బీహార్ మాజీ ముఖ్యమంత్రి లలూ ప్రసాద్ యాదవ్ కుమారుడు, బీహార్ అటవీ , పర్యావరణ శాఖా మంత్రి తేజ్ ప్రతాప్ యాదవ్ ఆరోగ్యం ఒక్కసారిగా క్షీణించింది. అతడిని పాట్నాలోని మెడివర్సల్ ఆసుపత్రికి తరలించారు. లాలూ యాదవ్‌ కుమారుడు తేజ్‌ ప్రతాప్‌కు ఛాతీ నొప్పి రావడంతో ఆయన ఆరోగ్యం క్షీణించినట్లు సమాచారం.ఆరోగ్యం క్షీణించిన వెంటనే తేజ్ ప్రతాప్‌ను పాట్నాలోని మెడివర్సల్ ఆసుపత్రిలో చేర్చారు. ఇక్కడి వైద్యులు అతడిని పరీక్షిస్తున్నారు. తేజ్ ప్రతాప్ యాదవ్ బుధవారం సాయంత్రం తన నివాసంలో ఉన్న సమయంలో ఆయనకు ఛాతీ నొప్పి వచ్చింది. నొప్పి తీవ్రమవడంతో, అతన్ని సమీపంలోని కంకర్‌బాగ్‌లోని మెడివర్సల్ ఆసుపత్రికి తరలించారు. ప్రస్తుతం ఆయన ఆరోగ్యం గురించి వైద్యులు ఎలాంటి ప్రకటన చేయలేదు. తేజ్‌ ప్రతాప్‌ యాదవ్‌ త్వరగా కోలుకోవాలని పార్టీ కార్యకర్తలు కోరుకుంటున్నారు.