అలీకి రాజ్య‌స‌భ కాద‌ట‌..అద‌ట‌! పోసానికీ ఉంద‌ట‌!.. సినిమా చూపిస్తున్న జగనన్న‌..

Publish Date:Feb 16, 2022

Advertisement

గుర్తుండే ఉంటుంది. ఇంచుమించుగా ఒక నెల, నెలన్నర రోజుల క్రితం మెగా స్టార్ చిరంజీవికి ముఖ్యమంత్రి జగన్మోహన్ రెడ్డి నుంచి విందుకు రమ్మని ఆహ్వానం అందింది. మెగాస్టార్, మహదానందంగా వెళ్ళారు. ముఖ్యమంత్రితో  కలిసి కూర్చుని లంచ్ చేశారు. అయితే, చిరంజీవి వెళ్ళింది కేవలం లంచ్ చేసేందుకే కాదు, సినిమా పరిశ్రమ సమస్యలు, ముఖ్యంగా సినిమా టికెట్ల వివాదం విషయం చర్చిందేందుకే ముఖ్యమంత్రి ఆయన్ని పిలిచారు, అందుకోసమే ఆయన వెళ్ళారు. అయితే, లోపల ఆ ఇద్దరు ఏమి చర్చించుకున్నారో, ఏమో కానీ, ఆయన బయటకు వచ్చేసరికి, సినిమా టికెట్ గోల పక్కకు పోయి, ముఖ్యమంత్రి జగన్ రెడ్డి, చిరంజీవికి రాజ్యసభ టికెట్ ఇచ్చారని,ఇస్తారని ప్రచారం జరిగి పోయింది. చిరంజీవి కొంత బద్నాం అయ్యారు. పబ్లిక్’లో ఆయన ఇమేజ్’ ‘ఛీ’ స్థాయికి చేరి పోయింది. ఆ తర్వాత చిరంజీవి, ముఖ్యమంత్రి అలాంటి ఆఫర్ ఏదీ ఇవ్వలేదని, ఇచ్చినా తాను పుచ్చుకోనని అన్నారు. 

ఇక అక్కడి నుంచి, ఏపీ రాజకీయాల్లో, ముఖ్యంగా వైసీపీ, సినిమా ఇండస్ట్రీ సంబందాల విషయంలో ఏదో ‘టాక్ ట్రాక్’ నడుస్తూనే ఉంది. సంచలనం అవుతూనే వుంది. సర్కా ర్’కు ఇండస్ట్రీలో ఒక వర్గం జీ హుజూర్ అయిపోయిందనే మాట వినిపిస్తూనే వుంది. చివరకు ప్రతిపక్ష నేత నేత చంద్రబాబు నాయుడు కూడా, సర్కార్ సినిమా సంబంధాలపై స్పదించారు. మరీ ఇంతలా దిగజార వలసిన అవసరం ఏముందని, ‘స్టార్స్’కు చురకలు అంటించారు. ఇంత అహంకారం ఎందుకని ముఖ్యమంత్రికి వాతలు పెట్టారు. 

అదలా ఉంటే, తాజాగా ముఖ్యమంత్రి జగన్ రెడ్డి, కమెడియన్ అలీని తెర మీదకు తెచ్చారు. చిరంజీవిని పిలిచినట్లే ఆలీనీ ‘ఏకాంత’ చర్చలకు ఆహ్వానించారు. అలీలోనూ రాజ్యసభ ఆశలు చిగురించాయి. నిజానికి ఆలీ చాలా కాలంగా రాజకీయాలలో, అంటే వైసీపీలో  ఉన్నారు . గత అసెంబ్లీ ఎన్నికల్లోనే గుంటూరు నుంచి అసెంబ్లీకి పోటీ చేస్తారని అన్నారు. అయన పోటీ చేయలేదు కానీ, వైసీపీలో కొనసాగుతూనే ఉన్నారు. ఈ క్రమంలోనే తాజా ఎపిసోడ్’లో నిన్న మొన్నటిదాకా ఆయ‌న‌కు రాజ్య‌స‌భ సీటు గ్యారెంటీ అన్న ప్రచారం సాగింది. అయితే ఇప్పడు సీన్’ మారిందని అంటున్నారు. 

కమేడియన్’కు అంత పెద్ద పోస్టు ఎందుకు అనుకున్నారో ఏమో కానీ, ఇప్పుడు ఏపీ వ‌క్ఫ్ బోర్డు ఛైర్మ‌న్ పోస్టుతో సరి పెట్టాలని నిర్ణయానికి వచ్చినట్లు తెలుస్తోంది. అలీతో పాటు, మరో కమెడియన్ పోసాని కృష్ణ‌ముర‌ళికి సైతం జగన్ ఏదో ఒక పోస్టు ఇస్తారని అంటున్నారు. నిజానికి అలీ కంటే.. జ‌గ‌న్’ ను గట్టిగా సమర్ధించింది, ఘనంగా నష్టపోయింది, పోసానే అంటారు. జగన్ కోసం పవన్ కళ్యాణ్ మీద రెచ్చిపోయి విమర్శలు చేశారు, ఫలితంగా ఆయనకు ఆఫర్లు రావడంలేదని ఆయనే చెప్పారు. ఈ పరిస్థితిలో  ఈ ఇద్దరు కమెడియన్స్’ కు జగన్ కామెడీ పాత్రలే ఇస్తారో ఇంకే పాత్రలు ఇస్తారో చూడవలసి వుందని అంటున్నారు. మొత్తానికి సినిమా వాళ్ళకు జగన్ రెడ్డి సినిమా చూపిస్తున్నారు. అయితే సినిమా అభిమానులు మాత్రం సినీ హీరోల పరిస్థితి, ‘ఇంత బతుకు బతికి . ..ఇంటి వెనకాల ఏడ్చినట్లు’ ఉందని అంటున్నారు.

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.