కేసీఆర్ ముందస్తు వ్యూహాలకు మోడీ ముకుతాడు!

Publish Date:Jul 4, 2022

Advertisement

రాజకీయ దురంధరుడిగా, ప్రత్యర్థులకు అంతు చిక్కని వ్యూహాలతో దూసుకుపోయే నేతగా తెలంగాణ ముఖ్యమంత్రి కేసీఆర్ కు మంచి గుర్తింపు ఉంది. నిత్యం రాజకీయ జిత్తులు, రణతంత్రపు ఎత్తులతో ప్రత్యర్థులకు అందనంత ఎత్తులో ఉండే కేసీఆర్ కు ఇటీవలి కాలంలో అన్నీ ఎదురు దెబ్బలే తగులుతున్నాయి. వ్యూహాలు వికటిస్తున్నాయి.

ఎత్తులు పారడం లేదు. తాడనుకున్నది కూడా పామై బుస కొడుతోంది. ఏ ముహూర్తంలో అయితే జాతీయ రాజకీయాలవైపు దృష్టి సారించారో అప్పటి నుంచీ ఆయనకు అన్నీ ఎదురుదెబ్బలే తగులుతున్నాయి. తాను ఒకటి తలిస్తే మరొటి జరుగుతోంది.  ఆయన ముందస్తు వ్యూహాలకు కూడా అదే పరిస్థితి ఎదురయ్యేలా కనిపిస్తున్నది. తెరాసకు మొదటి నుంచీ కూడా ముందస్తు ఎన్నికలు కలిసి వచ్చాయి. ఇప్పటి వరకూ కలిసి వస్తూనే ఉన్నాయి. 2014 ఎన్నికలలో తెలంగాణ రాష్ట్ర తొలి ముఖ్యమంత్రిగా అధికార బాధ్యతలు చేపట్టిన కేసీఆర్ పూర్తిగా ఐదేళ్లూ అధికారంలో కొనసాగే అవకాశం ఉన్నా.. ముందస్తు ఎన్నికలకు వెళ్లి రెండో సారి అధికార పగ్గాలను అందుకున్నారు. ఇప్పుడు కూడా అదే పంథాను అనుసరించాలనే వ్యూహంతో ముందుకు సాగుతున్నారు.

2023 వరకూ అధికారంలో కొనసాగే అవకాశం ఉన్నా.. ఆరు నెలలు ముందుగానే ముందస్తుకు వెళ్లి రాజకీయ ప్రత్యర్థులను చిత్తు చేయాలన్న వ్యూహంతో కేసీఆర్ పావులు కదుపుతున్నారు. ఆయన అనుకున్న విధంగా చేయాలంటే  సెప్టెంబర్, అక్టోబర్ మధ్యలో అసెంబ్లీని రద్దు చేయాలి. అలా జరిగితే కర్నాటక అసెంబ్లీ ఎన్నికలతో పాటు తెలంగాణ అసెంబ్లీకి కూడా ఎన్నికలు జరిగే అవకాశం ఉంటుంది.   కేసీఆర్ కు ముందస్తు ఎన్నికలు అచ్చొచ్చాయన్న సెంటిమెంట్ కూడా ఉంది. ఆయన గురించి బాగా తెలిసిన వారు కేసీఆర్ ముందస్తు యోచనలోనే ఉన్నారని ఎలాంటి సందేహం లేకుండా చెప్పేస్తారు. ఇప్పుడు ఆయన అడుగులు కూడా ముందస్తు వైపే ఉన్నాయని పరిశీలకులు సైతం అంటున్నారు. అయితే ఆయన ముందస్తు వ్యూహాలకు కేంద్రం ముకు తాడు వేసే  యోచనలో ఉంది. కేసీఆర్ కనుక ముందస్తు ఎన్నికలకు వెళితే.. కేంద్రం ఉభయ తెలుగు రాష్ట్రాలలో రాష్ట్ర విభజన నాటి నుంచి పెండింగ్ లో ఉన్న నియోజకవర్గాల పునర్వ్యవస్థీకరణ అంశాన్ని తెరమీదకు తీసుకువచ్చే అవకాశాలున్నాయని పరిశీలకులు అంటున్నారు.

