జాతీయ పోలీస్ అకాడమీ (సర్దార్ వల్లభభాయ్ పటేల్ నేషనల్ పోలీస్ అకాడమీ - ఎస్వీపీఎన్‌ పీఏ)లో శిక్షణ పొందు తున్న ట్రైనీ ఐపీఎస్ అధికారి ఉదయ్ కృష్ణా రెడ్డిపై లైంగిక వేధింపుల కేసు నమోదుకావడం దేశవ్యాప్తంగా చర్చనీయాం శమైంది. అదే అకాడమీలో శిక్షణ పొందుతున్న ఓ మహిళా ట్రైనీ ఐపీఎస్ అధికారి ఇచ్చిన ఫిర్యాదు మేరకు హైదరాబాద్ పోలీసులు కేసు నమోదు చేసి దర్యాప్తును వేగవంతం చేశారు. శిక్షణ సమయంలో ఉదయ్ కృష్ణారెడ్డి తనను లైంగికంగా వేధించారని మహిళా ట్రైనీ ఐపీఎస్ అధికారి ఆరోపించారు. ఆమె ఫిర్యాదు మేరకు పోలీ సులు సంబంధిత చట్టాల కింద కేసు నమోదు చేసి, బాధితురాలి వాంగ్మూ లాన్ని నమోదు చేశారు. అనంతరం ఉదయ్ కృష్ణారెడ్డి వాంగ్మూలాన్ని నమోదు చేసేందుకు నోటీసులు జారీ చేశారు.

అయితే, గత రెండు రోజులుగా పోలీసులు ఆయనకు నోటీసులు అందజేయడానికి ప్రయ త్నిస్తున్నప్పటికీ ఆయన అందుబాటులోకి రాలేదు. హైదరాబాద్‌లో ఆయనకు సంబంధించిన రెండు చిరునామాల్లో తనిఖీలు నిర్వహించినా ఆచూకీ లభించలేదు. అంతేకాకుండా అతని ఫోన్ కూడా స్విచ్ ఆఫ్ రావడంతో విచారణకు సహకరించకుండా అతను పరారీలో ఉన్నట్లు పోలీసులు భావిస్తున్నారు. ఉదయ్ కృష్ణారెడ్డి కోసం ప్రత్యేక బృందాలతో గాలింపు చేపట్టిన పోలీసులు, అతను సంచరించే అవకాశం ఉన్న ప్రాంతాల్లో కూడా విస్తృతంగా తనిఖీలు నిర్వహిస్తున్నారు. సాంకేతిక ఆధారాలను కూడా పరిశీలిస్తూ ఆయన ఆచూకీ కోసం ముమ్మ రంగా గాలిస్తున్నారు. 

దేశంలో అత్యున్నత పోలీసు సేవల్లో చేరేందుకు శిక్షణ పొందుతున్న ఓ ట్రైనీ ఐపీఎస్ అధికారిపైనే ఇటువంటి ఆరోపణలు రావడం పోలీసు వర్గాల్లో తీవ్ర చర్చకు దారితీసింది. అయితే, ప్రస్తుతం ఇవి ఫిర్యాదు ఆధారంగా నమోదైన ఆరోపణలు మాత్రమే. కేసు దర్యాప్తు కొనసాగుతోంది. విచారణ పూర్తయ్యే వరకు ఆరోపణలు నిరూపితమైనవిగా పరిగణించరాదు. ఈ కేసు దర్యాప్తును హైదరాబాద్ ఉమెన్ సేఫ్టీ వింగ్ డీసీపీ లావణ్య నాయక్ జాదవ్  పర్యవేక్షిస్తున్నారు. ఆమె ఆధ్వర్యంలో ప్రత్యేక దర్యాప్తు బృందం విచారణను వేగవంతం చేసింది. ఉదయ్ కృష్ణారెడ్డి ఆచూకీ కోసం గాలింపు కొనసాగుతుండగా, ఆయనను విచారణకు హాజరుపరిచి వాంగ్మూలం నమోదు చేసిన అనంతరం తదుపరి చట్టపరమైన చర్యలు తీసుకోనున్నట్లు పోలీసు వర్గాలు తెలిపాయి.

Trainee IPS officer Uday Krishna Reddy, SVPN PA, National Police Academy, Female Trainee IPS, Hyderabad police, CP Sajjanar, DGP C.V Anand, CM Revanth redy