జ‌గ్గారెడ్డి దెబ్బ‌తో దారికొచ్చిన కోమ‌టిరెడ్డి.. రేవంతా మ‌జాకా..

Publish Date:Mar 22, 2022

Advertisement

అవును, కాంగ్రెస్ పార్టీ సీనియర్ నాయకుడు, పార్లమెంట్ సభ్యుడు కోమటి రెడ్డి వెంకట రెడ్డి చెప్పింది నిజం. కాంగ్రెస్ పార్టీలో అంతర్గత విభేదాలనేవి భార్యభర్తల  మధ్య తగువు లాంటివే, నిజమే. అలాగే భార్యాభర్తల తగవుల్లానే వాటంతట అవే సర్దుకుంటాయి,అంతే గానీ, అంత త్వరగా విడాకుల వరకు వెళ్ళవు. కోమటి రెడ్డి సోదరుల విషయమే తీసుకుంటే, రేవంత్ రెడ్డి పీసీసీ పగ్గాలు చేపట్టిన వెంటనే, అసమ్మతి గళం వినిపించిన మొదటి నాయకుడు, కోమటి రెడ్డి వెంకట రెడ్డి. చివరి వరకు రేవంత్ రెడ్డితో పోటీపడి, చివరకు ఓటమి అంగీకరింకరించక తప్పని పరిస్థితిలో ఆయన ఇక గాంధీ భవన్ గడప తొక్కేది లేదని, ఆరోజునే  శపధం చేశారు. రేవంత్ రెడ్డి మీదనే కాదు, కాంగ్రెస్ పార్టీ జాతీయ నాయకత్వం, రాష్ట్ర వ్యవహారాల బాధ్యుడు, మాణిక్ ఠాగూర్’పైన కూడా తీవ్రమైన ఆరోపణలు చేశారు. అయినా, ఆ తర్వాత గాంధీ భవన్ గడప తొక్కారు, రేవంత్ రెడ్డితో కరచాలనం చేసుకున్నారు, కబుర్లు చెప్పుకున్నారు, ఇద్దరూ ఒకే వేదికను పంచుకున్నారు. ఆ తర్వాత మళ్ళీ తగువులాడుకున్నారు, మళ్ళీ ఈ రోజు ఢిల్లీలో రేవంత్ రెడ్డి, కోమటి రెడ్డి అపూర్వ సోదరుల్లా మీడియా  ముందుకు ముందుకు వచ్చారు. ఈ సందర్భంగానే కొంటి రెడ్డి కాంగ్రెస్ పార్టీలో అంతర్గత విబేధాలు, భార్యాభర్తల తగువుల వంటివని చెప్పారు. అంతే కాకుండా, తాను చివరి వరకు కాంగ్రెస్‌ పార్టీలోనే కొనసాగుతానని స్పష్టం చేశారు. 

నిజానికి కొద్ది రోజుల క్రితమే కోమటి రెడ్డి సోదరులు, బీజీపీలో చేరడం ఖాయమనే సంకేతాలు ఇచ్చారు. కోమటి రెడ్డి వెంకట రెడ్డి పార్లమెంట్’లో ప్రధాని నరేంద్ర మోడీని కలిశారు. జస్ట్ ఒక అరగంటలోనే తనకు ప్రధాని అప్పాయింట్మెంట్ ఇవ్వడం అధ్బుతం, అమోఘం అంటూ మోడీని ప్రశంసలతో ముంచెత్తారు. అలాగే, ఆయన సోదరుడు ఎమ్మెల్యే కోమటి రెడ్డి రాజగోపాల రెడ్డి, నేరుగా సీఎల్పీలీడర్ భట్టి విక్రమార్క మీద  భగ్గుమన్నారు. రేవంత్ రెడ్డి పైనా ఫైరయ్యారు. రేవంత్ రెడ్డి విషయంలో  పార్టీ అధిష్టానం తప్పుడు నిర్ణయం తీసుకుందని అన్నారు. ముఖ్యమంత్రి కేసీఆర్’ను ఓడించేందుకు అవసరం అయితే దమ్మున్న పార్టీలో చేరతానని చెప్పారు. 

అయితే ఇంతలోనే, కోమటి రెడ్డి వెంకట రెడ్డి ఇలా ... మాటమార్చడం వెనక కారణం ఏమై ఉంటుంది?అంటే, అందుకు కోమటి రెడ్డి చెప్పిన భార్యాభర్తల పోలిక ఒక స్ట్రాంగ్ రీజనే అయినా, అసమ్మతి స్వరాన్ని పెంచిన సంగారెడ్డి ఎమ్మెల్ల్యే, టీపీసీసీ వర్కింగ్ ప్రెసిడెంట్ జగ్గారెడ్డి రెక్కలు కత్తిరింఛి ఆయన నిర్వహిస్తున్న పార్టీ బాధ్యతలను ఇతరులకు అప్పగించడంతో, కోమటి రెడ్డి ఒకడుగు వెనక్కి వేశారని అనుకోవచ్చని అంటున్నారు. అందుకే, కోమటి రెడ్డి తాను ప్రధానిని కలిసినంత మాత్రాన పార్టీ మారతానని ప్రచారం చేయడం భావ్యం కాదన్నారు. సీఎం కేసీఆర్ అవినీతిపై ఫిర్యాదు చేసేందుకే ప్రధానిని కలిశానని, భవిష్యత్తులోనూ ప్రధానిని కలుస్తానని ఆయన స్పష్టం చేశారు. 

అదలా ఉంటే రాష్ట్రంలో సీఎం కేసీఆర్ చేసిన అవినీతిపై పూర్తి వివరాలతో ప్రధాని మోడీకి ఫిర్యాదు చేసినట్లు కోమటిరెడ్డి తెలిపారు. అంతే కాదు, బొగ్గు గనులలో జరిగిన కుంభకోణంపై సీఎం కేసీఆర్ సమాధానం చెప్పాలని డిమాండ్ చేశారు. రాష్ట్రంలో 134 మంది ఐఏఎస్‌లు ఖాళీగా ఉన్నారని, సీఎస్ దగ్గర 6-8 శాఖలు ఎందుకని ప్రశ్నించారు. ఏవైనా హై ఎండ్ బిల్డింగ్ ఫైల్స్ ఆమోదించాలంటే సీఎస్‌కు రూ.5 - రూ.10 కోట్లు ముట్టచెపితేనే పని అవుతోందని తమకు ఫిర్యాదులు అందాయన్నారు. సీఎస్ సోమేష్ కుమార్‌ను ఢిల్లీకి తీసుకెళ్లాలని, ఆయనపై చర్యలు తీసుకోవాలని ప్రధాని మోడీకి చేసిన ఫిర్యాదులో ఉన్నాయన్నారు. మొత్తానికి కోమటి రెడ్డి, ప్రధాని మోడీ మొదలు, ముఖ్యమంత్రి కేసీఆర్’ వరకు ( ఈ మధ్యనే ఒక కార్యక్రమంలో కోమటి రెడ్డి ముఖ్యమంత్రి కేసీఆర్’ పొగడ్తలతో ముంచెత్తారు. ఇద్దరూ ఒకరినొకరు గట్టిగా కౌగిలించుకున్నారు) వరకు, ఇటు పార్టీలో ప్రత్యర్ధుల వరకు అందరితోనూ శత్రుమిత్ర సంబంధాలను బాలన్స్ చేసుకుంటూ, సమయానుకూలంగా ఒపీనియన్స్’ మార్చుకుంటూ, స్మార్ట్ పోలిటిషియన్’గా నిరూపించుకుంటున్నారు.

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.