పశ్చిమబెంగాల్ లో తృణమూల్ కాంగ్రెస్ నేత ఇల్లంతా బంగారమే. మంచాల దగ్గర నుంచి ఆ ఇంట్లో ప్రతి ఫర్నీచర్ బంగారంతో తయారైందే. శిబ్పూర్ టీఎంసీ నేత షమీమ్ అహ్మద్ అలియాస్ బారే  నివాసంలో ఓ కేసు నిమిత్తం సోదాలు నిర్వహించిన పోలీసులకు బంగారంతో తయారు చేసిన ఫర్నీచర్ తో ఆ ఇల్లు మెరిసిపోవడం చూసి మైండ్ బ్లాక్ అయ్యింది. కాగా సోదాలు జరిగిన సమయంలో షమీమ్ అహ్మద్ కుటుంబం పరారీలో ఉంది. 

పశ్చిమ బెంగాల్ ఫలితాలు వెలువడిన అనంతరం శిబ్ పూర్ లో బీజేపీ విజయోత్సవ ర్యాలీ నిర్వహించింది. ఆ విజయోత్సవ ర్యాలీపై బాంబులు, తుపాకులతో   షమీమ్ అహ్మద్ దాడి జరిపించారన్న ఆరోపణలు ఎదుర్కొంటున్నారు. దీనిపై కేసు కూడా నమోదైంది. ఈ కేసులో అరెస్టు భయంతో  షమీమ్ అహ్మద్ కుటుంబం పరారీలో ఉంది.

ఈ నేపథ్యంలోనే పోలీసులు ఆయన నివాసాంలో సోదాలు నిర్వహించారు.  ఆ సోదాలలో ఆయన ఇంట్లో బంగారు మంచం, బంగారు సోఫాతో పాటు..  ఆయన నివాసంలోని మెట్లదారి  రహస్య తలుపును తెరిచిన పోలీసులకు కిలోల కొద్దీ బంగారం కనిపించింది.