బాబు అరెస్టుకు నిరసనగా ఆగని ఆందోళనలు.. ఆయన విడుదల కోరుతూ కొనసాగుతున్న పూజలు

Publish Date:Oct 7, 2023

Advertisement

ఏపీ స్కిల్ కేసులో తెలుగుదేశం జాతీయ అధ్యక్షుడు నారా చంద్రబాబునాయుడి అక్రమ అరెస్ట్ కు నిరసనగా ఆందోళనలు వెల్లువెత్తుతున్నాయి. తెలుగు రాష్ట్రాలతో పాటు దేశ, విదేశాలలోనూ గత 29 రోజులుగా నిరంతరాయంగా నిరసన ప్రదర్శనలు, ఆందోళనలూ కొనసాగుతున్నాయి. చంద్రబాబు అరెస్టుకు నిరసనగా ఆందోళనలన్నీ శాంతియుతంగా, ప్రజాస్వామ్యబద్ధంగా సాగుతున్నా.. ఎక్కడా లేని విధంగా తెలుగు రాష్ట్రాలలో మాత్రం వాటిపై ఉక్కుపాదం మోపుతూ అణచివేత విధానాలను అనుసరిస్తున్నాయి. దీనిపై ప్రజాస్వామ్య వాదులు ఆగ్రహం వ్యక్తం చేస్తున్నారు. తెలుగు రాష్ట్రాలలో  ప్రజాస్వామ్యం కాదు.. నియంతృత్వం కొనసాగుతోందన్న విమర్శలు వెల్లువెత్తుతున్నాయి. ఈ నేపథ్యంలోనే చంద్రబాబు అరెస్టుకు నిరసనగా తెలుగుదేశం పార్టీ వివిధ రూపాలలో నిరసన కార్యక్రమాలకు పిలుపునిస్తోంది. అందులో భాగంగానే శనివారం (అక్టోబర్7) రాత్రి ఏడు గంటల నుంచి ఐదు నిముషాల పాటు.. అంటే 7.05 గంటల వరకూ కాంతితో క్రాంతి పేరిట నిరసన తెలపాలని పిలుపు నిచ్చింది.  

ప్రగతి వెలుగులు పంచే చంద్రుడుని ఫ్యాక్షన్ పాలకులు చీకట్లో నిర్బంధించారని ఆ పార్టీ జాతీయ ప్రధాన కార్యదర్శి నారా లోకేశ్ ధ్వజమెత్తారు.  అందుకే శనివారం రాత్రి రాత్రి 7.00 గంటల నుంచి 7.05 నిమిషాల వరకు ఇళ్లలో లైట్లు ఆపి దీపాలు, కొవ్వొత్తులు, మొబైల్ టార్చ్ లైట్లు వెలిగించి నిరసన తెలపాలనీ, అలాగే రోడ్లపై ఉన్న వారు తమ వాహనాల లైట్లు బ్లింక్‌ చేయడం ద్వారా టీడీపీ అధ్యక్షుడు చంద్రబాబుకి సంఘీభావం తెలపాలని లోకేష్ పిలుపు నిచ్చారు. ఈ కార్యక్రమాన్ని బాబుతో నేను.. అంటూ వీడియో తీసి సోషల్ మీడియాలో షేర్ చేయాలని కోరారు. వాకిళ్లు, బాల్కానీలు, వీధుల్లోకి వచ్చి దీపాలు, కొవ్వొత్తులు, మొబైల్ టార్చ్‌లు, టార్చ్ లైట్లు.. ఇలా ఎవరికి తోచిన విధంగా వారు వెలుగులు ప్రసరింప చేసి చంద్రబాబు అరెస్టును నిరసించాలని కోరారు.  

ఇదే విషయాన్ని నారా లోకేశ్ సతీమణి నారా బ్రాహ్మణి   ట్విట్టర్ వేదికగా  చంద్రబాబు అనే చైతన్యాన్ని నిర్బంధించి తిరుగులేదని కొందరు విర్రవీగుతున్నారనీ,  కానీ రాష్ట్రంలో చీకటిని తరిమికొట్టే క్రాంతి మొదలైందని వారికి ఈ కార్యక్రమంలో పెద్ద ఎత్తున పాల్గొనడం ద్వారా తెలియజేయాలని కోరారు.  రాష్ట్రాన్ని,  భవిష్యత్తును చీకటి చేసి.. దాన్ని కనిపెట్టకుండా మనల్ని కళ్లు మూసుకోమంటున్న పాలకులకు కళ్లు బైర్లు కమ్మేలా కాంతితో క్రాంతిని చూపాలని పిలుపునిచ్చారు.  ఒక వైపు పార్టీ పిలుపు మేరకు ప్రజా భాగస్వామ్యంలో నిరసనలు వెల్లువెత్తుతుంటే.. మరో వైపు చంద్రబాబు విడుదల కోరుతూ ఎక్కడికక్కడ ప్రజలు స్వచ్ఛందంగా బయటకు వచ్చి సంఘీభావం తెలుపుతున్నారు. ఆలయాల్లో ప్రత్యేక పూజలు, హోమాలు, యాగాలు నిర్వహిస్తున్నారు. అందులో భాగంగానే  నారా చంద్రబాబునాయుడు అరెస్టును నిరసిస్తూ , ఆయన జైలు నుంచి కడిగిన ముత్యంలా విడుదల కావాలని ఆకాంక్షిస్తూ  ఉమ్మడి నంద్యాల జిల్లా చాగలమర్రి పట్టణంలో  అభిమానులు కార్యకర్తలు గ్రామ దేవత చాగలమ్మ ఆలయంలో ప్రత్యేక పూజలు నిర్వహించి  కొట్టారు.

  నంద్యాల జిల్లా తెలుగుదేశం బీసీసెల్ స్పొక్ పర్సన్ సల్లా నాగరాజు, టీఎన్ టీయూసీ ప్రధాన కార్యదర్శి గుత్తినరసింహులు, కొలిమి మాబు షరీఫ్ , అలాంసాగారి మౌలాలి , టిడిపి  మండల ప్రధాన కార్యదర్శి హనీఫ్ , మండల ప్రజార కార్యదర్శి ముల్లాగఫార్, క్లస్టర్ ఇంచార్జ్ ముల్లా అజిముద్దీన్ , అబ్దుల్లా, కామిశెట్టి రమేష్, కామిశెట్టి మధు , నాయకులు కొలిమి షరీఫ్ , ఖాసిం, హుస్సేన్ భాష , గాంధీ , వీరంరెడ్డి భాస్కర్రెడ్డి , సంజీవరెడ్డి , బషీర్ , కసినేని ఓబులేసు తదితరుల ఆధ్వర్యంలో జరిగిన ఈ కార్యక్రమంలో ప్రజలు పెద్ద సంఖ్యలో హాజరయ్యారు. ఐయామ్ విత్ బాబు అంటూ నినాదాలు చేశారు. 

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.