కుషాల్ మెండిస్ మెరుపు ఇన్నింగ్స్‌తో  ఆసియా కప్ లో భాగంగా బంగ్లాదేశ్ తో జరిగిన మ్యాచ్ లో శ్రీలంక విజయం సాధించింది. ఈ విజయంతో శ్రీలంక సూపర్- 4 కు అర్హత సాధించింది. గురువారం (ఆగ‌ష్టు 1) ఉత్కంఠ భరితంగా జరిగిన గ్రూప్‌ చివరి లీగ్‌ పోరులో రెండు వికెట్లతో బంగ్లాదేశ్‌ను ఓడించింది. 184 పరుగుల లక్ష్యాన్ని ఇంకా నాలుగు బంతులుండగానే 8 వికెట్లు కోల్పోయి శ్రీలంక ఛేదించింది. 

టాస్‌ కోల్పోయి తొలుత బ్యాటింగ్‌కు దిగిన బంగ్లాకు..ఓపెనర్‌ మెహ్దీ హసన్‌ (38) అద్భుత ఆరంభం ఇచ్చా డు. కానీ మధ్య ఓవర్లలో శ్రీలంక బౌలర్లు క‌ట్ట‌డి చేయ‌గ‌లిగారు. అయితే  అఫీఫ్‌ హొసేన్‌ (39), చివర్లో మొసాదిక్‌ మెరుపులతో బంగ్లాదేశ్‌  20 ఓవర్లలో 7 వికెట్ల నష్టానికి 183 పరుగులు చేసింది. ఆ జట్టులో ఆఫిఫ్ హొస్సేన్ 39 పరుగులు, హసన్ మిరాజ్ 38 పరుగులతో రాణించారు. షకీబుల్ హసన్ (24), మహ్మ దుల్లా (27), మొసద్దిక్ హొస్సేన్(24) పరుగులు చేశారు. శ్రీలంక బౌలర్లలో వానిందు హసరంగ, చమిక కరుణరత్నే రెండేసి వికెట్లు పడగొట్టారు. మదుశంక, మహేశ్ తీక్షణ, అషిత ఫెర్నాండో ఒక్కో వికెట్ తీశారు. 

184 పరుగుల లక్ష్య ఛేదనకు దిగిన శ్రీలంకకు ఓపెనర్లు నిశాంక, కుశాల్ మెండిస్ శుభారంభాన్ని ఇచ్చా రు. మొదటి వికెట్ కు 45 పరుగులు జోడించారు. అయితే స్వల్ప వ్యవధిలో  నిశాంక, చరిత్ అస లంక వికెట్లు కోల్పోయింది. ఆ త‌ర్వాత‌ మెండిస్ మాత్రం బంగ్లా బౌలర్లపై ఆధిపత్యం ప్రదర్శిం చాడు.  చ‌క్క‌టి బ్యాటిం గ్ ప్ర‌ద‌ర్శ‌న‌తో రెచ్చిపోయాడు.  కేవలం 37 బంతుల్లోనే 60 పరుగులు చేశాడు.  అయితే మిగిలిన బ్యాట్స్మెన్ అంతగా రాణించలేకపోవటంతో లంక కష్టాల్లో పడింది. చివర్లో దసున్ శనక 45 పరుగులతో జట్టును విజయానికి చేరువ చేశాడు. 17వ ఓవర్లో అతను ఔటయ్యాడు

మ్యాచ్ చివరి 2 ఓవర్లు అత్యంత ఉత్కంఠ భ‌రితంగా సాగాయి.  కేవ‌లం రెండు ఓవ‌ర్ల‌లో  విజయానికి 25 పరుగులు అవసరమైన వేళ లంక మ్యాచ్ గెలవడం కష్టమే అనిపించింది. అయితే 19వ ఓవర్లో ఒక వికెట్ కోల్పోయిన లంక 17 పరుగులు చేసింది. ఆఖరి ఓవర్లో 8 పరుగులు చేయాల్సిరాగా తొలి బంతికి ఒక పరు గు వచ్చింది. రెండో బంతికి ఫెర్నాండో ఫోర్ కొట్టాడు. మూడో బంతికి నో బాల్ సహా 3 పరుగులు రావటం తో లంకను విజయం వరించింది. బంగ్లా బౌలర్లలో హొస్సేన్ 3 వికెట్లతో రాణించాడు. 

ఈ విజయంతో శ్రీలంక సూపర్- 4 లో అడుగుపెట్టింది. గ్రూప్- బీ నుంచి ఇప్పటికే అఫ్ఘనిస్థాన్ సూపర్- 4 కు క్వాలిఫై అయ్యింది. గ్రూప్- ఏ నుంచి భారత్ సూపర్- 4 కు చేరుకుంది. ఇంక పాకిస్థాన్, హాంకాంగ్ జట్ల మధ్య ఎవరు క్వాలిఫై అవుతారో తెలియాల్సి ఉంది. 

బంగ్లాదేశ్‌:20 ఓవర్లలో 183/7 (అఫీఫ్‌ 39, మెహ్దీ హసన్‌ 38, కరుణరత్నే 2/32 హసరంగ 2/41); శ్రీలంక:20 ఓవర్లలో 19.2 ఓవర్లలో 184/8 (కుశాల్‌ మెండిస్‌ 60, షనక 45, ఎబాదత్‌ 3/51).