రాజకీయ రోహిణి కార్తె ముందుగానే వచ్చేసింది...?

Publish Date:Jan 25, 2023

Advertisement

శివరాత్రి (ఫిబ్రవరి 18) వచ్చేస్తోంది. శివ శివా అంటూ చలి వెళ్లిపోతుంది. ఇక అక్కడి నుంచి హీట్ పెరిగిపోతుంది. అదే సమయంలో (ఫిబ్రవరి 17) తెలంగాణ ముఖ్యమంత్రి కేసీఆర్  పుట్టిన రోజు.. అదే రోజున నూతన సచివాలయం ప్రారంభోత్సవం. ఇక అక్కడి నుంచి రాష్ట్రంలో మండే ఎండలకు పోటీగా పొలిటికల్ హీట్  పరుగులు తీస్తుందని అందుకు సంబంధించి సంకేతాలు స్పష్టమవుతున్నాయని రాజకీయ విశ్లేషకులు భావిస్తున్నారు.

 ముఖ్యమంత్రి కేసేఆర్  ఆరు నూరయినా, నూరు ఆరైనా.. మూడవ సారి ముఖ్యమంత్రి కుర్చీలో కూర్చోవాలని గట్టి  పట్టుమీదున్నారు. మరో వంక కేంద్రంలో హ్యాట్రిక్  కోసం ఆరాట పడుతున్న కమల దళం బీజేపీ, రాష్ట్రంలోనూ అధికారాన్ని అందుకునేందుకు అంతే గట్టి ప్రయత్నాలు చేస్తోంది. కేసేఆర్ రాష్ట్రంలో హ్యాట్రిక్ సాధిస్తే, కేంద్రంలో ముచ్చటగా మూడవసారి ప్రధాని పీఠం కోసం నరేంద్ర మోడీ సాగిస్తున్న,హ్యాట్రిక్   యాగానికి బ్రేకులు పడే అవకాశం లేకపోలేదు. అందుకే, కేసేఆర్ అడుగులు జాతీయ రాజకీయాల వైపు పడకుండా అడ్డుకునేందుకు బీజేపీ అగ్రనేతలు మోడీ, అమిత్ షా వ్యుహాలు రచిస్తున్నారు. ఇటు మోడీ షా  అటు కేసీఆర్ ఎవరికి వారు వ్యూహ.. ప్రతి వ్యూహాలు రచిస్తూ పొలిటికల్ హీట్‌ను పీక్స్ కు తీసుకుపోతున్నారని విశ్లేషకులు అంటున్నారు. 

నిజానికి రాష్ట్రంలో ఇప్పటికే  పొలిటికల్ హీట్ సాధారణ ఉష్ణోగ్రతలను దాటేసింది. ముఖ్యమంత్రి కేసీఆర్ రాజకీయ వ్యూహంలో భాగంగా కేంద్రంపై ప్రకటించిన యుద్ధం పతాక స్థాయికి చేరింది. కేంద్రంలో అధికారంలో ఉన్న బీజేపీకి  రాష్ట్రంలో ఉనికి లేకుండా చేసేందుకు ముఖ్యమంత్రి కేసీఆర్, గణతంత్ర దినోత్సవాన్ని కూడా రాజకీయ రొంపిలోకి లాగారు. రాజ్యాంగ వ్యవస్థల(గవర్నర్)తోనూ విభేదాలను పెంచుకున్నారు.ఈ విభేదాల కారణంగా, గణతంత్ర దినోత్సవం సైతం రాజకీయ రణతంత్రంగా మారింది. చివరకు గణతంత్ర వేడుకల విషయంలోనూ రాష్ట్ర హై కోర్టు జోక్యం చేసుకోవలసి వచ్చింది. రాజకీయ విభేదాలు రాజ్యాంగ విధులకు అవరోధంగా మారే పరిస్థితి వచ్చిందంటే, రాజకీయ ఉష్ణోగ్రతలు ఏ స్థాయికి చేరుకున్నాయో వేరే చెప్పనక్కర లేదు. 

