కిరణ్ కాంగ్రెస్ కోసం రెబల్స్ ఎదురుచూపులు

Publish Date:Dec 31, 2013

Advertisement

 

ప్రస్తుతం రాష్ట్రంలో కాంగ్రెస్ పార్టీ పరిస్థితి ఎలా ఉందో పీసీసీ అధ్యక్షుడు బొత్ససత్యనారాయణ మొన్ననే మీడియా సమావేశం పెట్టి మరీ చెప్పుకొన్నారు. కనీసం 25మంది శాసనసభ్యులు మరో కొందరు మంత్రులు కూడా త్వరలోనే పార్టీలో నుండి వేరే పార్టీలలోకి జంప్ అయిపోనున్నారని బల్లగుద్దీ మరీ చెప్పారు. అయితే వారిలో ముఖ్యమంత్రి కిరణ్ కుమార్ రెడ్డి కూడా ఉన్నారా లేదా? అనే సంగతి కూడా చెప్పి పుణ్యం కట్టుకొని ఉంటే, ఆయన కొత్త పార్టీ పెడతారని ఆశగా ఎదురుచూస్తున్నవారి నోట్లో పంచదార పోసినట్లయ్యేది.

 

వారిలో చాలా మంది తమకు సరిపడని జగన్మోహన్ రెడ్డితోనో, లేక తమ రాజకీయ ప్రత్యర్ధి చంద్రబాబుతోనో సర్దుకుపోవడం కంటే, ఒకటే బ్లడ్ గ్రూప్, ఒకటే బ్లడ్ కల్చర్, ఒకటే డీ.యన్.యే. ఉన్న కిరణ్ కుమార్ రెడ్డితోనే సర్దుకుపోవడమే సులువని భావిస్తు, జనవరి23 ముహూర్తం కోసం కళ్ళు కాయలు కాసేలా, చకోరపక్షుల్లా ఎదురుచూస్తున్నారు పాపం.

 

చివరికి రాయపాటి, లగడపాటి, ఉండవల్లి వంటి సీనియర్ రాజకీయ నేతలు కూడా ఎంతసేపు కిరణ్ కుమార్ రెడ్డి కొత్త పార్టీ పెడితే అందులో ఎక్కి ఈ ఎన్నికల వైతరిణిని దాటేద్దామని ఆశపడుతున్నారు తప్ప వారిలో ఎవరూ కూడా స్వయంగా పార్టీ పెట్టే ఆలోచన చేయడం లేదు. తమకంటే చాలా జూనియర్ అయిన కిరణ్ కుమార్ రెడ్డి పార్టీ పెడితే, ఆయన క్రింద ఇంతమంది సీనియర్లు పనిచేసేందుకు సిద్దపడుతుండటం చాలా అనుమానాస్పదంగా ఉంది. ఇదంతా చూస్తే కిరణ్ కుమార్ రెడ్డితో సహా అందరూ కూడా కాంగ్రెస్ అధిష్టానం ఇచ్చిన స్క్రిప్ట్ ప్రకారమే నడుచుకొంటున్నారనే అనుమానం కలుగుతోంది.

 

రాష్ట్ర విభజన చేస్తే సీమాంధ్రలో తీవ్ర వ్యతిరేఖత ఎదురవుతుందని, దానివల్ల పార్టీకి తీవ్రంగా నష్టం కలుగుతుందని కాంగ్రెస్ అధిష్టానానికి తెలియకపోదు. బహుశః అందుకే రాష్ట్ర వ్యవహారాల ఇన్-చార్జ్ దిగ్విజయ్ సింగ్ “పార్టీని రెండు ప్రాంతాలలో ఏవిధంగా గెలిపించుకోవాలో మాకు తెలుసు. అందుకు తగిన వ్యూహాలు మావద్ద ఉన్నాయని” ధీమా వ్యక్తం చేసారు.

 

ఇంతవరకు ఈ కాంగ్రెస్ అధిష్టాన వ్యతిరేఖ వర్గమంతా కలిసి రాష్ట్రవిభజనకు పూర్తి సహకారం అందించారు. జనవరి23తో అధిష్టానం తమకు అప్పజెప్పిన ఆ పని కూడా పూర్తి చేసిన తరువాత కిరణ్ కుమార్ రెడ్డి నేతృత్వంలో ఈ తిరుగుబాటుదారులందరూ కొత్త జెండా పట్టుకొని ఎన్నికలలో పోటీచేయడం, కాంగ్రెస్ వ్యతిరేఖతను ఓట్లుగా మలచుకొని ఎన్నికలలో గెలిచిన తరువాత తిరిగి కాంగ్రెస్ పార్టీలో కలిసిపోవడమే ఆ వ్యూహం అయ్యిఉండవచ్చును.