ఇప్పటికే కేంద్రం ఆ దిశగా సంకేతాలు కూడా ఇచ్చింది. అదెలాగంటే..గత ఎనిమిదేళ్లుగా ఆంధ్రప్రదేశ్ ,  తెలంగాణ రాష్ట్రాలు   అసెంబ్లీ సీట్లను పెంచాలని కేంద్రాన్ని కోరుతున్న సంగతి తెలిసిందే. ఎట్టకేలకు ఈ అంశంపై కేంద్ర ప్రభుత్వం దృష్టిపెట్టింది. రాష్ట్ర విభజన చట్టంలోని హామీల ప్రకారం ఏపీలో ఉన్న స్థానాలను 175 నుంచి 225కి. అలాగే తెలంగాణలో ఉన్న 119 అసెంబ్లీ  నియోజకవర్గాల సంఖ్యను 153 పెంచే ప్రక్రియను కేంద్రం ఆరంభించింది. ఇప్పటికే నియోజకవర్గాల సంఖ్య పెంపునకు పార్లమెంట్ లో బిల్లు ప్రవేశపెట్టేందుకు అనువుగా అడ్మినిస్ట్రేటివ్ రిపోర్ట్ పంపాలని తెలుగు రాష్ట్రాల ప్రభుత్వాలను కేంద్ర న్యాయ శాఖ కోరింది.

రాష్ట్ర ప్రభుత్వాల నుంచి వీలైనంత త్వరగా  నివేదిక అందితే.. వర్షాకాల సమావేశాల్లోనే పార్లమెంట్లో ఈ బిల్లు ప్రవేశ పెట్టే అవకాశాలున్నాయని విశ్వసనీయ వర్గాల సమాచారం. అయితే ఈ  విషయంపై తెలుగు రాష్ట్రాల నుంచి ఇంత వరకూ స్పందన లేదు. అది వేరే సంగతి.. కానీ   తెలుగు రాష్ట్రాలలో నియోజకవర్గాల పునర్విభనజపై గత ఏడాది ఆగస్టులో లోక్ సభ వేదికగా కాంగ్రెస్ ఎంపీ రేవంత్ రెడ్డి ప్రశ్నకు కేంద్రం 2031 నాటికి నియోజకవర్గాల పునర్విభజన ఉంటుందని సమాధానమిచ్చింది. దీంతో ప్రస్తుతం తెలుగు రాష్ట్రాలలో అసెంబ్లీ నియోజకర్గాల పునర్విభజనపై వస్తున్న సమాచారంలో నిజమెంత అన్న అనుమానాలు వ్యక్తమౌతున్నాయి.  

ఇక్కడే కేంద్రం తన వ్యూహ చతురతను ప్రదర్శించింది. తెలంగాణ ముఖ్యమంత్రి కేసీఆర్ ఒక వేళ ముందస్తు ఎన్నికలకే సై అంటూ అసెంబ్లీని రద్దు చేస్తే.. అప్పుడు కేంద్రం తెలుగు రాష్ట్రాలలో నియోజకవర్గాల పునర్వ్యవస్థీకరణ అంశాన్ని తెరమీదకు తీసుకువస్తుంది. ఆఘమేఘాల మీద ఇందుకు సంబంధించిన బిల్లును ప్రవేశపెట్టి పార్లమెంటు ఆమోదం పొందుతుంది. అప్పుడు నిర్ణీత గడువు కంటే ఆరు నెలల ముందే తెలంగాణలో రాష్ట్రపతి పాలన విధిస్తుంది. ఎందుకంటే అప్పటికే కేసీఆర్ అసెంబ్లీని డిజాల్వ్ చేసి ఆపద్ధర్మ ముఖ్యమంత్రిగా ఉంటారు కనుక.    ఇప్పటికే కేంద్రం ఆ దిశగా సంకేతాలు ఇచ్చిన నేపథ్యంలో కేసీఆర్ ముందస్తు ప్రణాళికతో ముందుకు సాగుతారా? ఆ ధైర్యం చేస్తారా అన్న అనుమానాలను పరిశీలకులు వ్యక్తం చేస్తున్నారు. 
 

