తెలుగు ప్రజలతో ఆడుకొంటున్న రాజకీయ పార్టీలు

Publish Date:Aug 28, 2013

Advertisement

 

వైకాపా గౌరవాధ్యక్షురాలు విజయమ్మ రాష్ట్ర విభజనలో సమన్యాయం చేయాలంటూ తన పార్టీ నేతలతో కలిసి బుధవారం ఢిల్లీలోని జంతర్ మంతర్ వద్ద మూడు గంటలసేపు ధర్నానిర్వహించారు. ఈ సందర్భంగా ఆమె మాట్లాడుతూ రాష్ట్రంలో ప్రభుత్వపాలన పూర్తిగా గాడి తప్పిందని, ప్రజలెవరూ సంతోషంగా లేరని ఆమె ఆవేదన వ్యక్తం చేసారు. తన భర్త స్వర్గీయ రాజశేఖరరెడ్డి రాష్ట్రం సమైక్యంగా ఉండాలని కోరుకొన్నారని, అయితే ప్రస్తుతం టీడీపీ, కాంగ్రెస్ పార్టీలు తమ రాజకీయ ప్రయోజనాల కోసం ప్రజల మధ్య వైషమ్యాలు సృష్టిస్తున్నాయని, తత్ఫితంగా రాష్ట్రం అగ్నిగుండంగా మారిందని ఆమె అన్నారు.

 

తెలుగు ప్రజల సమైక్యకృషి కారణంగా అభివృద్ధి చెందిన హైదరాబాద్ ను ఇప్పుడు విభజన కారణంగా ఎందుకు వదులుకోవాలని ఆమె ప్రశ్నించారు. అందరి కృషి కారణంగా అభివృద్ధి అయిన నగరాన్ని ఇప్పుడు కేవలం తెలంగాణకు మాత్రమే ఎలా కేటాయిస్తారని ఆమె ప్రశ్నించారు.

 

విజయమ్మతో సహా నేడు కాంగ్రెస్, తెదేపా నేతలు సైతం అడుగుతున్నఈ ప్రశ్నలు గత సంవత్సరం కేంద్ర ప్రభుత్వం అఖిలపక్ష సమావేశం నిర్వహించినప్పుడు అడిగి ఉంటే, ఆ పార్టీల నిబద్ధతపై రాష్ట్ర ప్రజలందరికీ నమ్మకం కలిగి ఉండేది. కానీ, ఆవిధంగా అడిగితే అది తెలంగాణా వ్యతిరేఖతగా ప్రచారమయితే అక్కడ తమ పార్టీలు ఎక్కడ నష్టపోతాయనో భయంతో నాడు అందరూ మౌనం వహించారు తప్ప ఈ సందేహాలన్నీనాడు వారికి లేవని కాదు. నేడు రాష్ట్రం యొక్క, ప్రజల యొక్క దైన్య స్థితి గురించి బాధపడుతూ మొసలి కన్నీరు కారుస్తున్న ఈ రాజకీయ నేతలకు, నిజంగా తమ పార్టీ ప్రయోజనాల కంటే రాష్ట్ర ప్రయోజనాలే ముఖ్యమని భావించి ఉంటే ఆనాడే దైర్యంచేసి వివిధ అంశాలపై నేడు లేవనెత్తుతున్న ధర్మసందేహాలను అడిగి ఉంటే నిజంగానే నేడు రాష్ట్రానికి ఈ దుస్థితి వచ్చిఉండేది కాదు. అంతే కాకుండా ఈ అంశాలపై ఈపాటికి ఒక స్పష్టత కూడా వచ్చి ఉండేది.

 

ఆనాడు తెలంగాణా ఉద్యమాల వల్ల తమ పార్టీలపై ఏర్పడిన తీవ్ర ఒత్తిళ్ళ నుండి తాత్కాలికంగా బయటపడే ఉద్దేశ్యంతో, తాము రాష్ట్ర విభజనకు అనుకూలంగా లేఖలు ఇచ్చినప్పటికీ కేంద్రం ఎట్టిపరిస్థితుల్లో తెలంగాణా ఇవ్వలేదని వారు బలంగా నమ్మినందునే లేఖలు ఇచ్చారు. తెలంగాణాలో తమ పార్టీలు నష్టపోకూడదనే ఆలోచనతోనే నాడు అఖిలపక్షంలో నోరు మూసుకొని కూర్చొని వచ్చారు.

 

తమ ఈ నిర్వాకాన్నిఅంతా నేర్పుగా కప్పిపుచ్చుకొంటూ రాష్ట్రంలో అన్ని రాజకీయ పార్టీలు, మిగిలిన పార్టీల వైపు వేలెత్తి చూపుతూ ఇంకా ప్రజలని మభ్యపెట్టాలని చూస్తున్నాయి. అందుకే నేడు సీమాంధ్రలో సమైక్య ఉద్యమం చేస్తున్న ప్రజల వద్దకు సదరు నేతలు దైర్యంగా వెళ్ళలేకపొతున్నారు. వెళ్ళిన ప్రతీ ఒక్కనేతకీ భంగ పాటు తప్పడం లేదు. ప్రజలు రాజకీయ నాయకుల మాటలను నమ్మడం లేదని ఇంతకంటే మంచి ఉదాహరణ ఏముంటుంది. అయినప్పటికీ నిరాహార దీక్షలు, ధర్నాలు, యాత్రలు చేయడం ద్వారా ప్రజలను సులువుగా మభ్యపెట్టవచ్చుననే భ్రమలో ఉండటం విశేషం.

 

ఇప్పటికయినా రాజకీయ నేతలు, పార్టీలు విజ్ఞత ప్రదర్శించి రాష్ట్రం మళ్ళీ గాడినపడేలా చేయగలిగితే ప్రజలే వారికి పట్టం కడతారు. లేకుంటే అందుకు వారు భారీ మూల్యం చెల్లించక తప్పదు.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.