ఆంధ్ర‌ప్ర‌దేశ్ లో గ‌త ఐదేళ్లుగా నేషనల్ అగ్రికల్చర్ మార్కెట్ (ఇ-నామ్) ప్లాట్ ఫామ్ లో న‌మోదైన  ప్ర‌తి మండీలో ఎంత పంట అమ్ముడుపోయింది? ఎంత వ్యాపారం జ‌రిగిందనే అంశంపై విజ‌య‌వాడ ఎంపి కేశినేని శివ‌నాథ్ కేంద్ర వ్యవసాయ, రైతుల సంక్షేమ స‌హాయ మంత్రి రామనాథ్ ఠాకూర్ ను ప్ర‌శ్నించారు. ఎంపి కేశినేని శివ‌నాథ్ ఈ ప్ర‌శ్న‌ను కర్నూలు ఎంపి బస్తిపాటి నాగరాజు తో క‌లిసి అడిగారు.

 ఆంధ్రప్రదేశ్ రాష్ట్రంలో ప్రస్తుతం నేషనల్ అగ్రికల్చర్ మార్కెట్ (ఇ-నామ్) కింద నమోదైన లబ్ధిదారులు,  మండీలు, వివ‌రాలు జిల్లాల వారీగా ఇవ్వాల‌ని కోరారు... అలాగే ఎపిలో ఇ-నామ్ ప్లాట్‌ఫాం ద్వారా జిల్లాల వారిగా ఏ ఏడాది ఎంత మంది  రైతులు వ్యవసాయ ఉత్పత్తులను విక్రయించారో ఆ సంఖ్య  తెలియ‌జేయాల‌ని అడిగారు. అదే విధంగా  ఎపిలో   రైతులు ఇ-నామ్ ప్లాట్‌ఫామ్‌ను ఎక్కువగా ఉపయోగించిన ప్రధాన పంటల వివ‌రాలు జిల్లాల వారీగా తెలియ‌జేయాల‌ కోరారు.

దీనికి  కేంద్ర‌ వ్యవసాయ, రైతుల సంక్షేమ శాఖ  మంత్రి రామ్ నాథ్ ఠాకూర్  ఇచ్చిన లిఖిత పూర్వ‌క సమాధానం మేరకు  ఆంధ్రప్రదేశ్‌లో జిల్లా వారీగా రైతులు ఇ-నామ్ ప్లాట్‌ఫామ్‌ను ఎక్కువగా ఉపయోగించిన ప్రధాన పంటలు జిల్లాల వారీగా  చూస్తే క‌ర్నూలు ఎక్కువ‌గా ఉప‌యోగించింది.  కర్నూలు-పత్తి, పల్లీలు, ఆముదం గింజలు, పొద్దుతిరుగుడు గింజ‌లు, మిరప, వాము,  ఉల్లిపాయ, టమోటా, మొక్కజొన్న పంట‌లు వేయ‌టం జ‌రిగింది.  అనకాపల్లి-  బెల్లం, అనంతపురము-బ‌త్తాయి, తరబూజ, చింతపండు, గుంటూరు-పసుపు, మిరప, పత్తి, నిమ్మకాయ,  ఎన్.టి.ఆర్-మిర‌ప పంట‌ల కోసం  ఇ-నామ్ ప్లాట్‌ఫామ్ కోసం ఉప‌యోగించిన‌ట్లు తెలిపారు. అలాగే మిగిలిన జిల్లాలు కూడా ఉప‌యోగించిన‌ట్లు వివ‌రించారు. 

అలాగే గత ఐదేళ్లలో  రాష్ట్రంలో  ఇ-నామ్ ప్లాట్ ఫామ్ ద్వారా  ప్రతి మండీలో విక్రయించిన పంటల వివ‌రాలు, జ‌రిగిన వ్యాపారం విలువ జిల్లాల వారీగా వివ‌రించారు. రాష్ట్ర వ్యాప్తంగా చూస్తే 5,76,70,992.46 క్వింటాళ్ల  అమ్మ‌కం జ‌ర‌గ్గా  41,70,825.01 లక్షల రుపాయలు వ్యాపారం జ‌రిగింద‌ని వివ‌రించారు.