గణేష్ నిమజ్జన శోభాయాత్రలో అపశ్రుతి చోటు చేసుకుంది.  ఖైరతాబాద్‌  మహాగణపతి శోభాయాత్ర సాగుతుండగా ప్రమాదవశాత్తూ వాహనం కింద పడి ఓ యువకుడు మరణించాడు.  శుక్రవారం (సెప్టెంబర్ 25) ఉదయం ఖైరతాబాద్ జంక్షన్ పరిసర ప్రాంతంలో మహాగణపతి శోభాయాత్ర  సాగుతున్న సమయంలో ఈ ప్రమాదం జరిగింది. 

ఊరేగింపులో భాగంగా భారీ విగ్రహాన్ని తరలిస్తున్న ట్రాన్స్‌పోర్టర్   వాహనం సమీపంలో ఓ ఇరవై ఏళ్ల యువకుడు ప్రమాదవశాత్తు  వాహనం కింద పడిపోయాడు. అక్కడున్న వారు గమనించి, స్పందిం చేలోపే ఆ యువకుడి పైనుంచి వాహనం దూసుకెళ్లడంతో  తీవ్రంగా గాయపడి మరణించాడు. సమాచారం అందుకున్న  పోలీసులు సంఘటనా స్థలానికి చేరుకుని పరిస్థితిని సమీక్షించారు. మృతదేహాన్ని  పోస్టుమార్టం నిమిత్తం ఆసుపత్రికి తరలించారు. ఈ దుర్ఘటనపై కేసు నమోదు చేసుకున్న పోలీసులు  దర్యాప్తు ప్రారంభించారు.  

[Khairatabad tragedy, Ganesh immersion accident, Hyderabad procession, Khairatabad Ganesh procession, 20yearold youth die, Telugu One]