సులోనే  వెస్టిండీస్ జాతీయ టెస్ట్ జట్టులో స్థానం సంపాదించారు. 1958లో పాకిస్థాన్ తో జరిగిన టెస్ట్ మ్యాచ్‌లో   అజేయంగా 365 పరుగులు సాధించి   ప్రపంచ రికార్డును నెలకొల్పారు.  ఈ రికార్డును దాదాపు 36 సంవత్సరాల పాటు ఎవరూ అధిగమించలేకపోయారు. చివరకు 1994లో వెస్టిండీస్‌కే చెందిన మరో దిగ్గజ బ్యాటర్ బ్రియాన్ లారా ఈ మైలురాయిని అధిగమించారు.

తన సుదీర్ఘమైన క్రికెట్ ప్రయాణంలో ఎన్నో విజయాలను నమోదు చేసిన సోబర్స్, తన 38వ ఏట.. 1974లో అంతర్జాతీయ క్రికెట్ నుంచి రిటైర్ అయ్యారు.     . తన క్రికెట్  కెరీర్‌లో మొత్తం 93 టెస్ట్ మ్యాచ్‌లు ఆడిన సోబర్స్ , 57.78 సగటుతో 8 వేల 032 పరుగులు సాధించారు. బౌలింగ్‌లోనూ అదే స్థాయి నిలకడను ప్రదర్శిస్తూ 34.03 సగటుతో 235 వికెట్లు పడగొట్టారు. టెస్ట్ క్రికెట్ చరిత్రలో ఐదు వేలకు పైగా పరుగులు సాధించిన దిగ్గజ ఆటగాళ్ల జాబితాను పరిశీలిస్తే, ఇప్పటికీ నాలుగో అత్యధిక బ్యాటింగ్ యావరేజ్ కలిగిన ఆటగాడిగా ఆయన రికార్డు భద్రంగా ఉంది.  

సోబర్స్ మరణం పట్ల  క్రీడా ప్రముఖులు, మాజీ క్రికెటర్లు  తీవ్ర దిగ్భ్రాంతిని వ్యక్తం చేశారు. సోబర్స్ ఆట తీరు, మైదానంలో   కనబరిచిన హుందాతనం తరతరాల క్రికెటర్లపై చెరగని ప్రభావాన్ని చూపుతూనే ఉంటాయని అభిమానులు సామాజిక మాధ్యమాల వేదికగా శ్రద్ధాంజలి ఘటిస్తున్నారు. 

Sir Garfield Sobers Death, West Indies Cricket Legend, Greatest Cricket All Rounder, Gary Sobers Record Six Sixes