మజ్లిస్ పార్టీకి ఊపిరిపోసిన సల్మాన్ ఖాన్

Publish Date:Jan 20, 2014

Advertisement

 

కొద్ది రోజుల క్రితం బాలివుడ్ హీరో సల్మాన్ ఖాన్ గుజరాత్ ముఖ్యమంత్రి నరేంద్ర మోడీతో కలిసి అహ్మదాబాద్ లో నిర్వహించిన పతంగుల పండుగలో పాల్గొన్నారు. ఆ సందర్భంగా ఆయన మీడియాతో మాట్లాడుతూ, మోడీ మంచి సమర్దుడయిన పరిపాలకుడని, ఆయన ప్రధానమంత్రి అయినట్లయితే దేశం అన్ని రంగాలలో అభివృద్ధిపధంలో దూసుకుపోతుందని మోడీని తెగ పొగిడేశారు. ముస్లిం మతస్తుడయిన సల్మాన్ ఖాన్ వంటి ఒక ప్రసిద్ద నటుడు నరేంద్ర మోడీకి ఆవిధంగా మద్దతు ప్రకటించడం చాలా మంది జీర్ణించుకోలేకపోయినప్పటికీ, సల్మాన్ ఖాన్ వ్యక్తిగత అభిప్రాయాన్ని ఖండించడానికి ఎవరూ పెద్దగా ఆసక్తి చూపలేదు. కానీ, సల్మాన్ ఖాన్ ఇటీవల మీడియాతో మాట్లాడుతూ “నరేంద్ర మోడీకి కోర్టు క్లీన్ చిట్ ఇచ్చింది గనుక 2002లో జరిగిన అల్లర్లకు బాధ్యత వహిస్తూ ఆయన గుజరాత్ ప్రజలకు క్షమాపణ చెప్పనవసరం లేదు,” అన్నట్లు వచ్చిన వార్తలు మోడీ ప్రత్యర్ధులకు ఒక ఆయుధం అందించింది.

 

మజ్లిస్ పార్టీ అధినేత అసదుద్దీన్ ఓవైసీ, తమ పార్టీని రాష్ట్రమంతటా విస్తరించి, వచ్చే ఎన్నికలలో ముస్లిం ప్రజల ఓట్లను పొంది, రాష్ట్ర, జాతీయ స్థాయిలో చక్రం తిప్పాలని ఆశపడ్డారు. మర్రి నీడవంటి కాంగ్రెస్ క్రింద ఎంతకాలం ఉన్నా తమ పరిస్థితిలో మార్పు ఉండదని భావించిన ఓవైసీ సోదరులు కిరణ్ కుమార్ రెడ్డితో గిల్లికజ్జాలు పెట్టుకొని కాంగ్రెస్ నుండి బయటపడ్డారు, కానీ ఊహించనివిధంగా అనేక చిక్కులో పడ్డారు. నాటి నుండి నేటివరకు తగిన అవకాశం కొరకు వారు చాలా ఓపికగా ఎదురు చూస్తున్నారు. ఇప్పుడు సల్మాన్ ఖాన్ మోడీని వెనకేసుకురావడంతో దొరికిన అవకాశాన్ని అందుకొని, అసదుద్దీన్ ఓవైసీ వారిరువురిపై నిప్పులు చెరిగారు. “ఈ సినిమా హీరోలు తామే అసలయిన హీరోలని భావిస్తుంటారు. కానీ ముస్లిం ప్రజలకు అల్లా ఒక్కడే నిజమయిన హీరో. ఇటువంటి నీచులు వేలాది ముస్లిం ప్రజల మరణానికి కారకుడయిన మోడీ వెనుక, తమ స్వార్ధ ప్రయోజనాల కోసం తోక ఊపుకొంటూ తిరుగుతారు. కానీ, దేశ వ్యాప్తంగా ఉన్న ముస్లిం ప్రజలు ఎవరూ కూడా వారి వెనుక వెళ్లరు. నరేంద్ర మోడీకి కోర్టులు క్లీన్ చిట్ ఇవ్వొచ్చుగాక, సల్మాన్ ఖాన్ వంటి ముస్లిం వ్యక్తులతో క్లీన్ చిట్ ఇప్పించుకోవచ్చుగాక. కానీ జరిగిన దారుణాన్ని ముస్లిం ప్రజలెన్నడూ మరిచిపోలేరు. మోడీని క్షమించలేరు,” అని అన్నారు.

 

నరేంద్ర మోడీని, బీజేపీని తీవ్రంగా ద్వేషించే అసదుద్దీన్ ఓవైసీ ఈవిధంగా విరుచుకుపడటం సహజమే కావచ్చు. కానీ, బీజేపీ ప్రధాని అభ్యర్ధి అయిన నరేంద్ర మోడీపై ఆయన ఈవిధంగా తీవ్ర విమర్శలు గుప్పించడం ద్వారా మోడీపై తన ఆగ్రహం వ్యక్తం చేయడంతో బాటు, పనిలోపనిగా యావత్ ముస్లిం ప్రజలను ఆకర్షించే ప్రయత్నం చేస్తున్నారు. తాను, తన పార్టీయే ముస్లిం ప్రజలకు అసలు సిసలయిన ప్రతినిధులమని, తాము మాత్రమే వారి కోసం ఎంతటి వారినయినా దైర్యంగా డ్డీకొని పోరాటం చేయగలమని ముస్లిం ప్రజలకు నమ్మకం కలిగించేందుకే అసదుద్దీన్ సల్మాన్ ఖాన్, మోడీలపై అంత తీవ్రంగా విరుచుకుపడ్డారని చెప్పవచ్చును.

 

సల్మాన్ ఖాన్ నరేంద్ర మోడీని వెనకేసుకు రావడం వలన మోడీకి, బీజేపీకి మేలు కలుగుతుందో లేదో, ముస్లిం ఓట్లు పడతాయో లేదో ఇప్పుడే చెప్పలేకపోయినా, ఆయన చేసిన వ్యాక్యల వల్ల మజ్లిస్ పార్టీకి మళ్ళీ ఊపిరి అందించినట్లయిందని ఖచ్చితంగా చెప్పవచ్చును.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.