ఆలూ లేదు చూలూ లేదు.. అయినా హామీలకు కొదవే లేదు

Publish Date:Sep 16, 2022

Advertisement

ఏ దేశానికీ అయినా ఒకరే ప్రధాని ఉంటారు.. ఒకటే రాజధాని ఉంటుంది. అలాగే ఏ రాష్ట్రానికి అయిన ఒకరే ముఖ్యమంత్రి ఉంటారు. ఒకటే రాజధాని ఉంటుంది. అంతే కానీ, ఏకకాలంలో ఇద్దరు, ముగ్గురు ప్రధానులు ఉన్న దేశం, ఇద్దరు ముగ్గరు ముఖ్యమంత్రులు ఉన్నరాష్ట్రం ఉండవు. అలాగే ఏక కాలంలో రెండు మూడు రాజధానులు ఉన్న దేశాలు రాష్ట్రాలు కూడా ఉండవు. అయితే,ఇప్పడు దేశంలో ఇద్దరు,ముగ్గురు కాదు ఏకంగా ఓ అరడజను మందికి పైగానే, మహా నాయకులు ప్రధాని పదవి కోసం పోటీ పడుతున్నారు. నిజమే,ప్రధాని పదవికి  పోటీ పడడం వరకు అయితే తప్పు కాదు. అందులో అక్షేపించవలసిన విషయం ఉండదు. కానీ, ఒక కూటమిగా కలిసి పోటీచేయాలని అనుకుంటున్న పార్టీల నాయకులు ఎవరికి వారు, ‘నేనే ప్రధాని’ అన్న విధంగా వాగ్దానాలు చేయడం వరకు వచ్చేశారు. అక్కడే చిక్కొచ్చింది.

ఇతర నేతల విషయం ఎలా ఉన్నా  తెలంగాణ ముఖ్యమంత్రి, కేసీఆర్, బీహార్ ముఖ్యమంత్రి నితీష్ కుమార్’ ఇద్దరికిద్దరూ ఏమి కలలు కంటున్నారో ఏమో కానీ, పోటాపోటీగా వాగ్దానాలు చేసేస్తున్నారు. అయితే, ఆలు లేదు చూలు లేదు, కొడుకు పేరు సోమలింగం, అన్నట్లుగా ఎవరికి వారు ఇలా  ప్రధాని కిరీటం పెట్టేసుకుంటే, అసలుకే మోసం చేసేవిధంగా ఉందని రాజకీయ పండితులు హెచ్చరిస్తున్నారు. 
తెలంగాణ ముఖ్యమంత్రి, తెరాస అధ్యక్షుడు కే. చంద్రశేఖర రావు విషయాన్నే తీసుకుంటే  2024 ఎన్నికల తర్వాత కేంద్రంలో వచ్చేది, ‘మన’ ప్రభుత్వమే అని ఆయన ఇప్పటికే ప్రకటించారు. పార్టీ వేదికలనుంచే కాదు, పబ్లిక్ మీటింగులలో అదే ధీమా వ్యక్త పరుస్తున్నారు. అయితే ఆ ‘మనం’ లో ఎవరెవరు ఉన్నారో, ఎవరు లేరో మనకు తెలియదు, కానీ, ఆయన మాత్రం తెరాస శ్రేణులను ఉద్దేశించే ఈ ప్రకటన చేశారు. అంటే, తెరాస లేదంటే ఇంకా పుట్టని జాతీయ పార్టీ, బీఆర్ఎస్ అధికరంలోకి వస్తుందనేది ఆయన ఆలోచనో ఏమో, కానీ, ఉచిత వరాల జల్లు అయితే మొదలైంది. కేంద్రంలో, ‘మన’ ప్రభుత్వం రాగానే, దేశంలోని రైతులు అందరికీ, ఉచిత విద్యుత్, రైతు బంధు, రైతు బీమా ఇత్యాది ఉచితాలన్నీ ఇచ్చేస్తామని ప్రకటించారు.

