మోడీ ‘ఛార్జ్’తో జగన్ కు తిప్పలే..?

Publish Date:Nov 12, 2022

Advertisement

ప్రధాని మోడీ ఒక పక్కన వైఎస్ జగన్ ను కొడుకు మాదిరిగా ట్రీట్ చేస్తున్నట్లు కనిపిస్తారు. ఢిల్లీ వెళ్లిన ప్రతిసారీ జగన్ కు అడిగిందే తడవు అన్నట్లు అపాయింట్ మెంట్లూ ఇచ్చేస్తుంటారు. ఏపీకి ఏమీ చేయకపోయినా ఏదో మాయమాటలు చెప్పి, వట్టి చేతులతో వెనక్కి పంపించేస్తుంటారు. ఏపీ సీఎం వైఎస్ జగన్ పట్ల ప్రధాని మోడీ అనురిస్తున్న వైఖరిలో ఇది ఒక పార్శ్వం.

తాజాగా విశాఖపట్నం పర్యటనకు వచ్చి.. జగన్ లెక్కలేంటో, తప్పిదాలేంటో వెలికి తీయాలని బీజేపీ స్థానిక నేతలను పురమాయించారు. జగన్ సర్కార్ తప్పిదాలపై ఎప్పటికప్పుడు ఛార్జ్ షీట్ వేయాలని చెప్పారు. ఆ చార్జి షీట్లను పల్లె నుంచి పట్టణం దాకా, పంచాయతీ నుంచి మండలం, జిల్లా, రాష్ట్ర స్థాయి వరకు జనంలోకి తీసుకెళ్లాలని ఆదేశించారు. జగన్ అవినీతి, అరాచకాలను ఉపేక్షించవద్దని వారికి చెప్పారు. ఏపీ ప్రజలు ఇచ్చిన అవకాశాన్ని జగన్ పాడుచేసుకుంటున్నారని, ఆ అవకాశాన్ని మనం రాజకీయంగా ఉపయోగించుకోవాలని చెప్పారు. మీ పని మీరు చేయండి.. మీకు అధిష్టానం అండగా ఉంటుంది అని బీజేపీ కోర్ కమిటీ భేటీలో పార్టీ ఏపీ నేతలను ఆదేశించారు. అంతటితో ఆగకుండా వైసీపీ సర్కార్ పై నేరుగా యుద్ధానికి దిగాలని బీజేపీ నేతలకు సంకేతాలు ఇస్తారు.

సమాఖ్య స్ఫూర్తికి మాత్రమే తాను కట్టుబడి ఉంటానని, ఎవరిపైనా తనకు ప్రత్యేక ప్రేమ ఉండదని, ప్రభుత్వం ప్రభుత్వమే.. రాజకీయం రాజకీయమే అని బీజేపీ నేతలకు స్పష్టంగా చెబుతారు. అవినీతి విషయంలో ఎంతటి వారు ఉన్నా ఉపేక్షించేది లేదంటారు. అవినీతి, అరాచకాలు, భూకబ్జాలు, అప్పులు గురించి ఎప్పటికప్పుడు బయటపెట్టాలని చెబుతారు. ఏపీలో బీజేపీ బలం పెంచడంపై మరింతగా దృష్టిపెట్టాలని పార్టీ నేతలకు హితబోధ చేస్తారు. మనకు మన పార్టీయే ముఖ్యం అని స్పష్టంగా బీజేపీ నేతలకు చెబుతారు. అంటే.. వైసీపీ నేతల అవినీతి, అక్రమాలు, భూకబ్జాలు తదితర విషయాలపై జగన్ ను ఇరకాటంలో పెట్టాలనేది ప్రధాని మోడీ మాటల్లోని అంతరార్థం అని విశ్లేషకులు చెబుతున్నారు. వైసీపీ ప్రభుత్వ వైఫల్యాలు, అవినీతిని జనంలోకి తీసుకెళ్లడంతో పాటు.. ఏపీకి కేంద్రం చేసిన వాటి గురించి జనానికి స్పష్టంగా వివరించాలని తమ పార్టీ నేతలకు పురమాయించడం గమనార్హం.

రాజకీయాల్లో నిదానం పనికిరాదని, ఎప్పుడూ వేగంగానే ఉండాలని, సమస్య చిన్నదా? పెద్దదా? అని చూడకుండా స్థానిక సమస్యలు, పరిష్కారం కోసం గళమెత్తుతూనే ఉండాలని బీజేపీ నేతలకు నూరిపోస్తున్నారు. రాష్ట్ర ప్రభుత్వ లోపాలను ఎండగట్టడంలో సందేహం వద్దని నిర్దేశించారు.

అంటే.. జగన్ విషయంలో బీజేపీది ఇప్పటి దాకా ఒక లెక్క.. ఇక నుంచి మరో లెక్క అనే చందంగా మోడీ స్పష్టం చేసినట్లు అంచనా వేస్తున్నారు. ఏపీలో జగన్ అసమర్థ పాలనను ఇక ఉపేక్షించేది లేదనే సంకేతాన్ని మోడీ ఇస్తున్నారంటున్నారు. తాము తీసుకునే ఏ నిర్ణయానికైనా బేషరతుగా మద్దతు ఇస్తూ వస్తున్న జగన్ విషయంలో మోడీకి ఇప్పుడెందుకు చిర్రెత్తుకొచ్చిందనే ప్రశ్న వస్తోంది. విశాఖలో తన సభను విజయవంతం చేయడానికి జగన్ అండ్ కో ఎంతగా శ్రమించినా.. మోడీలో జగన్ పట్ల ఎక్కడో ఒక మూల అసంతృప్తో లేక అసహనమో ఉందని రాజకీయ విశ్లేషకులు అంచనా వేస్తున్నారు.

ప్రధాని మోడీ ఆదేశాలతో ఏపీ బీజేపీ నేతలు వైసీపీ సర్కార్ పై ఇక నుంచి చార్జ్ షీట్లు వేస్తే.. ఊరూరా తిరిగి ప్రజలకు రాష్ట్ర సర్కార్ తప్పిదాల గురించి ఏకరువు పెడుతుంటే.. జగన్ కు ముందు ముందు గడ్డుకాలం తప్పదేమో అంటున్నారు.

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.