 

ఆ ప్రయత్నంలో భాగంగానే వారందరూ కూడా కాంగ్రెస్ అధిష్టానం తమను, ప్రజలను కూడా చాలా అన్యాయం చేసిందని, రాష్ట్రంలో కాంగ్రెస్ భూస్థాపితమయిపోతుందని అంటూ కాంగ్రెస్ ను తిట్టిపోస్తూ ప్రజల సానుభూతిని, కాంగ్రెస్ పట్ల వ్యతిరేఖతను పెంచి పోషిస్తున్నారు. అందరూ కలిసి పార్టీకి తీరని నష్టం కలిగిస్తున్నా కూడా పీసీసీ అధ్యక్షుడు బొత్ససత్యనారాయణ ఎవరిమీద మీద ఇంతవరకు ఎటువంటి క్రమశిక్షణ చర్యలు తీసుకోకపోవడం ఈ అనుమానాలను దృవీకరిస్తోంది. అయితే గమనించాల్సిన విషయం ఏమిటంటే వాళ్ళందరూ పార్టీ నిర్ణయాన్ని తీవ్రంగా వ్యతిరేఖిస్తున్నారు తప్ప సోనియాగాంధీని విమర్శించడం లేదు. పార్టీలో అందరూ తమ తమ అభిప్రాయాలు చెప్పుకోవచ్చని బొత్స వారిని వెనకేసుకొని వస్తున్నారు. అంటే కిరణ్-కాంగ్రెస్ లో జేరెందుకు ఆలోచిస్తున్నవారు మాత్రం నేటికీ పార్టీ క్రమశిక్షణ అధిగమించడం లేదని, వేరే పార్టీలలో టికెట్స్ ఖరారు చేసుకొన్నవారే కాంగ్రెస్ పార్టీని, అధిష్టానాన్నికించపరుస్తున్నారని అర్ధం అవుతోంది. బహుశః అందుకే జేసీ దివాకర్ రెడ్డికి షో-కాజ్ నోటీసులు జారీచేసారు. మిగిలిన వారు పార్టీకి ఎంత నష్టం కలిగిస్తున్నాదానిని అభిప్రాయ వ్యక్తీకరణ పద్దులో వ్రాసి అడ్జస్ట్ చేస్తున్నారు. బహుశః జనవరి23 తరువాత కిరణ్ కొత్త పార్టీ పెట్టగానే, అప్పుడు బొత్ససత్యనారాయణ వారందరి మీద మూకుమ్మడిగా క్రమశిక్షణ చర్యలు తీసుకొంటారేమో!

