పొగడ్తలతో చంద్రబాబును కట్టిపడేసిన పనగరియా..
Publish Date:Dec 30, 2015
Advertisement
రాజకీయాల్లో ఉండే నేతలకు ఎవరిని ఎప్పుడు ఎలాగ కంట్రోల్ చేయాలన్న విషయం ఇచ్చే పట్టేస్తారు. ప్రతి ఒక్కరికి ఒక బలహీనమైన అంశం ఉంటుంది. అలా చంద్రబాబు బలహీనత మీద కొట్టారు నీతి ఆయోగ్ ఛైర్మన్ అరవింద్ పనగరియా. అదేంటంటే మామూలుగానే చంద్రబాబుకు కాస్తంత పొగడ్తలంటే ఇష్టమని అందరికి తెలిసిన విషయమే. అయితే పనగరియా అది కనిపెట్టినట్టునట్టున్నారు.. అందుకే ప్రత్యేక హోదా గురించి చంద్రబాబు తనను ప్రశ్నించకుండా ఉండేదుంకు ముందు జాగ్రత్తగా ఆయపై ప్రశంసల వర్షం కురిపించినట్టు తెలుస్తోంది. ఈ రోజు విజయవాడకు వచ్చిన పనగరియా ఏపీలో చంద్రబాబు చేపట్టిన పలు అభివృధ్ది కార్యక్రమాల పట్ల ఆయనను తెగ పొగిడేశారు. రాష్ట్రం విడిపోయిన తరువాత ఏపీ ఆర్ధిక లోటులో ఉన్నా కానీ చంద్రబాబు ఏపీ అభివృద్దికి కృషిచేస్తున్నారని.. సీఎం చంద్రబాబు డైనమిక్ లీడరని ఆకాశానికి ఎత్తేశారు. ఆయన ఆంధ్రప్రదేశ్ ను అద్భుతంగా నడిపిస్తున్నారని కొనియాడారు. అంతేకాదు ఆయన అత్యంత ప్రతిష్టాత్మకంగా చేపట్టిన నదుల అనుసంధానాన్ని ప్రస్తావిస్తూ.. గోదావరి - కృష్ణా నదులు అనుసంధానం గొప్ప విషయమని చెప్పారు. అయితే ఇంతా పొగిడిన పనగరియా మాత్రం ఏపీ ప్రత్యేక హోదా గురించి మాత్రం ఏం చెప్పకపోవడం గమనార్హం. మొత్తానికి నీతి అయోగ్ పర్యవేక్షణలో ఏపీ ప్రత్యేక హోదా అంశం ఉన్న నేపథ్యంలో తనపై చంద్రబాబు ఒత్తిడి తేకుండా ఉండేదుకు పనగరియా ముందుగానే చంద్రబాబుని పొగిడినట్టు రాజకీయ విశ్లేషకులు అనుకుంటున్నారు.
http://www.teluguone.com/news/content/niti-aayog-chairman-aravind-panagariya-39-54033.html





