తెలంగాణా జాయింట్ యాక్షన్ కమిటీ చైర్మన్ ప్రొఫెసర్ కోదండరామ్ టి.ఆర్.ఎస్. అధినేత కేసీఆర్ వత్తిడులకు తలొగ్గాడు. టి.జె.ఎ.సి. తరుపున పరకాల ఉప ఎన్నికల్లో టి.ఆర్.ఎస్.కు మద్దతు ప్రకటించారు. మహబూబ్ నగర్ ఎన్నికల సమయంలో తెలంగాణా వాడం పేరు చెప్పి బిజెపికి పట్టంకట్టిన టి.జె.ఎ.సి.పై చంద్రశేఖరరావు ఆగ్రహించారు. తమకు ఉపయోగపడని కోదండరామ్ టి.జె.ఎ.సి.కి చైర్మన్ గా అవసరమో? కాదో తేల్చుకోవాలని కేసీఆర్ కార్యవర్గ సమావేశాన్ని కూడా ఏర్పాటు చేశారు. ఆ సమావేశంలో కోదండరామ్ చైర్మన్ గా కొనసాగటానికి అవసరమైన మద్దతు కూడగట్టు'కోవటం చాలా కష్టమైంది. ఈ నేపథ్యంలో కెసీఆర్ పట్టును గ్రహించిన కోదండరామ్ పదవి దక్కించుకోవాలంటే టి.ఆర్.ఎస్. సహకారం అవసరమని నిర్ణయించుకున్నారు. అనుకున్నదే తడవుగా పరకాల ఉప ఎన్నికలూ రావడంతో ఇక ఏకంగా టి.జె.ఎ.సి.మద్దతును టి.ఆర్.ఎస్. కు ప్రకటించారు. దీనికి తెలివిగా శాస్త్రీయపద్ధతిలో పరకాలలో టి.జె.ఎ.సి. సర్వే చేసిందనీ, ఆ సర్వేలో టి.ఆర్.ఎస్.కు అనుకూలంగా ఓట్లు ఉన్నారనీ, తెలంగాణావాదాన్ని గెలిపించుకునేందుకు టి.జె.ఎ.సి. టి.ఆర్.ఎస్.కు మద్దతు ఇస్తోందనీ వివరించారు. ఈ వివరణ విన్న తరువాత బిజెపి సమావేశం నుంచి బయటికి వచ్చేసి తాము పోటీలోనే కొనసాగుతామని ప్రకటించింది. తెలంగాణా తేవటానికి సామర్థ్యం ఉన్న తమను గెలిపిస్తారో? టి.ఆర్.ఎస్.ను గెలిపిస్తారో ఓటర్లే తెల్చుకున్తారని పేర్కొంది. అంతేకాకుండా టి.జె.ఎ.సి. వైఖరిపై ధ్వజమెత్తింది. అసలు కేసీఆర్ కోసమే కోదండరామ్ శాస్త్రీయత పేరుతొ అశాస్త్రీయమైన సర్వే ఫలితాలు ప్రకటించారని ఆరోపించింది.