By
en-us Political News

  
తెలంగాణ‌లో రోజుకు 2వేల పైచిలుకు క‌రోనా కేసులు. అదే ఏపీలో రోజూ నాలుగున్న‌ర వేల‌కు పైగా కేసులు. రెండు వేల కేసులొస్తున్న తెలంగాణ ప్ర‌భుత్వం ఎందుకైనా మంచిద‌ని విద్యార్థుల‌కు సంక్రాంతి సెల‌వులు పెంచింది. జ‌న‌వ‌రి 30 వ‌ర‌కూ హాలిడేస్ ప్ర‌క‌టించింది. ఇక‌, రోజూ సుమారు 5వేల కేసులు వ‌స్తున్న ఏపీలో మాత్రం సెల‌వులు పెంచే ప్ర‌స‌క్తేలేదంటోంది ప్ర‌భుత్వం. ఆ మేర‌కు విద్యాశాఖ మంత్రి సురేశ్ క్లారిటీ ఇచ్చేశారు. 
కాంగ్రెస్ పార్టీలో ముఠా తగాదాలు,అంతర్గత కుమ్ములాటలు మామూలు వ్యవహరం. చేతికి ఉన్న ఐదేళ్లు ఎలా అయితే, సమానంగా ఉండవో, అదేవిధంగా హస్తం పార్టీలో అందరూ ఒకే మాట మీద ఉండరు. తెలంగాణలో అయితే, ఈ పరిస్థితి కొంచెం ఎక్కువగానే శ్రుతిమించి రాగాన పడింది. రేవంత్ రెడ్డి పీసీసీ చీఫ్ అయిన దగ్గర నుంచి, సీనియర్ నాయకులు చిర్రుబుర్రులాడుతూనే ఉన్నారు.చాప కింద నీరులా అసమ్మతి సెగ రాజేస్తునే ఉన్నారు.
భోజ‌న‌మంటే ఏముంటుంది? అన్నం, రెండు మూడు కూర‌లు, సాంబార్‌, పెరుగు, స్పీట్‌. అంతేగా. పోనీ, పండ‌గ స్పెష‌ల్ అనుకుంటే.. మ‌రో నాలుగైదు వెరైటీలు అద‌నం. ఎంత‌కాద‌న్నా.. 20-25 ఐట‌మ్స్‌కు మించి ఉండ‌వు. కానీ, గోదారోళ్లు ఆతిథ్యం అలా ఆషామాషీగా ఉండ‌దుగా. అస‌లే సంక్రాంతి. కాబోయే అల్లుడు ఇంటికొచ్చె. ఇక ఆ వంట‌కాలు మామూలుగా ఉంటాయా చెప్పండి. విందు భోజ‌నంతో వెర్రెత్తించింది ఓ కుటుంబం. 
అదో క‌న్వెన్ష‌న్. పెళ్లిళ్లు, ఫంక్ష‌న్లు జ‌రిగే ఫంక్ష‌న్ హాల్‌. మామూలుగా అయితే ఇంతే. కానీ, అది వైసీపీ నేత‌, మంత్రి కొడాలి నానికి చెందిందైతే అంత రొటీన్‌గా ఎందుకుంటుంది. కొడాలి నోరులానే.. గుడివాడ కె క‌న్వెన్ష‌న్‌ను గ‌బ్బు  గ‌బ్బు చేసేశారు. గుడివాడ‌కు గోవా క‌ల్చ‌ర్‌ను తీసుకొచ్చారు. సంక్రాంతి సంద‌ర్బంగా.. మందు, చిందు, జూదంతో ర‌చ్చ రంబోలా చేస్తున్నార‌ని అంటున్నారు. 
ఒమిక్రాన్ ఎరియంట్’గా కరోనా మహమ్మారి  మళ్లీ విజృంభిస్తున్న నేపద్యంలో రాష్ట్రంలో కఠిన ఆంక్షలు విధించేందుకు తెలంగాణ ప్రభుత్వం సిద్ధం అవుతున్నట్టుగా అధికార వర్గాల సమాచారం. ఓ వంక కేంద్ర ప్రభుత్వం, స్థానిక పరిస్థితుల అదారంగా అవసరమైన మేరకు ఆంక్షలు విధించాలని, రాష్ట్ర ప్రభుత్వాలకు సూచించింది.అదే సమయంలో ఆర్థిక, ఉపాథి కార్యక్రమాలు దెబ్బ తినకుండా, సామాన్యుల జీవనోపాధికి సమస్యలు లేకుండా  చర్యలు ఉండాలని సూచించింది. ఈ నేపధ్యంలో, కరోనా కట్టడిలో తొలి చర్యగా తెలంగాణ ప్రభుత్వం వైద్య, ఆరోగ్య శాఖ సలహా మేరకు అన్ని విద్యాలయాలకు ఈనెల 30వ తేదీ వరకు సెలవులు ప్రకటించింది. తాజా పరిస్థితులపై ముఖ్యమంత్రి కేసీఆర్‌తో చర్చించిన ప్రభుత్వ ప్రధాన కార్యదర్శి సోమేశ్‌కుమార్ విద్యా సంస్థల సెలవులను పొడిగిస్తూ కీలక ప్రకటన చేశారు.
మెగాస్టార్ చిరంజీవి క్లారిటీ ఇచ్చారు. రాజకీయాలనుంచి తాను పూర్తిగా వైదొలిగినట్లు ప్రకటించారు. ఆంధ్ర ప్రదేశ్ ముఖ్యమంత్రి, వైసీపీ అధ్యక్షుడు జగన్మోహన్ రెడ్డి తనకు రాజ్య  సభ టికెట్ ఆఫర్ చేశారని, అందుకు తాను అంగీకరించినట్లు జరుగుతున్న ప్రచారంలో ఎంతమాత్రం వాస్తవం లేదన్నారు.