By
en-us Political News

  
రష్దీపై దాడి చేసిన వ్యక్తి న్యూజెర్సీకి చెందిన 24 ఏళ్ల హదీ మటర్‌గా గుర్తించారు. న్యూయార్క్ పోలీసులు దాడి చేసిన వ్యక్తి పై ఇంకా అభియోగాలు మోపలేదని, రుష్దీ పరిస్థితిని బట్టి అభియోగాలు ఉంటాయని ఒక ప్రకటనలో తెలిపింది. దాడి చేసిన నిందితుడిని అదుపులోకి తీసుకున్నారు.
కాంగ్రెస్ అధినేత్రి సోనియా గాంధీ మరోసారి కరోనా పాజిటివ్ నిర్ధారణ అయ్యింది. దీంతో హోం ఐసోలేషన్ లోకి వెళ్లారు. ఇటీవలే పోస్ట్ కోవిడ్ సమస్యలతో సోనియా గాంధీ చికిత్స తీసుకున్న సంగతి విదితమే. కాగా సోనియాగాంధీ కరోనా బారిన పడిన విషయాన్ని కాంగ్రెస్ సీనియర్ నాయకుడు జై రాం రమేష్ ట్విట్టర్ వేదికగా తెలిపారు.
ఎన్ని డ్రామాలాడినా, ఏకంగా ఎస్పీ చేతే ఆ వీడియోను ఫొరెన్సీక్ పరీక్ష కూడా ఒరిజనలో కాదో తేల్చలేదని చెప్పించినా, ఆ ఎస్పీ చెప్పిన దానిని పట్టుకుని గోరంట్ల మాధవ్ తనకు తాను క్లీన్ చిట్ ఇచ్చేసుకున్నా.. దానిని పట్టుకుని మంత్రి రోజా వంటి వారు ప్రతిపక్షంపై విమర్శలు గుప్పించేసినా నిజం మాత్రం నిప్పులా బయటపడింది.
దక్షిణ భారతదేశం బీజేపీకి అంతు చిక్కని ప్రాంతం. క‌ర్ణాట‌క‌ మినహా మిగిలిన నాలుగు రాష్ట్రాల్లో ఇంత వరకూ ఆ పార్టీకి గెలుపు అందని ద్రాక్షగానే మిగిలింది. అయితే బీజేపీ మాత్రం అందని ద్రాక్ష పుల్లన అని వదిలేయకుండా.. దక్షిణాది రాష్ట్రాలలో పాగాకు విశ్వ యత్నం చేస్తోంది. బీజేపీ మిషన్‌ సౌత్‌కు తెలంగాణ ఇప్పుడు సారవంతమైన ప్రాంతంగా భావిస్తోంది.
నర్సాపురం వైసీపీ ఎంపీ రఘురామకృష్ణరాజు ఎప్పటికప్పుడు ట్రెండీగా ఉంటారు. ఎక్కడ ఏ చిన్న ఛాన్స్ దొరికినా, వైసీపీ అధినేతను, ఆ పార్టీ నేతలను తూర్పారపడుతూనే ఉంటారు. తాజాగా హిందూపురం వైసీపీ ఎంపీ గోరంట్ల మాధవ్ న్యూడ్ వీడియో కాల్ వ్యవహారం, జరుగుతున్న పరిణామాలు, వైఎస్ విజయమ్మ కారు ప్రమాదంపై పలు అనుమానాలు వ్యక్తం చేస్తూ తన దైన స్టైల్ లో స్పందించారు.
