శ్రీదేవి దూకుడు.. పార్టీలో కుంప‌ట్లు...

Publish Date:Mar 22, 2022

Advertisement

అధికార వైయస్ జగన్ పార్టీలో మహిళ ఎమ్మెల్యేలపై నియోజకవర్గ ప్రజల్లో అసమ్మతి సెగ రాజుకొంది. ఆ క్రమంలో ఇప్పటికే నగరి ఎమ్మెల్యే ఆర్కే రోజాకు సదరు నియోజకవర్గంలోని అయిదు మండలాల ప్రజలు.. ఆమెకు పట్టపగలే  చుక్కలు చూపిస్తున్నారన్న టాక్ అయితే చిత్తూరు జిల్లాలో యమ జోరుగా నడుస్తోంది. తాజాగా అధికార పార్టీకి చెందిన మరో ఎమ్మెల్యే కూడా అసమ్మతిని మూట కట్టుకొని.. రోజా బాటలోనే నడుస్తోన్నారనే టాక్ అయితే గుంటూరు జిల్లా వ్యాప్తంగా మస్త్ మస్త్‌గా సాగుతోంది. 

తాజాగా తాడికొండ ఎమ్మెల్యే ఉండవల్లి శ్రీదేవి కూడా నేను మోనార్క్... అనే స్టైల్‌లో వ్యవహరిస్తోండడంతో.. నియోజకవర్గంలోని ప్రజలే కాకుండా.. ఆ నియోజకవర్గంలోని పార్టీ నేతలతోపాటు కార్యకర్తలు సైతం ఉక్కిరిబిక్కిరి అవుతున్నారని సమాచారం.  అందుకే సదరు ఎమ్మెల్యేపై వారంతా తిరుగుబాటుకు తెర తీశారనే చర్చ సైతం నియోజకవర్గంలో హాట్ హాట్‌గా నడుస్తోంది. 

ఎమ్మెల్యే శ్రీదేవి దూకుడుకు సొంత పార్టీలోని వారే అల్లాడిపోతున్నారని.. వచ్చే ఎన్నికల్లో ఆమెకు సీటు ఇస్తే మాత్రం.. ఆమె ఓటమికి గల కారణాలను దయచేసి మమ్మల్ని అడగవద్దంటూ .. సదరు నియోజకవర్గంలోని ఫ్యాన్ పార్టీ ఎస్సీ  నేతలు.. ఆ పార్టీ అగ్రనేతలతో పేర్కొన్నట్లు తాడేపల్లి ప్యాలెస్‌ సాక్షిగా ఓ టాక్ అయితే నడుస్తోంది. ఆ క్రమంలో ఇప్పటికే శ్రీదేవికి వ్యతిరేకంగా నియోజకవర్గంలోని క్షేత్రస్థాయి నేతలంతా ఓ తీర్మానం కూడా చేశారట. అంతేకాదు.. ఆమెపై వారంతా ఆరోపణలను సైతం సంధిస్తున్నారు. ఎమ్మెల్యే శ్రీదేవి ఏక పక్షంగా నిర్ణయాలు తీసుకోంటున్నారని... వాలంటీర్ ఉద్యోగాలు సైతం అమ్ముకోవడానికి ఏ మాత్రం సంకోచించడం లేదని.. ఆపదలో ఉన్న పార్టీ కార్యకర్తల కుటుంబాలను సైతం ఆమె పట్టించుకోరని.. అలాగే అర్హులకు సీఎం రిలీఫ్ ఫండ్ మంజూరు చేసేలా.. ప్రయత్నాలు కూడా ఆమె చేయరని.. క్షేత్రస్థాయిలోని నేతలంతా మరీ గుర్తు చేస్తున్నారు. 

ఉండవల్లి శ్రీదేవి.. ఎమ్మెల్యే అయిన నాటి నుంచి ఆమె వ్యవహారశైలి వివాదాస్పదమేనన్న సంగతి అందరికీ తెలిసిందే. నాటి నుంచి ఆమె కేడర్‌ను దూరంగా పెట్టడం.. అక్కడితో ఆగకుండా.. తన చుట్టు కోటరి ఒకటి ఏర్పాటు చేసుకుని.. నియోజకవర్గంలో నాయకులను రెండు గ్రూపులుగా విభజించారనే ఓ చర్చ అయితే ఎప్పటి నుంచి ఉంది. ఏమైనా అంటే జగన్‌ అండ్ కో వద్ద తనకు బాగా పలుకుబడి ఉందని.. తనను ఎవరూ ఏమీ చేయలేరని.. ఆమె బాహాటంగానే వ్యాఖ్యానిస్తుంటారన్న స్థానిక పార్టీ నేతలే పేర్కొనడం గమనార్హం. 

తనకు వ్యతిరేకంగా వ్యవహరిస్తున్న సొంత పార్టీ వారిపైన కూడా పోలీసు కేసులు పెట్టించడం ఆమెకు ఓ రివాజుగా మారిందనే టాక్ అయితే తాడికొండలో ఉంది. పనులు చేసే కాంట్రాక్టర్లను సైతం ఆమె వదలరని.. కమిషన్లు పేరుతో నానా హడావుడి చేస్తారని అంతా అంటున్నారు. ఎంపీ నిధులతో జరుగుతున్న పనులకు సైతం తనకు కమిషన్లు ఇవ్వాలంటే అజమాయిషీ చెలాయిస్తారని.. అలా అయితే ఎలా అంటూ సదరు కాంట్రాక్టర్లు.. పనులు సైతం నిలిపివేసి.. ఎమ్మెల్యేపై చర్యలకు పట్టుపట్టడం గతంలో వివాదానికి దారి తీసిన సంగతి తెలిసిందే. అంతేకాదు.. ఇదే అంశంపై స్థానిక ఎంపీతో కూడా ఆమె ఘర్షణకు దిగినట్లు సమాచారం. మరోవైపు రాజధానిపై కూడా ఆమె తీవ్ర విమర్శలు చేయడం పట్ల అమరావతి ప్రజలు తీవ్ర ఆగ్రహంతో ఊగిపోతున్నారు. ఇప్పటికే దేశంలో ఎమ్మెల్యేలపై ప్రజల్లో తీవ్ర వ్యతిరేకత ఉన్న రాష్ట్రాల్లో ఆంధ్రప్రదేశ్‌ అగ్రస్థానంలో ఉంది. ఈ విషయాన్ని ఐఏఎన్ఎస్ ‌- సీ ఓటర్ సంయుక్తంగా నిర్వహించిన సర్వే గతేడాది అక్టోబర్‌లో వెల్లడించిన సంగతి తెలిసిందే. ఈ సర్వే చెప్పింది అక్షరాల సత్యమని... రాష్ట్రంలోని పలు నియోజకవర్గాల్లో ఎమ్మెల్యేల పని తీరే అందుకు తాజా ఉదాహరణ.

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.