తెలంగాణ ముఖ్యమంత్రి కేసీఆర్ తెలంగాణ రాష్ట్ర మొదటి స్వాతంత్ర్య దినోత్సవాన్ని గోల్కొండ కోటలో చేయాలని నిర్ణయించిన సంగతి తెలిసిందే. ఈ నేపథ్యంలో గోల్కొండ ప్రాంతాన్ని సందర్శించడానికి కేసీఆర్ సోమవారం గోల్కొండకు వెళ్ళారు. ఈ నేపథ్యంలో పోలీసులు ఊహించని సంఘటన జరిగింది. ముఖ్యమంత్రి వస్తున్న సందర్భంగా తనిఖీలు నిర్వహిస్తు్న్న పోలీసులు గోల్కొండ ప్రాంతలో ఒక విలేఖరి సంచిని కూడా తనిఖీ చేశారు. ఈ సంచిలో ఒక కత్తి, బీరు బాటిల్ కనిపించడంతో పోలీసులు షాకయ్యారు. వెంటనే సదరు విలేఖరిని అదుపులోకి తీసుకుని కత్తిని స్వాధీనం చేసుకున్నారు. సంచిలో కత్తి పెట్టుకుని తిరుగుతున్న సదరు విలేఖరిని పోలీసులు అదుపులోకి తీసుకుని ప్రశ్నిస్తున్నట్టు తెలుస్తోంది.