ఈ విధంగా ముఖ్యమంత్రి కేసీఆర్, బీజేపీతో పోరు విషయంలో ఇక చావో రేవో తేల్చుకునేదుకు సిద్డమయ్యారనే విషయం స్పష్టమైంది. అందుకే  ఆయన నిండా మునిగినోనికి చలేంటి అన్న రీతిలో  పొలిటికల్ హీట్‌ను మరింత రాజేస్తున్నారు. ఫిబ్రవరిలో కొత్త సెక్రటేరియట్ భవనాన్ని ప్రారంభించిన తర్వాత ఏ క్షణమైనా అసెంబ్లీని రద్దు చేసి ఎన్నికల దిశగా అడుగులు వేసే అవకాశాలను ఒక వైపు పరిశీలిస్తూనే.. ఇంకోవైపు బీజేపీని దీటుగా ఎదుర్కొనేందుకు కేసిఆర్ వ్యూహరచన చేస్తున్నారు. ఇప్పటికే తన ప్రభుత్వం గత తొమ్మిది సంవత్సరాలలో సాధించిన ప్రగతిని, చేపట్టిన అభివృద్ధి, సంక్షేమ పథకాలను ప్రజల్లోకి విస్తృతంగా తీసుకువెళ్లేందుకు వరుసగా కార్యక్రమాలను నిర్వహిస్తున్న కేసీఆర్.. కేంద్ర ప్రభుత్వ వైఫల్యాలను మరి ముఖ్యంగా నరేంద్ర మోడీ ప్రభుత్వ విధానాలను, బీజేపీ హిందుత్వ రాజకీయాలను, రాహుల్ గాంధీకి దీటుగా ఎండగడుతున్నారు. తగ్గేదే లే అంటూ బీజేపీని టార్గెట్ చేస్తున్నారు. 

ఇదలా ఉంటే, ఫిబ్రవరిలో కేంద్ర,రాష్ట్ర ప్రభుత్వాలు ‘ఎన్నికల’ బడ్జెట్ ను ప్రవేశ పెట్టేందుకు రంగం సిద్ధమైంది. ఈ క్రతువు ముగిసిన వెంటనే  కేసీఆర్ బీఆర్ఎస్  విస్తరణ కార్యక్రమాలపై దృష్టి సారిస్తారని తెలుస్తోంది. ఫిబ్రవరి 17వ తేదీన కొత్త సచివాలయ భవనాన్ని ప్రారంభించిన తర్వాత సికింద్రాబాద్ పరేడ్ గ్రౌండ్స్‌లో లక్షలాది మందితో భారీ బహిరంగ సభ నిర్వహించాలని కేసీఆర్ తలపెట్టినట్లు సమాచారం. అంతకు మందే ఫిబ్రవరి 13వ తేదీన హైదరాబాద్ వస్తున్న ప్రధానమంత్రి నరేంద్ర మోదీ కేంద్ర ప్రభుత్వ ఆధ్వర్యంలో చేపట్టనున్న పలు అభివృద్ధి పథకాలకు శంకుస్థాపన చేయనున్నారు. ఆ కార్యక్రమాన్ని రాజకీయంగా కూడా వినియోగించుకునేందుకు ప్రయత్నిస్తున్న బీజేపీ అదే రోజు సికింద్రాబాద్ పరేడ్ గ్రౌండ్స్‌లో భారీ సభ నిర్వహణకు ప్లాన్ చేసింది. తెలంగాణ అసెంబ్లీ ఎన్నికలను దృష్టిలో పెట్టుకొని ఈ సభ నిర్వహణకు కమల నాధులు పూనుకున్నారు. ఇక ఆ తర్వాత ముఖ్యమంత్రి కేసీఆర్ ఇటీవల ఖమ్మంలో నిర్వహించిన తరహాలో, అన్ని జిల్లా కేంద్రాలలో భారీ బహిరణ సభలకు భారాస సిద్డంవుతున్నట్లు తెలుస్తోని. అందుకు కౌంటర్ గా  బీజేపీ దండు కూడా తెలంగాణ దండయాత్రకు సిద్దమవుతోంది. ఈ నేపధ్యంలో తెలంగాణ ఫిబ్రవరిలోనే పొలిటికల్ హీట్ పీక్ కు చేరుతుందని రాజకీయ పరిశీలకులు హెచ్చరిస్తున్నారు.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.