జీర్ణోద్ధరణ దశలో ఉన్న దేవాలయాలను పునరుద్ధరించేందుకు, హిందూ మత ప్రచారానికి టిటిడి ఆధ్వర్యంలో ఏర్పాటు చేసిన మనగుడి కార్యక్రమాన్ని అద్దంకి సమీపంలోని శింగరకొండ శ్రీప్రసన్నాంజనేయ స్వామివారి దేవాలయంలో ఘనంగా నిర్వహించారు. టిటిడి వారు పంపించిన శ్రీవేంకటేశ్వరస్వామి నామంతో పూజా ద్రవ్యాలతో దేవాలయంలో పూజలు నిర్వహించారు. శ్రీవెంకటేశ్వర స్వామి పూజ ఆసాంతం గోవిందనామ స్మరణతో నిర్వహించారు. టిటిడి వారు భక్తులకోసం పంపించిన ప్రసాదం, కుంకుమ తదితర వస్తువులను భక్తులకు పంచిపెట్టారు. గత మూడు రోజులుగా జరుగుతున్న మనగుడి కార్యక్రమాన్ని చివరిరోజు వీక్షించేదుకు, పూజలో పాల్గొనేందుకు మండలంలోని వివిధ గ్రామాల నుండి వందలాదిగా భక్తులు పాల్గొన్నారు.