మూడేళ్ల వ‌య‌సులో క్రిస్టినా తన అస‌లు కుటుంబానికీ దూర‌మ‌యింది. అన్నా.. నువ్వులేని నా బ‌తుకు భారం.. అంటూ వీధుల ప‌డి సినిమాటిక్‌గా ఏడ‌వ‌లేదు. ఎలాగైనా క‌లివాల‌ని, ఎందుకు విడిపోయిందీ తెలుసుకోవాల న్న‌ది ఆమె ప‌ట్టుద‌ల‌. 
ఎన్డీయే ఖాళీ అవ్వడం వెనుక బీజేపీ వ్యూహం ఉందా? ఉద్దేశ పూర్వకంగానే మిత్రపక్షాలను కూటమి వీడేలా బీజేపీ వ్యవహరిస్తోందా? 2024 ఎన్నికలలో ఒంటరిగా బరిలోకి దిగడమే రాజకీయంగా తమకు లబ్ధి చేకూరుతుందని భావిస్తోంది. ఆ పార్టీ చెబుతున్న డబుల్ ఇంజిన్ అర్ధం ఇదేనా? దేశ వ్యాప్తంగా అన్నిరాష్ట్రాలలోనూ అధికారం చేజిక్కించుకోవాలంటే ముందుగా ఆయా రాష్ట్రాలలో ఉన్న ప్రాంతీయ పార్టీలను బలహీనం చేయాలన్నదే ఆ పార్టీ లక్ష్యమా? అంటే పరిశీలకులు ఔననే అంటున్నారు.
ఈ క్లాష్ నుండి విజేతలుగా నిలిచేందుకు తాను భారత్‌తో కట్టుబడి ఉంటా నని చెప్పాడు.
ఆర్ఎస్ఎస్ తన ప్రొఫైల్ పిక్ ను మార్చేసింది. సామాజిక మాధ్యమంలో ఆర్ఎస్ఎస్ ప్రొఫైల్ పిక్ ఇంత కాలం కాషాయ జెండా ఉండేది. కానీ శుక్రవారం( ఆగస్టు 15) ఆ ప్రొఫైల్ పిక్ మారిపోయింది. కాషాయ జెండా స్థానంలో జాతీయ జెండా కనిపించింది.
అమిత్ షా మునుగోడు సభ వాయిదా పడిందన్న వార్తల నేపథ్యంలో బీజేపీ తెలంగాణ అధ్యక్షుడు క్లారిటీ ఇచ్చారు. ఈ నెల 21న అమిత్ షా రాష్ట్ర పర్యటనకు వస్తున్నారని స్పష్టం చేశారు. మునుగోడులో భారీ బహిరంగ సభలో అమిత్ షా ప్రసంగిస్తారని బండి సంజయ్ స్పష్టం చేశారు.
దేశ వ్యాప్తంగా సంచలనం సృష్టించిన వైసీపీ ఎంపీ గోరంట్ల మాధవ్ న్యూడ్ వీడియో కాల్ కు సంబంధించిన వీడియోను ఫోరెన్సిక్ ల్యాబ్ కు పంపించి పరీక్ష చేయించాలని కోరుతూ ఏపీ న్యాయవాది ఒకరు కేంద్ర హోంమంత్రి అమిత్ షా కులేఖ రాశారు. ఏపీలో మహిళల భద్రత విషయంలో రాష్ట్ర ప్రభుత్వం ఘోరంగా విఫలమైందని ఆయనా లేఖలో పేర్కొన్నారు.
మునుగోడు ఉప ఎన్నిక నేపథ్యంలో యాదాద్రి జిల్లాలో పెద్ద సంఖ్యలో పోస్టర్లు వెలిశాయి. కాంగ్రెస్ ద్రోహిగా కోమటిరెడ్డి వెంకటరెడ్డిని అభివర్ణిస్తూ ఈ పోస్టర్లు వెలిశాయి,
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.