జోరుగా గులాబీ ఆకర్ష్! కారెక్కనున్న కీలక నేతలు...

Publish Date:Jun 7, 2021

Advertisement

తెలంగాణ రాజకీయాల్లో సంచలన పరిణామాలు జరుగుతున్నాయి. మంత్రివర్గం నుంచి ఈటల రాజేందర్ బర్తరప్ తర్వాత సమీకరణలు వేగంగా మారిపోతున్నాయి. సొంత పార్టీ పెడతారని భావించిన రాజేందర్.. కమలం గూటికి చేరుతున్నారు. ఈటలతో పాటు మరికొందరు నేతలు బీజేపీకి జై కొట్టబోతున్నారు. ఇప్పటికే తెలంగాణలో దూకుడు పెంచిన కమలానికి.. రాజేందర్ రాక మరింత బూస్ట్ ఇస్తోంది. ఇదే స్పీడుతో టీఆర్ఎస్ లోని అసంతృప్త నేతలను, కాంగ్రెస్ లో ఉన్న బలమైన నేతలను తమ పార్టీలోకి తీసుకువచ్చేందుకు బండి సంజయ్ టీమ్ ప్రయత్నాలు చేస్తోందని తెలుస్తోంది. మాజీ ఎంపీతో పాటు తెలంగాణ కాంగ్రెస్ లో కీలకంగా ఉన్న ఒక ఎమ్మెల్యే త్వరలో కాషాయ జెండా కప్పుకోవడం ఖాయమంటున్నారు.

ఈటల రాజేందర్ కార్యాచరణ, బీజేపీ నేతల కదలికలను గమనిస్తున్న గులాబీ బాస్ కూడా తన వ్యూహాలను పదును పెట్టారని తెలుస్తోంది. బీజేపీ ధీటుగా మరోసారి ఆపరేషన్ ఆకర్ష్ గా ఆయన తెర లేపారని అంటున్నారు. ఈటల రాజేందర్ ఎపిసోడ్ తో బీసీల నుంచి వ్యతిరేకత రావచ్చని భావిస్తున్న కేసీఆర్.. ఆ సామాజిక వర్గాలను చెందిన నేతలకు గాలం వేస్తున్నారని అంటున్నారు. తెలంగాణ తెలుగుదేశం పార్టీ అధ్యక్షుడు ఎల్.రమణ త్వరలో గులాబీ గూటికి చేరనున్నారని తెలుస్తోంది. రమణకు ఎమ్మెల్సీ పదవి ఇచ్చి పార్టీలోకి చేర్చుకునేందుకు గులాబీ బాస్ గ్రీన్ సిగ్నల్ ఇచ్చారని చెబుతున్నారు. ఈ మేరకు ఎల్.రమణతో మంత్రి ఎర్రబెల్లి దయాకరరావు మంతనాలు సాగించినట్లు సమాచారం. 

జగిత్యాల నియోజకవర్గానికి చెందిన ఎల్ రమణతో.. స్థానిక ఎమ్మెల్యే సంజయ్ కుమార్ కూడా మాట్లాడారట. పద్మశాలి సామాజికవర్గానికి చెందిన ఎల్‌.రమణకు బీసీ వర్గాల్లో  మంచి గుర్తింపు ఉంది. ఈటల రాజీనామాతో ఖాళీ అయిన బీసీ నాయకుడి స్థానాన్ని మరొక బీసీ నేతతోనే భర్తీ చేయడానికి టీఆర్ఎస్ అధిష్ఠానం వ్యూహ రచన చేస్తోందని తెలుస్తోంది. ఉమ్మడి ఏపీలో చంద్రబాబు క్యాబినెట్‌లో మంత్రిగా పనిచేసిన ఎల్.రమణ... రాష్ట్ర విభజన తర్వాత నుంచి టీటీడీపీ అధ్యక్షుడుగా కొనసాగుతున్నారు. ఎల్.రమణతో పాటు పలువురు టీడీపీ నాయకులు టీఆర్ఎస్‌లోకి వెళ్లనున్నారని సమాచారం.ఈ నెల 3న ఎమ్మెల్యే కోటాలోని ఆరు ఎమ్మెల్సీ స్థానాలు ఖాళీ అయ్యాయి. కోవిడ్ కారణంగా వాటి ఎన్నికల ఆలస్యమవుతున్నాయి.  ఎమ్మెల్సీ ఎన్నికలు ఎప్పుడు జరిగినా... రమణకు ఛాన్స్ ఖాయమంటున్నారు. మహబూబ్ నగర్ జిల్లాకు చెందిన బీసీ నేత, టీడీపీ మాజీ నేత ఎర్ర శేఖర్ కూడా త్వరలో కారెక్కనున్నారని తెలుస్తోంది.

ఉత్తర తెలంగాణలో కీలకమైన ఉమ్మడి కరీంనగర్ జిల్లాలో పట్టుకోల్పోకుండా ఉండేదుకు టీఆర్ఎస్ అధిష్ఠానం ప్రయత్నాలు మొదలుపెట్టిందని తెలుస్తోంది. ఈటల నియోజకవర్గం హుజూరాబాద్ కు చెందిన మాజీ మంత్రి, టీడీపీలో కీలక నేతగా ఉండి ప్రస్తుతం బీజేపీలో ఉన్న ఇనగాల పెద్దిరెడ్డిని కూడా కారెక్కించేందుకు రంగం సిద్ధమైందంటున్నారు. పెద్దిరెడ్డితో కేసీఆరే స్వయంగా మాట్లాడుతున్నారని తెలుస్తోంది. ఇటీవలే ఈటల రాజేందర్ బీజేపీలో చేరికపై పెద్దిరెడ్డి ఘాటు వ్యాఖ్యలు చేశారు. ఈటల బీజేపీలోకి వస్తే ఉప్పెన వస్తుందన్నారు. దీంతో పెద్దిరెడ్డి గులాబీ పార్టీలో చేరడం ఖాయమైందనే చర్చే కరీంనగర్ జిల్లాలో జరుగుతోంది.  

ఎల్ రమణ, పెద్ది రెడ్డితో పాటు గతంలో టీడీపీలో కీలకంగా ఉంటూ ప్రస్తుతం బీజేపీలో ఉన్న నేతలనతోనూ టీఆర్ఎస్ నేతలు మాట్లాడుతున్నారని తెలుస్తోంది. బీజేపీ నేతల తీరుతో అసంతృప్తిగా ఉన్న కొందరు నేతలు.. కేసీఆర్ నుంచి స్పష్టమైన హామీ ఇప్పిస్తే పార్టీలో చేరడానికి సుముఖంగా ఉన్నారని అంటున్నారు. ఈటల రాజేందర్ అధికారికంగా బీజేపీలో చేరిన వెంటనే... గులాబీ పార్టీలోకి వలసలు ఉండేలా వ్యూహం రెడీ చేశారని అంటున్నారు. బీజేపీ దిమ్మతిరిగేలా చేరికల ఉంటాయని కొందరు టీఆర్ఎస్ నేతలు ఆఫ్ ది రికార్డుగా చెబుతున్నారంటే.. గులాబీ బాస్ స్కెచ్ భారీగానే ఉందనే చర్చ జరుగుతోంది. 

By
en-us Political News

  
సాధారణంగా   నాయకులు, తాము ప్రజలకు చేయగల పనుల విషయంలో వాస్తవికత వదిలేసి అతిశయోక్తులతో, అతి అంచనాలతో గొప్పలు చెప్పుకుంటుంటారు.
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.