కరోనాతో కలసి బతికేందుకే తెలంగాణా యాక్షన్ ప్లాన్!
Publish Date:May 15, 2020
Advertisement
తెలంగాణా రాష్ట్రంలో ప్రధానంగా ఆర్టీసీ బస్సులు, క్యాబ్లు, ఆటోలు వంటి ప్రజారవాణా పునరుద్ధరణపై ఈ రోజు కీలక నిర్ణయాల్ని తెలంగాణా ప్రభుత్వం ప్రకటించనుంది. ప్రభుత్వ ఉద్యోగులకు వచ్చే నెలలో పూర్తి స్థాయి వేతనాలు చెల్లించేందుకు ఉన్న సాధ్యాసాధ్యాలపై చర్చిస్తారు. జూన్లో కొత్త విద్యా సంవత్సరం ప్రారంభం కావాల్సి ఉంది. ఈ విషయాన్ని సైతం ఈ భేటీలో చర్చించే అవకాశం ఉంది. కరోనా ఇప్పట్లో తగ్గుముఖం పట్టదని, ఈ వైరస్తో కలసి బతికేందుకు అవసరమైన వ్యూహాన్ని ఖరారు చేయాలని ఇప్పటికే సీఎం కేసీఆర్ అధికారులను ఆదేశించారు. కరోనా నియంత్రణకు రాష్ట్రంలో అమలు చేస్తున్న లాక్డౌన్కు సంబంధించిన భవిష్యత్తు వ్యూహాన్ని ఖరారు చేసేందుకు ముఖ్యమంత్రి కె.చంద్రశేఖర్రావు శుక్రవారం ప్రగతిభవన్లో ఉన్నతస్థాయి సమీక్ష నిర్వహించనున్నారు. కేంద్రం ప్రకటిం చిన సడలింపుల్లో ఇప్పటికే రాష్ట్రంలో కొన్నిం టిని అమలు చేస్తున్నారు. గ్రీన్, ఆరెంజ్ జోన్ల పరిధిలో నియంత్రిత పద్ధతిలో చాలావరకు వ్యాపార, వాణిజ్య కార్యకలాపాల నిర్వహణకు ప్రభుత్వం అనుమతించింది. హైదరాబాద్, రంగారెడ్డి తదితర రెడ్ జోన్ జిల్లాల్లో మాత్రం ఆంక్షలు యథాతథంగా కొనసాగుతున్నాయి. రెడ్ జోన్ జిల్లాల్లో కొన్ని సడలింపులకు అనుమతి ఇచ్చే విషయంపై ఈ సమావేశంలో చర్చించి నిర్ణయం తీసుకునే అవకాశం ఉంది. ప్రధానంగా జీహెచ్ఎంసీ మినహా ఇతర రెడ్ జోన్ జిల్లాల్లో కరోనా తీవ్రత తగ్గుముఖం పట్టిన నేపథ్యంలో అక్కడ కొంత వరకు ఆంక్షలు సడలించే అవకాశం ఉంది. అలాగే కేంద్రం జారీ చేసిన కొత్త మార్గదర్శకాల మేరకు ఇతర రాష్ట్రాల్లో చాలా వరకు సడలింపులిచ్చారు.
http://www.teluguone.com/news/content/telangana-govt-to-take-key-decision-on-public-transport-39-99177.html





