విశాఖ స్థలాలకు ఆ దేవుడే దిక్కు! 100 కోట్లు స్వాహా!
Publish Date:Apr 24, 2020
Advertisement
విశాఖపట్నంలో ‘పులివెందుల బృందం’ రెచ్చిపోతోంది. మర్రిపాలెంలో ఓ భూమిపై కన్ను పడింది. అంతే యాజమానిని కలిసి బేరం పెట్టారు. ఈ భూమి విషయంలో లొసుగులు ఉన్నాయి. వివాదం లేకుండా చేయాలంటే 10 కోట్లు ఇవ్వాలంటూ బేరం పెట్టారు. రూపాయి కూడా ఇవ్వబోమని, అంతా పక్కాగా ఉందని యజమాని చెప్పాడు. వంద కోట్ల భూమి ఇది. ఈ ప్రభుత్వం మాది. మీ భూమి కేటాయింపును రద్దు చేయిస్తాం’ అని హెచ్చరించారట. అంతే అనుకున్నంత పని చేశారు. భూ కేటాయింపును రద్దు చేసి, వెంటనే ఆ భూమిని స్వాధీనం చేసుకోవాలంటూ రెవెన్యూ శాఖ గురువారం ఉత్తర్వులు జారీ చేసింది. విశాఖపట్నంలోని మర్రిపాలెంలో జాతీయ రహదారిని ఆనుకొని సర్వే నంబరు 81/3 కొంత స్థలం ఉంది. అందులో కొంత భూమిని ప్రభుత్వం అర్బన్ ల్యాండ్ సీలింగ్ కింద స్వాధీనం చేసుకుంది. ఆ తర్వాత కొంతకాలానికి భూ యజమానులకు ఒక వెసులుబాటు ఇచ్చింది. కావాలనుకుంటే మార్కెట్ ధర చెల్లించి భూమి తీసుకోవచ్చునని తెలిపింది. దీంతో ఆ భూమి యజమానులు జోస్యుల సత్యనారాయణదాసు, మరో 14 మంది వారసులు కలిసి భూమిని వెనక్కి ఇస్తే సొమ్ము చెల్లిస్తామని దరఖాస్తు చేసుకున్నారు. ఈ వ్యవహారాన్ని నడపడానికి ఓ వ్యక్తికి వారు జీపీఏ ఇచ్చారు. అనేక ఉత్తర ప్రత్యుత్తరాలు జరిగిన తరువాత 2009లో ఈ కుటుంబానికి 17,135 చదరపు మీటర్ల స్థలాన్ని వెనక్కి ఇస్తూ ఉత్తర్వులు జారీచేసింది. ఆ భూమిని వారి నుంచి కాట్రగడ్డ లలితేశ్ అనేవ్యక్తి కొనుగోలు చేశారు. లలితేశ్. సామాన్యుడేం కాదు. లలితేశ్ సాఫ్ట్వేర్ ఇంజనీర్. అమెరికాలో గూగుల్ కంపెనీలో కీలకంగా పనిచేసేవారు. ఆయన ప్రధానికి సాంకేతిక సలహాదారుగా కూడా వ్యవహరిస్తున్నారు. కరోనా వైరస్ సోకిన వారిపై ప్రజలను అప్రమత్తం చేసేందుకు కేంద్రం రూపొందించిన ‘ఆరోగ్య సేతు’ యాప్ రూపకల్పనలోనూ లలితేశ్ కీలక పాత్ర పోషించారు. కడప బ్యాచ్ డిమాండ్ చేసిన మొత్తం ఇవ్వనందుకే రూ.100 కోట్ల విలువైన భూమిని వెనక్కిలాక్కున్నారు. పారిశ్రామికవేత్తలను డబ్బుల కోసం బ్లాక్ మెయిల్ చేస్తే.. విశాఖపట్నానికి పెట్టుబడిదారులు ఎలా వస్తారు. ప్రధాని సలహదారుడి కె దిక్కు లేదు ఈ రాష్ట్రంలో. పులివెందుల ముఠా విశాఖలో ఆడిన ఆటకు 100 కోట్లు స్వాహా అయ్యాయి. విశాఖ వాసుల్లారా ఇక మీ స్థలాలకు ఆ దేవుడే దిక్కు. ఇక నుంచి లెజెండ్ సినిమా మాదిరే మీ బతుకు.
http://www.teluguone.com/news/content/pulivendula-land-mafia-in-visakhapatnam-39-98191.html





