టీపీసీసీ చీఫ్ గా రేవంత్ రెడ్డి! ఏఐసీసీలోకి కోమటిరెడ్డి, పొన్నం

Publish Date:May 31, 2021

Advertisement

తెలంగాణ రాజకీయాల్లో కీలక పరిణామాలు చోటు చేసుకుంటున్నాయి. కేసీఆర్ మంత్రివర్గం నుంచి బర్తరఫ్ అయిన ఈటల రాజేందర్ బీజేపీలో చేరబోతున్నారు. ఆయన ఢిల్లీకి వెళ్లి కాషాయ పార్టీ పెద్దలతో చర్చలు కూడా సాగించారు. ఈటల రాజేందర్ ను కాంగ్రెస్ లోకి తీసుకొచ్చేందుకు.. కొందరు హస్తం పార్టీ నేతలు ప్రయత్నించినా సక్సెస్ కాలేకపోయారు. ఈటల బీజేపీలో చేరుతుండటంతో కాంగ్రెస్ పార్టీ మరింత అప్రమత్తమైంది. చాలా కాలంగా పెండింగులో ఉన్న తెలంగాణ పీసీసీ పదవిని వీలైనంత త్వరగా ప్రకటించాలని కాంగ్రెస్ హైకమాండ్ నిర్ణయించినట్లు తెలుస్తోంది.

తెలంగాణ పీసీసీ రేసులో కోమటికరెడ్డి వెంకట్ రెడ్డి, రేవంత్ రెడ్డి ముందున్నా.. ఎంపీ రేవంత్ రెడ్డినే రాహుల్ గాంధీ ఫైనల్ చేశారని సమాచారం. సీఎం కేసీఆర్ ను, బీజేపీ దూకుడును ఎదుర్కొవాలంటే రేవంత్ రెడ్డే సరైన నేత అని హస్తం హైకమాండ్ నిర్ణయించిందని తెలుస్తోంది. పీసీసీ పీఠం కోసం చివరి వరకు పోరాడిన ఎంపీ కోమటిరెడ్డి వెంకట్ రెడ్డికి ఏఐసీసీ కార్యదర్శి పదవి ఇవ్వనున్నారట. ప్రస్తుతం వర్కింగ్ ప్రెసిడెంట్ గా ఉన్న పొన్నం ప్రభాకర్ కూడా ఏఐసీసీలోకి వెళ్లనున్నారని కాంగ్రెస్ వర్గాల సమాచారం. టీపీసీసీ వర్కింగ్ ప్రెసిడెంట్లుగా దామోదర రాజనర్సింహ, షబ్బీర్ అలీ, మధు యాష్కి గౌడ్ ను నియమించనున్నారట. అన్ని వర్గాలకు ప్రాధాన్యత దక్కేలా సామాజిక న్యాయం చేసేలా రాహుల్ టీమ్ కసరత్తు చేసిందని సమాచారం. 

దుబ్బాక అసెంబ్లీ ఉప ఎన్నికలో కాంగ్రెస్ మూడో స్థానానికి పడిపోవడంతో.. నైతిక బాధ్యత వహిస్తూ పీసీసీ పదవికి రాజీనామా చేశారు ఎంపీ ఉత్తమ్ కుమార్ రెడ్డి. అప్పటి నుంచే ఏఐసీసీ పీసీసీ చీఫ్ కోసం కసరత్తు చేసింది. పార్టీ రాష్ట్ర వ్యవహారాల ఇంచార్జ్ మాణిక్కం ఠాగూర్ డిసెంబర్ లోనే పార్టీ నేతల అభిప్రాయాలు తీసుకున్నారు. సోనియా జన్మదినమైన డిసెంబర్ 9నే పీసీసీ ప్రకటన వస్తుందనే ప్రచారం జరిగింది. అయితే అది వాయిదా పడింది. తర్వాత నాగార్జున సాగర్ ఉప ఎన్నిక రావడంతో.. అది ముగిసేవరకు పీసీసీ ఎంపిక అపాలని జానారెడ్డి కోరడంతో మళ్లీ వాయిదా పడింది. నాగార్జున సాగర్ ఎన్నిక ముగిసి నెల రోజులు దాటినా పీసీసీ ఎంపికపై కదలిక రాలేదు. ఇంతలోనే తన మంత్రివర్గం నుంచి ఈటల రాజేందర్ ను కేసీఆర్ తప్పించడంతో రాజకీయాలు మళ్లీ వేడెక్కాయి. 

ఈటల రాజేందర్ కాంగ్రెస్ లో చేరేలా కొందరు నేతలు ప్రయత్నించినా సాధ్యం కాలేదు. ఈటల బీజేపీలో చేరుతుండటంతో ఆయనతో పాటు మరికొందరు నేతలు కమలం గూటికి చేరే అవకాశం ఉంది. చేవెళ్ల మాజీ ఎంపీ కొండా విశ్వేశ్వర్ రెడ్డి కూడా కాంగ్రెస్ పార్టీ తీరుపై అసంతృప్తిగా ఉన్నారు. ఆయనను కూడా బీజేపీ గాలం వేస్తుందని తెలుస్తోంది. అయితే పీసీసీ పగ్గాలు రేవంత్ రెడ్డికి ఇస్తే కొండా .. కాంగ్రెస్ లోనే కొనసాగుతారని చెబుతున్నారు. అంతేకాదు కేసీఆర్ సర్కార్ పై వ్యతిరేకంగా ఉన్న యువత అంతా రేవంత్ రెడ్డికి మద్దతుగా ఉన్నారని రాహుల్ టీమ్ సర్వేలో తేలిందట. అందుకే ఇక ఏ మాత్రం ఆలస్యం చేయకుండా రేవంత్ రెడ్డికి పీసీసీ పగ్గాలు అప్పగించాలని రాహుల్ గాంధీ డిసైడ్ అయ్యారని పక్కాగా తెలుస్తోంది. 

By
en-us Political News

  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.