అంతే కాదు, దేశం మొత్తంలో తెలంగాణ మోడల్ పాలన అందిస్తామని హామీ ఇచ్చారు.అంటే రాబోయే రోజుల్లో కాబోయే ప్రదాని తానే నని చెప్పకనే చెప్పారు. అయితే, ఇంతవరకు  జాతీయ రాజకీయాలో ఆయన పోషించే పాత్రపై ఆయన సంగతి ఏమో కానీ, తెరాస శ్రేణులు సహా ఏ ఒక్కరికీ ఎలాంటి స్పష్టత లేదు. జాతీయ పార్టీ పెడతారా, ప్రాతీయ పార్టీల జాతీయ కూటమిని ఏర్పాటు చేస్తారా లేక నలుగురిలో  నారాయణ గుంపులో గోవింద అన్నట్లుగా, జాతీయ పార్టీల ప్రాంతీయ కూటమిలో చేరతారా? ఏమి చేస్తారు? ఎటు పోతారు ? జాతీయ రాజకీయాల్లో అయన పోషించే పాత్ర ఏమిటి? ఇలా జవాబు లేని ప్రశ్నలు, ఎన్నో.. అయినా, ఆలు లేదు చూలు లేదు , కొడుకు పేరు సోమలింగం, అన్నట్లుగా, కేసీఆర్  జాతీయ నేతగా ప్రచారం చేసుకుంటున్నారు.పట్టుమని పది మంది ఎంపీలు లేక పోయినా, తానే కాబోయే ప్రధాని అనే ధీమాతో, దేశ ప్రజలపై వరాల జల్లు కురిపితున్నారు. 

కేసీఆర్ కథ ఇలా ఉంటే, బీహార్ ముఖ్యమంత్రి, జేడీయూ అధినేత నితీష్ కుమార్’ కుమార్, మరో అడుగులు ముందుకేశారు. 2024 ఎన్నికల్లో పీఎం కుర్చీలో కూర్చోగానే,బీహార్‌తో సహా వెనుకబడిన రాష్ట్రాలన్నింటికీ ప్రత్యేక హోదా కల్పిస్తామని వాగ్దానం చేశారు. అంతే కాదు, కేసీఆర్ కంటే ఇంకా ఎక్కవ భరోసాతో, వెనక బడిన రాష్ట్రాలకు ప్రత్యేక హోదా ఇవ్వక పోవడానికి ప్రత్యేక కారణం ఏదీ లేదని కూడా నితీష్ కుమార్ సెలవిచ్చారు. 

అయితే, నిజానికి, నితీష్ కుమార్ ఇటీవల ఢిల్లీలో గడప గడపకు వెళ్లి దండాలు పెట్టుకుని వచ్చిన సందర్భంలో, అన్ని పార్టీల నాయకులను కలిసిన సమయంలో, తాను ప్రధాన మంత్రి రేసులో లేనని ప్రకటించారు. బీజేపే యేతర పార్టీలను ఏకం చేసి, మోడీని ఓడించడమే తమ లక్ష్యమని ప్రకటించారు. కానీ, ఇప్పడు ఏకంగా, ఏక పక్షంగా, కీలక వెనకబడిన రాష్ట్రాలకు  చేశారు. అంటే ఒక విధంగా తానే ప్రతిపక్షాల ప్రధాని అభ్యర్ధినని డిక్లేర్ చేశారు.

ఇలా ఓ వంక కేసీఆర్, మరో వంక నితీష్, ఈ పక్క నుంచి మమతా బెనర్జీ, ఆ వైపు నుంచి కేజ్రీవాల్, ఇటు పవార్, అటు మాయ ఈ అందరినీ మించి, పార్టీని పణంగా పెట్టి మరీ భారత్ జోడో యాత్రా చేస్తున్న కాంగ్రెస్ అగ్రనేత రాహుల్ గాంధీ .. ఇలా ఎవరికీ వారు ఎవరి ఎజెండాతో వారు ముందుకు పోతున్నారు. అందుకే రాజకీయ పండితులు ప్రతిపక్షలా ఈ అనైక్యతే బీజేపీకి శ్రీరామ రక్షా.. అంటున్నారు.

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.