దేశ వ్యాప్తంగా కొవిడ్ -19 వ్యాక్సినేషన్ కార్యక్రమాన్ని ప్రారంభించి నేటికి సరిగ్గా ఏడాది పూర్తవుతుంది. గత సంవత్సరం ఇదే రోజున  దేశంలో వ్యాక్సినేషన్ కార్యక్రమాన్ని ప్రధానమంత్రి నరేంద్రమోదీ లాంచనంగా ప్రారంభించారు. ఈ సందర్భంగా ప్రధానమంత్రి మాట్లాడుతూ.. చరిత్రలో ఈ రకమైన అత్యంత భారీ వ్యాక్సినేషన్ కార్యక్రమం ఇంతకుముందు ఎప్పుడు లేదని తెలిపారు.
బాల‌య్య జోష్ అన్‌స్టాప‌బుల్‌. రీల్ లైఫ్‌లోనే  కాదు.. రియ‌ల్ లైఫ్‌లోనూ బాల‌య్య ఎన‌ర్జీ, ఎంజాయ్‌మెంట్ అన్‌స్టాప‌బుల్‌. మామూలుగానే అఖండ జోరు మామూలుగా ఉండ‌దు. అలాంటిది త‌న‌కిష్ట‌మైన‌ సంక్రాంతి పండ‌గంటే.. ఇక శాత‌క‌ర్ణి ఆగుతారా.. అందుకే అక్కింట్లో తెగ ఎంజాయ్ చేస్తున్నారు. కారంచేడులో బాల‌కృష్ణ సంక్రాంతి వేడుక‌లను ఓ రేంజ్‌లో సెల‌బ్రేట్ చేసుకుంటున్నారు. 
ఆర్మీ జ‌వాన్లు సిన్సియ‌ర్‌గా ఉంటారు. ప్రాణాలు పోయినా త‌ప్పుడు ప‌నులు చేయ‌ర‌ని అనుకుంటారు. అయితే, అంద‌రు ఆర్మీ వాళ్లూ ఒకేలా ఉండ‌రు. అందులోనూ కొంద‌రు వెద‌వ‌లు ఉంటారు. అలాంటి ఓ ఆర్మీ సోల్జ‌ర్‌.. ఓ భారీ మోసానికి పాల్ప‌డ్డారు. స్టాక్ మార్కెట్లో పెట్టుబ‌డులు పెట్టి 50 కోట్లు అప్పుల పాల‌య్యాడు. ఆ అప్పుల నుంచి బ‌య‌ట‌ప‌డేందుకు.. ఆర్మీ ముసుగులో ఏకంగా 125 కోట్లు దోచేశాడు. విదేశాల‌కు పారిపోవాల‌నుకున్నాడు. అంత‌లోనే  ఆ ఆర్మీ ఆఫీస‌ర్ బండారం బ‌య‌ట‌ప‌డ‌టంతో.. వాడి ఖేల్‌ ఖ‌తం. ఇంత‌కీ ఏం జ‌రిగిందంటే...
వైసీపీ ఎమ్మెల్యే అంబ‌టి రాంబాబు క‌రోనా బారిన ప‌డ్డారు. జ‌లుబు, ఒళ్లు నొప్పులు ఉండ‌టంతో.. కొవిడ్ టెస్ట్ చేయించుకుంటే పాజిటివ్ వ‌చ్చింద‌ని అంబ‌టి సెల్ఫీ వీడియో రిలీజ్ చేశారు. తాను క్వారంటైన్‌కు వెళుతున్నాన‌ని.. త‌న‌ను క‌లిసిన వారు జాగ్ర‌త్త‌గా ఉండాల‌ని సూచించారు.
తెలంగాణ స‌ర్కారు సంచ‌ల‌న నిర్ణ‌యం తీసుకుంది. రాష్ట్రంలో విద్యాసంస్థ‌ల‌కు సెల‌వులు పొడిగించింది. క‌రోనా కేసులు భారీగా పెరుగుతుండ‌ట‌మే ఇందుకు కార‌ణం.    
ఖాకీలు రెచ్చిపోయారు. టీడీపీ వారిపై విరుచుకుప‌డ్డారు. పై నుంచి ఆర్డ‌ర్స్ వ‌చ్చాయో ఏమో.. ఓ రేంజ్‌లో కుమ్మేశారు. ప్రజాస్వామ్య‌యుతంగా ఆందోళ‌న చేయ‌డ‌మే టీడీపీ శ్రేణులు చేసిన త‌ప్పు. అంతే. పోలీసులు ప‌సుపుద‌ళంపై దండ‌యాత్ర చేశారు. మీద‌ప‌డి దాడి చేశారు. పోలీసుల ఓవ‌రాక్ష‌న్ ఇప్పుడు ఓ టీడీపీ నేత ప్రాణాల మీద‌కు వ‌చ్చింది. 
విరాట్ కోహ్లీ సంచ‌ల‌న నిర్ణ‌యం తీసుకున్నారు. టెస్ట్ క్రికెట్ కెప్టెన్సీకి బై బై చెప్పేశారు. ఇప్ప‌టికే విరాట్ టీ20 ఫార్మాట్ కెప్టెన్సీకి గుడ్‌బై చెప్ప‌గా.. అందుకు రివేంజ్‌గా అన్న‌ట్టు బీసీసీఐ కోహ్లీని వ‌న్డే కెప్టెన్సీ నుంచి ప‌క్క‌కు త‌ప్పించింది. అప్ప‌టి నుంచీ అసంతృప్తిగా ఉన్న విరాట్‌.. తాజాగా ద‌క్షిణాఫ్రికాతో టెస్ట్ సిరీస్ ఓడిపోవ‌డంతో.. ఇక త‌ను టెస్ట్ క్రికెట్ కెప్టెన్సీ నుంచి వైదొలుగుతున్న‌ట్టు సంచ‌ల‌న నిర్ణ‌యం ప్ర‌క‌టించారు. ఈ న్యూస్ ఫ్యాన్స్‌కు నిజంగా షాకింగ్ న్యూసే. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.