గవర్నర్‌కు సూప‌ర్ ప‌వ‌ర్స్‌.. విభ‌జ‌న చ‌ట్టంతో కేసీఆర్‌కు చెక్‌!

Publish Date:Apr 6, 2022

Advertisement

తెలంగాణ ముఖ్యమంత్రి కేసీఆర్ మూడు రోజులుగా ఢిల్లీలో ఉన్నారు. ప్రధాని నరేంద్ర మోడీ, కేంద్ర హోమ్ మంత్రి అమిత్ షా అప్పాయింట్మెంట్ కోసం ఆయన ఎదురు చూస్తున్నారని అధికార, అనధికార వర్గాల సమాచారం. అదలా ఉంటే, తెలంగాణ సీఎం ఢిల్లీలో ఉండగానే, ఆంధ్ర ప్రదేశ్ ముఖ్యమంత్రి జగన్మోహన్ రెడ్డి ఢిల్లీ వెళ్లి ప్రధాని మోడీతో ఓ గంట సేపు చర్చలు జరిపారు. జగన్ రెడ్డి ప్రధానితో ఏమి చర్చించారు, ఏమిటి అనే విషయం పక్కన పెడితే, అదే సమయంలో తెలంగాణ గవర్నర్ తమిళి సై సౌందరరాజన్‌’కు ఢిల్లీ నుంచి పిలుపు వచ్చింది. ఆమె ఢిల్లీ వెళ్లి ప్రధాని మోడీతో సమావేసమయ్యారు. రాష్ట్రంలో గత కొంత కాలంగా, తెలంగాణ ప్రభుత్వం, ముఖ్యమంత్రి కేసీఆర్ ఉద్దేశపూర్వకంగా గవర్నర్’ ను అవమాన పరుస్తున్నారనే చర్చ జరుగుతున్న నేపధ్యంలో ఈ భేటి  ప్రాధాన్యతను సంతరించుకుంది. 

అదొకటి అలా ఉంటే, తెలంగాణ ముఖ్యమంత్రి కేసీఆర్ ఢిల్లీలో ఉండగానే, ప్రధాని నరేంద్ర మోడీ ఇటు ఆంధ్ర ప్రదేశ్ ముఖ్యమంత్రిని, అటు తెలంగాణ గవర్నర్’ను ప్రత్యేకంగా ఢిల్లీకి  పిలిపించుకుని చర్చలు జరపడం అనేక ఉహాగానాలకు తావిచ్చేలా ఉందని రాజకీయ మీడియా వర్గాల్లో చర్చ జరుగుతోంది. ఆంధ్ర ప్రదేశ్ ముఖ్యమంత్రి ముందుగా ప్రధాని అప్పాయింట్మెంట్ తీసుకుని ఢిల్లీ వెళ్ళారని ప్రచారం జరుగుతున్నా ఏపీ సీఎం కూడా పీఎంఓ పిలుపు మేరకే ఢిల్లీ వెళ్ళారని అంటున్నారు. కేంద్ర, రాష్ట్ర ప్రభుత్వాల మధ్య పచ్చగడ్డి వేస్తే భగ్గుమనే పరిస్థితి  ఉన్న నేపధ్యంలో, ఢిల్లీలో చోటు చేసుకున్న పరిణామలు ఆసక్తికరంగా మారాయి. 

ప్రధాన మంత్రి, సమతామూర్తి శ్రీ రామానుజుల విగ్రహావిష్కరణనకు హైదరాబాద్’ వచ్చిన సందర్భంలో ముఖ్యమంత్రి కనీస మర్యాద పాటించలేదు. కనీస మర్యాదను పాటించకే పోవడం ఒకెత్తు అయితే, ప్రధాని పర్యటనకు వ్యతిరేకంగా తెరాస నాయకులు ప్రదర్శనలు నిర్వహించారు. ఇక అక్కడి నుంచి కేంద్ర, రాష్ట్ర ప్రభుత్వాల మధ్య దూరం పెరుగుతూనే వుంది. అదే క్రమంలో రాష్ట్ర ప్రభుత్వం గవర్నర్’తోనూ కయ్యానికి కాలు దువ్వుతున్న వైనమే కనిపిస్తోంది. గణతంత్ర దినోత్సవ వేడుకలు మొదలు ఉగాది వేడుక వరకు రాజ్ భవన్’ లో జరిగిన ఏ కార్యక్రమానికి ముఖ్యమంత్రి, మంత్రులు, అధికారులు ఎవరూ హాజరుకాలేదు. అదే విధంగా మేడారం జాతర మొదలు గవర్నర్ దంపతుల యాదాద్రి దర్శనం వరకు రాష్ట్ర ప్రభుత్వం ప్రోటోకాల్ ఫాలో కాలేదు. ఇప్పుడు ఢిల్లీలో చోటు  చేసుకుంటున్న పరిణామాలు, హైదరాబాద్, అవమాన తిరస్కార క్రమంలో జరుగతున్న పరిణామాల లేక ఇంకేదైనా ఉందా అనేది ఇప్పుడు కీలక అంశంగా మారింది. 

ఏ నేపధ్యంలో దూకుడు పెంచిన ముఖ్యమంత్రి కేసీఆర్’కు ముకుతాడు బిగించేందుకు కేంద్ర ప్రభుత్వం పావులు కదుపుతోందని విశ్వసనీయ వర్గాల సమాచారం. ఆంధ్ర ప్రదేశ్ పునర్వ్యవస్థీకరణ చట్టం ప్రకారం జీహెచ్ఎంసీ పరిధిలో లా అండ్ ఆర్డర్ గవర్నర్ అధికార పరిధిలోకి వస్తుంది. అదే విధంగా, భవనాల పంపకాలు ఇతర వ్యవహరాల్లో ఆంధ్రప్రదేశ్ పునర్వ్యవస్థీకరణ చట్టం గవర్నర్’ కు కొన్ని విశేష అధికారాలు ఇచ్చిందని అంటున్నారు. ఇప్పుడు కేంద్ర ప్రభుత్వం అటు ఏపీ ముఖ్యమంత్రి జగన్ రెడ్డిని లైన్లో పెట్టి, గవర్నర్ ద్వారా తెలంగాణ ముఖ్యమంత్రి కేసీఆర్’కు చెక్ పెట్టేందుకు కేంద్రం పావులు కదుపుతోందని, అందులో భాగంగానే, ప్రధాని మోడీ ఏపీ సీఎం, తెలంగాణ గవర్నర్’ ను ఒకేసారి ఢిల్లీ పిలిపించి చర్చలు జరిపారని, ఒక విధంగా తెలంగాణ ముఖ్యమంత్రిని కట్టడి చేయడంతో పాటుగా, గవర్నర్ పవర్స్ ఏమిటో  రుచి చూపడం కూడా మోడీ, అమిత్ షా వ్యూహంగా చెపుతున్నారు. అయితే ఏది ఏమైనా, కేంద్రంతో కయ్యానికి కాలు దువ్వుతున్న ముఖ్యమంత్రి కేసీఆర్ తదుపరి వ్యూహం ఏమిటి, కేంద్రం ప్రతివ్యూహం ఏమిటి అనే దానిపైనే, భవిష్యత్ పరిణామాలు ఆధారపడి ఉంటాయని అంటున్నారు.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.