ఒక భేటీ రెండు ప్రయోజనాలు: కేసీఆర్ తాజా వ్యూహం

Publish Date:Apr 18, 2022

Advertisement

తెలంగాణ ఆవిర్భావ దినోత్సవాన్ని ఒక పండుగగా నిర్వహించాలని ముఖ్యమంత్రి కేసీఆర్ పార్టీకి ఆదేశాలు జారీ చేశారు. కరోనా కారణంగా గత రెండేళ్లుగా నిరాడంబరంగా జరుపుకున్న తెలంగాణ ఆవిర్భావ దినోత్సవాన్ని ఈ ఏడు ఘనంగా నిర్వహించాలని నిర్ణయించి అందుకు భారీ ఏర్పట్లనూ మొదలెట్టేసింది తెరాస పార్టీ. 

పనిలో పనిగా ఈ ఆవిర్భావ దినోత్సవం సందర్భంగానే...జాతీయ స్థాయి నేతగా బీజేపీయేతర పార్టీలను కలుపుకుని పోయేందుకు, బీజేపీ వ్యతిరేక ఫ్రంట్ నేతగా ఆ ప్రయత్నాలను తాను ముమ్మరంగా చేస్తున్నట్లూ కేడర్ కు చాటాలని కేసీఆర్ భావిస్తున్నారు. అందుకే ఆవిర్భావ దినోత్సవానికి ఒకటి రెండు రోజుల ముందు  వివిధ రాష్ట్రాల నుంచి పలువురు నేతలను ప్రగతి భవన్ కు ఆహ్వానించి వారితో బీజేపీ యేతర కూటమిపై చర్చించేందుకు సిద్ధమౌతున్నారు.

విశ్వసనీయ సమాచారం మేరకు డీఎంకే నుంచి కణిమెళి, ఎన్సీపీ అధినేత శరద్ పవార్, బీఎస్పీ అధినేత అఖిలేష్ యాదవ్, శివసేన నుంచి ఒక అగ్రనేతనూ ఆహ్వానించినట్లు చెబుతున్నారు.  అయితే వీరిలో ఎవరెవరు వస్తారు, ఎవరు రారు  విషయంలో మాత్రం స్పష్టత లేదు.  
ఈ నెల 27న తెరాస ఆవిర్భావ దినోత్సవ వేడుక జరగనుండగా  సరిగ్గా పార్టీ ఆవిర్భావ దినోత్సవానికి ఒకటి రెండు రోజుల ముందే ఈ భేటీ ఏర్పాటు చేయడం వెనుక కేసీఆర్ పెద్ద వ్యూహమే ఉంది. కేంద్రంలో మోడీని ఢీ కొనగలిగే బలమైన నేతగా తనను తాను పార్టీ కేడర్ ముందు ఫోకస్ చేసుకోవడం, అదే సమయంలో జాతీయ స్థాయిలో పార్టీల మద్దతు తనకు ఉందని విపక్షాలకు తెలియజేయడం ద్వారా రాష్ట్రంలో వాటి దూకుడుకు కళ్లెం వేయడం. ఇలా ఒక్క భేటీతో రెండు ప్రయోజనాలనూ ఏకకాలంలో నెరవేరే విధంగా కేసీఆర్ ప్రగతి భవన్ భేటీకి వివిధ పార్టీల నేతలను ఆహ్వానించారు.

అయితే శివసేన నాయకుడు సంజయ్ రౌత్ ముంబై వేదికగా త్వరలో 13 రాష్ట్రాల ముఖ్యమంత్రుల భేటీ జరుగనుందనీ, ఈ భేటీలో రానున్న ఎన్నికలలో ఐక్యంగా ముందుకు సాగడం, దేశంలో ప్రస్తుతం నెలకొన్న పరిస్థితులు, శ్రీరామనవమి, హనుమజ్జయంతి సందర్భంగా  శోభాయాత్రలపై జరిగిన దాడులు తదితర అంశాలపై చర్చించనున్నట్లు తెలిపారు. పశ్చిమ బెంగాల్ ముఖ్యమంత్రి ఇప్పటికే బీజేపీ యేతర రాష్ట్రాల సీఎంలకు లేఖలు రాశారనీ వెల్లడించారు.

త్వరలో ముంబై వేదికగా బీజేపీయేతర రాష్ట్రాల ముఖ్యమంత్రుల సమావేశం జరగనుండగా  వేరుగా ఆ సదస్సుకు హాజరయ్యే పార్టీల నుంచి నేతలను కేసీఆర్ ఆహ్వానించడంలోని ఆంతర్యమేమిటన్న ప్రశ్నకు రాజకీయ పరిశీలకులు బీజేపీయేతర కూటమికి తానే ఛాంపియన్ అని చాటుకోవడమే కారణమని విశ్లేషిస్తున్నారు. ముంబై భేటీలో పశ్చిమ బెంగాల్ ముఖ్యమంత్రి మమతా బెనర్జీ, మహారాష్ట్ర సీఎం ఉద్ధవ్ థాకరేలే షో స్టీల్ చేసే అవకాశాలు మెండుగా ఉన్నాయి. ఎందుకంటే భేటీకి ఆహ్వానిస్తే మమతా బెనర్జీ లేఖలు రాస్తే...ఈ భేటీకి వేదికగా ముంబై ఎంపికైంది. దీంతో ఆ ఇరువురి ఆధ్వర్యంలోనే భేటీ జరిగిందనే అందరూ భావిస్తారు. దీంతో బేజీపీ యేతర ఫ్రంట్ ను లీడ్ చేసే నేతగా కేసీఆర్ కు గుర్తింపు లభించే అవకాశం ఉండదు. అందుకే ఆ సదస్సుతో సంబంధం లేకుండా బీజేపీ యేతర పార్టీల సీనియర్ నేతలతో కేసీఆర్ ప్రగతి భవన్ లో భేటీ ఏర్పాటు చేశారంటున్నారు. ఇంతకీ ముంబై భేటీకి కేసీఆర్ కు ఆహ్వానం ఉందా...ఒక వేళ ఉంటే వెళతారా అన్న విషయంలో ఇప్పటి వరకూ ఎలాంటి స్పష్టతా లేదు.
 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.