బ‌డ్జెట్ బెల్‌.. ఆనం ఆగం.. తాడిప‌త్రి వార్‌.. ఉండ‌'వ‌ర్రీ'.. టాప్‌న్యూస్ @7pm

Publish Date:Feb 18, 2022

Advertisement

1. అవినాష్‌రెడ్డికి ఎంపీ టికెట్ ఇవ్వొద్దు అన్నందుకు వివేకానందరెడ్డిపై కక్షగట్టారని టీడీపీ అధినేత చంద్రబాబు ఆరోపించారు. పరిటాల రవి హంతకులను ఒక్కొక్కర్ని చంపేశారని చెప్పారు. సీఎం జగన్.. నేరాలు, ఘోరాలు చేస్తూ హత్యా రాజకీయాలు చేస్తే ఎలా? అని ప్రశ్నించారు. బాబాయిని చంపి టీడీపీ మీద విమర్శలు చేశారని మండిప‌డ్డారు చంద్ర‌బాబు. 

2. బడ్జెట్ సమావేశాలపై ఏపీ ప్రభుత్వం కసరత్తు చేస్తోంది. మార్చి 2వ వారంలో బడ్జెట్ సమావేశాలు జరగనున్నాయ‌ని తెలుస్తోంది. 8 లేదా 14వ తేదీ నుంచి ఏపీ బడ్జెట్ సమావేశాలు ప్రారంభం అయ్యే అవకాశం ఉంది. రెండు మూడు రోజుల్లో సమావేశాలకు సంబంధించి ప్రకటన వెలువడనుంద‌ని స‌మాచారం. 

3. ఉత్తరాంధ్ర, తూర్పుగోదావరి జిల్లాల ఇన్‌చార్జ్‌లతో టీడీపీ అధినేత‌ చంద్రబాబు భేటీ అయ్యారు. పార్టీ బలోపేతం, నియోజకవర్గాల్లోని పరిస్థితులపై చర్చించారు. అయితే, ఉత్తరాంధ్రలో కీలక నేతగా ఉన్న మాజీమంత్రి గంటా శ్రీనివాసరావు సమావేశానికి డుమ్మా కొట్టారు. ముందుగానే సమావేశానికి రాలేనని గంటా సమాచారం ఇచ్చారని టీడీపీ నేతలు తెలిపారు. 

4. జిల్లాల విభ‌జ‌న‌ విషయంలో హడావుడి నిర్ణయాలు తీసుకుంటే విధ్వేషాలు పెరుగుతాయన్నారు వైసీపీ ఎమ్మెల్యే ఆనం రామనారాయణరెడ్డి. రాష్ట్ర విభజన తర్వాత శ్రీశైలం, సాగర్ దగ్గర తెలంగాణ, ఆంధ్రా పోలీసులు కొట్టుకున్నట్టు అవుతుందన్నారు. జిల్లా విభజన సమయంలో నీటి లెక్కలు తేల్చాలని కోరారు. జిల్లాల‌ విభజన ప్రక్రియ గందరగోళంగా ఉందని ఆనం విమర్శించారు. 

5. తాడిపత్రిలో తీవ్ర ఉద్రిక్త‌త ఏర్ప‌డింది. మున్సిపల్ పాలక వర్గం అనుమతి తీసుకోకుండా విగ్రహం ఏర్పాటుకు ఎమ్మెల్యే కేతిరెడ్డి సిద్దపడడం దుమారం రేపింది. విగ్రహ ఏర్పాటును జేసీ వర్గం అడ్డుకుని, కలెక్టర్‌కు ఫిర్యాదు చేసింది. వైసీపీ, టీడీపీ వర్గాల మధ్య మ‌రోసారి రాజకీయ వేడి రాజుకుంది.

6. ఏపీకి త్వ‌ర‌లోనే రైల్వే జోన్ ఏర్పాటు చేస్తామని బీజేపీ ఎంపీ జీవీఎల్ నరసింహారావు అన్నారు. మరే ఇతర జోన్ ఇచ్చే ఉద్దేశం రైల్వేకు లేకపోయినా.. ప్రధాని మోదీ ఏపీకు రైల్వే జోన్ ఇస్తున్నారన్నారు. కేంద్రం ఇచ్చే పథకాలకు రాష్ట్రం స్టిక్కర్లు వేసుకుంటోందని విమర్శించారు. పీఎం అవాస్ యోజన కింద నిర్మించిన టిడ్కో గృహాలను లబ్ధిదారులకు ఇవ్వాలని డిమాండ్ చేశారు. ఆర్బికేలు, సచివాలయాలు.. కేంద్రం ఇచ్చే నిధులతోనే జరుగుతున్నాయన్నారు.

7. ఏపీ విభజనపై తెలంగాణ సీఎం కేసీఆర్‌కు కోపమెందుకని మాజీ ఎంపీ ఉండవల్లి అరుణ్ కుమార్ ప్రశ్నించారు. ఏపీకి జరిగిన అన్యాయంపై కేసీఆర్ మాట్లాడాలని, బీజేపీని నిలదీసేందుకు ఏపీని కలుపుకోవాలని అన్నారు. లోక్‌సభలో వైసీపీ ఎంపీలతో చర్చ పెట్టించాలని డిమాండ్ చేశారు. రాష్ట్రానికి జరిగిన అన్యాయంపై సీఎం జగన్ నోరుమెదపకపోవటం అన్యాయమని ఉండవల్లి మండిపడ్డారు. 

8. కేంద్రం కన్నెర్ర చేస్తే జగన్ జైలుకెళ్లడం ఖాయమన్నారు టీడీపీ నేత బండారు. వివేకానందరెడ్డి హత్యపై సీఎం జగన్, విజయసాయి ఎందుకు మాట్లాడరని ప్రశ్నించారు. వైసీపీ-బీజేపీ మధ్య లోపాయకారి పొత్తు ఉంద‌ని ఆరోపించారు. ఏపీ గవర్నర్ రబ్బర్ స్టాంప్‌గా మారారని మండిప‌డ్డారు. 

9. ఏపీలో రైస్ స్కాండల్‌పై సీబీఐ దర్యాప్తు జ‌ర‌గాల‌ని బీజేపీ నేత లంకా దినకర్ డిమాండ్ చేశారు. మార్కెట్‌లో కిలో రూ.40 అమ్మే బియ్యాన్ని రూ.25కే ఎగుమతి చేయడం ఏంట‌ని ప్ర‌శ్నించారు. గత మూడేళ్లుగా కోట్ల విలువైన పేదల బియ్యాన్ని స్వాహా చేసిన వారెవరో బయటపడాలన్నారు. 

10. త‌మ‌కు ప్రతిపక్షాలు, స్వపక్షాలు, ప్రభుత్వాలు అనే భేదాలు ఉండవ‌న్నారు చిన‌జీయ‌ర్ స్వామి. దేవుడికి పూజ, యాగం వంటివి జరిగే చోట ఎలాంటి ఆహ్వానం అక్కర్లేదన్నారు. సీఎం కేసీఆర్‌తో ఎలాంటి విభేదాలు లేవన్నారు. ఆరోగ్యం, ఇతర ప్రభుత్వ కార్యక్రమాల వ‌ల్ల ఆయన రాలేకపోయి ఉంటారని చెప్పారు. 

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.