ఏ మాట వెనుక ఎవరి ప్రయోజనం ఉందో తెలుసుకోలేనంతకాలం మోసపోతూనే ఉంటాం..మనదేశ ప్రగతికి పని చేసే సైయింటిస్ట్ కంటే.. కాషాయం కట్టి వాడి సొంత ప్రగతికి పనిచేసే బాబాలకే మన దేశం విలువనిస్తారు.  ఇంకా చెప్పాలంటే మన దేశంలో సైన్స్ పాఠాల కంటే, మూఢనమ్మకాల పాఠాలు ఎక్కువ చెపుతుంటారు. పిల్లలకు ఏదైనా ఐతే హాస్పిటల్స్ కి పరుగెత్తారు ఏ స్వామి దగ్గరికో సన్యాసి దగ్గరికో పరుగులు తీస్తారు. తాజాగా  ఓ కన్నతల్లి అజ్ఞానం.. చీకట్లోకి నెట్టింది.. చివరికి కన్నబిడ్డ మరణానికి దారితీసింది. అలా అని ఆమె మూఢనమ్మకం.. చివరికి తనకు  కడుపుకోతను మిగిల్చింది. ఆమె చేసిన ఆ అమాయయకమైన పని.. కళ్లు కూడా తెరవని పసికందును కాటికి పంపింది. బిడ్డకు అనారోగ్యంగా ఉందని, తాంత్రిక విద్య తెలిసిన దానిలా ఓ మహిళా బిడ్డ పొట్టపై ఇనుప చువ్వతో కాల్చింది. వేడి తట్టుకోలేని చిన్నారి తల్లి ఒడిలోనే ప్రాణాలు విడిచింది. 

వివరాలలోకి వెళితే.. భిల్వారా జిల్లా, మండల్ బ్లాక్‌లోని లుహరియా గ్రామంలో రమేష్ బగారియా, ఆయన భార్య లాహరి నివసిస్తున్నారు. వారికి 5 నెలల క్రితం పాప పుట్టింది. ఈ క్రమంలోనే చిన్నారి కొన్ని రోజులుగా అస్వస్థతకు గురైంది. సరిగ్గా పాలు తాగడం లేదు.. ఎప్పుడు ఏడుస్తూ ఉంది. దీంతో తల్లి చిన్నారిని తీసుకుని  హాస్పిటల్ కి పరిగెత్తాల్సిన ఆ తల్లి ఓ తాంత్రికుడి దగ్గరకు తీసుకెళ్లాలని ప్రయత్నించింది. కానీ, వారి ఊరిలో ఉండే తాంత్రికుడు పక్క వూరు వెళ్లాడని తెలియడంతో.. ఆమె సొంత వైద్యానికి సిద్దమయ్యింది. అదేదో తేలు మంత్రం రానివ్వడు.. పాము నోట్లో పెట్టినట్లు.. తన  బిడ్డ ఆరోగ్యంగా ఉండాలంటే పొట్టపై కాల్చాలని ఎక్కడో విన్న మాట పట్టుకొని అదే విధంగా చేయడానికి రెడీ అయ్యింది.

ఆలస్యం చేయకుండా బిడ్డను నిద్రపుచ్చి.. నిప్పుల మీద ఇనుము చువ్వను ఎర్రగా కాల్చింది.. ఎర్రగా కణకణ కాలిన ఇనుప చువ్వను పసికందు పొట్టపై అంటించింది.  దీంతో పాపకు వ్యాధి నయం అవుతుందని భావించింది. అంత వేడి తట్టుకోలేని చిన్నారి గుక్కతిప్పుకోకుండా ఏడుపు మొదలుపెట్టింది. దీంతో వెంటనే వారు పసికందును మహాత్మా గాంధీ ఆసుపత్రికి తరలించగా అప్పటికే ఆ పసికందు తల్లి ఒడిలోనే మృతిచెందినట్లు వైద్యులు తెలిపారు. ఈ ఘటన పై కేసు నమోదు చేసిన పోలీసులు భార్యాభర్తలను అదుపులోకి తీసుకున్నారు. ఈ దారుణ ఘటన రాజస్థాన్‌ లో వెలుగు చూసింది.