పీకే ప్యాకప్.. కేసీఆర్‌తో నో డీల్‌.. అందుకేనా?

Publish Date:Mar 19, 2022

Advertisement

ఎన్నికల వ్యూహ కర్త ప్రశాంత్ కిషోర్ హైదరాబాద్ వచ్చారు. రెండు రోజుల పాటు, ముఖ్యమంత్రి కేసీఆర్’తో మంతానాలు జరిపారు. అంతకు ముందే ముఖ్యమంత్రి కేసీఆర్, మంత్రి కేటీఆర్’తో చర్చలు సంప్రదింపులు సాగించారు. సలాహాలు ఇస్తూనే ఉన్నారు,  సూచనలు చేస్తూనే ఉన్నారు.  ఫైనల్’గా 2023 అసెంబ్లీ ఎన్నికల్లో తెరాస’ను మళ్ళీ గెలిపించే బాధ్యతను పీకే తీసుకున్నారు. డీల్ సెటిల్ అయింది. కొంత మంది ఇన్నికోట్లు అంటే, కొందరేమో అన్ని కోట్లు అంటున్నారు. రేటు ఎంతైనా డీల్ అయితే కుదిరింది.

పీకే, నటుడు కేసీఆర్ అనధికార వ్యూహకర్త  ప్రకాష్’ రాజ్ తోకలిసి మల్లన్నసాగర్ సహా మరికొన్ని ప్రాంతాల్లో పర్యటించారు.అధికారులు వెంట వుండి, మర్యాదలు చేశారు. సో.. ఎలాంటి అనుమానం లేకుండా పీకే’తో కేసీఆర్ డీల్ ఫైనలైజ్’ అయిందని అందరికీ అర్థమైంది. అధికార తెరాస నాయకులు టీవీ చర్చల్లో ఇతరత్రా కూడా, డీల్ కుదిరిందని, పీకే బృందం రంగంలోకి దిగిందని,దిగుతుందని చెప్పు కొచ్చారు. అలాగే, పీకే స్క్రిప్ట్’లో భాగంగానే, అసెంబ్లీ బడ్జెట్ సమావేశాల్లో గవర్నర్ ప్రసంగం స్క్రిప్ చేయడం, ముఖ్యమంత్రి అసుపత్రి సీన్’వంటి కొన్ని సంకేతాత్మక సంఘటనలు చోటు చేసుకున్నాయన్న ప్రచారం జరిగింది. 

అయితే, ఇదంతా అయిన తర్వాత. రెండు మూడు రోజుల క్రితం, పీకే ఒక నేషనల్ న్యూస్ ఛానల్’కు ఇంటర్వ్యూ ఇచ్చారు, ఆ ఇంటర్వ్యూలో పీకే, తెరాసతో తాను ఎలాంటి ఒప్పందం కుదుర్చుకోలేదని చెప్పుకొచ్చారు. తెరాసతో డీల్ లేకుండానే, పీకే బృందం తెలంగాణలో పనిచేస్తోందా, అంటే పీకే ఐపాక్’ బృందంతో  తనకు  సంబంధం లేదని అన్నారు. అయితే, ఐప్యాక్’కు పీకేకి సంబంధం లేదంటే, నమ్మే పరిస్థితి లేదని వేరే చెప్పనక్కరలేదు. అయితే, పీకే ముందు డీల్ కుదుర్చుకున్నా, సర్వే రిపోర్ట్స్ క్షుణ్ణంగా అధ్యయనం చేసిన తర్వాత ‘మిడిల్ డ్రాప్’ నిర్ణయం తీసుకున్నారని విశ్వసనీయ సమాచారం.అందుకే ఆయన నేషనల్ ఛానల్’కు ఇచ్చిన ఇంటర్వ్యూ’లో కేసీఆర్’తో తెరాసతో డీల్ లేదని ప్రకటించారని క్లోజ్ సర్కిల్స్ ‘సమాచారం.

సహజంగా, పీకే ట్రాక్ రికార్డు చూస్తే, ఆయన గెలిచే పక్షంతో డీల్ చేసుకుని, గెలుపు క్రెడిట్’ను సొంతం చేసుకోవడమే కాని, ఓడిపోయే పార్టీని గెలిపించిన దాఖాలాలు లేవని, పరిశీలకులు అంటారు. అందుకే ఆయన యూపీలో కాంగ్రెస్ డీల్ తిరస్కరించారని, అదే విధంగా గోవాలో తృణమూల్’తో ఒప్పందం రద్దు చేసుకున్నారని, అదే విధంగా ఇప్పుడు తెలంగాణలో తెరాస ఓటమి పక్కా అనే నిర్ణయానికి వచ్చే, డీలే లేదని అంటున్నారని, అంటున్నారు. అంత్య నిష్టూరం కంటే ఆది నిష్టూరం మేలని భావించి తెరాసతో తెగ తెంపులు చేసుకున్నారని అంటున్నారు. అయితే, పీకేని నమ్మేందుకు లేదని, ఆయనకు నీతి, నిజాయితీ, నిజమే చెప్పాలనే నియమాలు ఏవీ ఉండవని, కాబట్టి ఆయన ఏదీ చెప్పిన నమ్మలేమనే మాట కూడా రాజకీయ వర్గాల్లో వినవస్తోంది. అయితే, పీకే వ్యవహారం ఎలా ఉన్నా, ఎన్నికలు ఇప్పుడు వచ్చినా, ఇంకెప్పుడు వచ్చిన, తెరాస ఓటమి ఖాయమని, అన్ని సర్వేలు సూచిస్తున్నాయి.  చివరకు కేసీఆర్ చేయించుకున్న  సొంత సర్వేలలో కూడా,, ఎండ్ రిజల్ట్, ‘ప్యాకప్’ అనే వస్తోందనేది మాత్రం నిజం, అంటున్నారు.

By
en-us Political News

  
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
బంగారం ప్రియులకు ఇది నిజంగానే ఊరటనిచ్చే శుభవార్త అని చెప్పవచ్చు
తెలంగాణను ప్రపంచ పెట్టుబడులకు అనుకూలమైన రాష్ట్రంగా నిలబెట్టడమే లక్ష్యంగా ప్రభుత్వం ముందుకు సాగుతోందని ముఖ్యమంత్రి రేవంత్ రెడ్డి అన్నారు.
హానీట్రాప్ ఉచ్చులో పడిన వాయుసేన అధికారి.. షాకింగ్ నిజాలు వెల్లడించిన ఛార్జ్‌షీట్.!
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.