హ‌రీశ్‌ను తెగ పొగిడేసిన కేసీఆర్.. అంతలో ఇంత మార్పు ఎలా వచ్చింది?

Publish Date:Feb 23, 2022

Advertisement

తెలంగాణ ముఖ్యమంత్రి, కేసేఆర్, కాళేశ్వరం ప్రాజెక్టులో అంతర్భాగంగా నిర్మించిన కొమురవెల్లి మల్లన్నసాగర్‌ ప్రాజెక్ట్‌ను ప్రారంభించారు. 50 టీఎంసీల సామర్థ్యంతో నిర్మించిన మల్లన్న సాగర్ అతిపెద్ద జలాశయం. అనేక వివాదాల నడుమ పూర్తయిన ప్రాజెక్టును ముఖ్యమంత్రి జాతికి అంకితం చేశారు. 

ఈ సందర్భంగా ముఖ్యమంత్రి కేసేఆర్ బహిరంగ సభలో మాట్లాడుతూ మల్లన్నసాగర్‌ను ప్రారంభించడం సంతోషంగా ఉందన్నారు. తెలంగాణ ప్రజలు హర్షించదగ్గ ఘట్టం ఇదని అన్నారు. ప్రాజెక్టులను అడ్డుకోవాలని చాలా మంది ప్రయత్నించారని, ఆ కుట్రలను చేధించామన్నారు. ఇంజనీర్లు కూడా భయపడకుండా పనులు చేశారని.. ఈ సందర్భంగా వారిని అభినందిస్తున్నానని కేసీఆర్ అన్నారు. మంత్రి హరీష్ రావును మరీ మరీ పొగడ్తలతో ముంచెత్తారు. ముఖ్యమంత్రి, హరీష్ రావు పేరు ప్రస్తావించిన ప్రతి సందర్భంలోనోనూ హరీష్ రో వినయంగా లేచి నిలబడి, దండాలు పెట్టుకున్నారు. 

ఆలాగే, మల్లన్న సాగర్ ప్రాజెక్టును తెలంగాణ జల హృదయ సాగర్‌ మన్నారు. మల్లన్నసాగర్‌తో మంచినీటి సమస్య పరిష్కారం కావడమే కాకుండా, మత్స్య, పాడి పరిశ్రమ అభివృద్ధి చెందుతుందన్నారు. పనిలో పనిగా ప్రతిపక్షాలను విమర్శించారు. ప్రాజెక్టులపై కనీస పరిజ్ఞానం లేని పార్టీలు విమరిస్తున్నాయని మండిపడ్డారు. అలాగే, జాతీయ రాజకీయాల ప్రస్తవన తీసుకొచ్చారు.దేశంలో దుర్మార్గమైన పనులు జరుగుతున్నాయని పరోక్షంగా కేంద్ర ప్రభుత్వంపై విమర్శలు గుప్పించారు. ప్రధాని మోడీ పేరే కాదు, ప్రాజెక్టుకు అడ్డుపడ్డాయని విమర్శించిన ప్రతిపక్షాల పేరు కూడా తీసుకోలేదు. అంతే కాదు, ప్రతిపక్ష పార్టీల పేరు తెసుకోనని, చెప్పుకొచ్చారు.

అయితే, సుమారు 45 నిముషాల సేపు చేసిన ప్రసంగంలో, ఎక్కడా పెద్దగా కేసీఆర్ మార్క్ కనిపించలేదు. వినిపించలేదు. వేదికేమీద ఉన్నవారే కాదు, కేసేఆర్ ప్రసంగాన్ని టీవీలలో చూసిన వారికి కుడా నిజంగా, మాట్లాదుతోంది కేసేఆరే’నా అనే అనుమానం వచ్చే విధంగా ఆయన స్వరం మారిపోయింది. అందుకే ముఖ్యమంత్రి ప్రసంగం ఆశ్చర్య పరిచే విధంగా  ఉందని అంటున్నారు. మొత్తంగా చూస్తే, కేసీఆర్’ హుజూరాబాద్ షాక్ నుంచి కొంచెం బయట పడినట్లుగా, చాలా వరకు పాజిటివ్ లైన్’లో ఆయన ప్రసంగం సాగింది. అయితే  ఈ మార్పుకు కారణం ఏమిటనేది మాత్రం అంతు చిక్కని ప్రశ్నగా మిగిలింది. 

అలాగే, మల్లన్న సాగర్ వేదిక నుంచి కేసేఆర్ చేసిన ప్రసంగంలో ముఖ్యంత్రి ప్రాజెక్ట్  నిర్మాణంలో భాగస్వాములు అయిన ప్రతి ఒక్కరికీ పేరు పేరునా అభినందనలు తెలిపారు. కృతజ్ఞలు తెలిపారు. అందరి కంటే, మంత్రి హరీష్ రావును కొంచెం ఎక్కువగా పొగిడారు. అప్పట్లో ఇరిగేషన్ మంత్రిగా ఉన్న హరీష్ రావు వల్లనే ప్రాజెక్ట్ సాకారమైందని  మెచ్చుకున్నారు. అవినీతికి ఆస్కారం లేకుండా హరీష్ రావు కడుపు కట్టుకుని పని చేశారని అన్నారు. కాంట్రాక్టర్లనూ హరీష్ రావు ప్రోత్సహించారని, మరో పొగడ్తను యాడ్ చేశారు.

ముఖ్యమంత్రి, ఇలా హరీష్ రావును అకాశానికి ఎత్తేయడం విషయంలోనూ కొందరు ఆశ్చర్యం వ్యక్త పరుస్తున్నారు. ఇంకొందఋ అనుమానాలను వ్యక్త పరుస్తున్నారు. నిజానికి, హరీష్ రావు ఇరిగేషన్ మంత్రిగా ఉన్న రోజుల్లోనే,  కాళేశ్వరం, అలాగే, ముఖ్యమంత్రి తమ ప్రసంగంలో పేర్కొన్నఇతర ఇరిగేషన్ ప్రాజెక్టుల పనులు ప్రారంభమయ్యాయి. అయినా, 2019 జూన్ 20 న జరిగిన కాళేశ్వరం ప్రాజెక్ట్  ప్రారంభోత్సవానికి, హరీష్ రావు కు ఆహ్వానం అందలేదు. ఏపీ సీఎం జగాన్మోహన్ రెడ్డి, మహారాష్ర ఆపత్తి ముఖ్యమంత్రి దేవేంద్ర ఫండవీస్ ఇతర ప్రముఖులు పాల్గొన్న ఆ కార్యక్రమలో ఇరిగేషన్ శాఖ మాజీ మంత్రి (అప్పటికి అయన మంత్రి కాదు) హరీష్ రావుకు ఆహ్వానం లేదు.   

అప్పట్లో రాజకీయ వర్గాల్లో అదొక చర్చనీయాంశమైంది. హరీష్ రావు ఎక్కడ? అని విపక్షాలు ప్రశ్నించాయి. ఎక్కిరించాయి. అవహేళన చేశాయి. మీడియాలో చర్చలు జరరిగాయి. హరీష్ రావు కూడా బావోద్వేగానికి గురయ్యారని’ కన్నీళ్ళు పెట్టుకున్నారని అప్పట్లో వార్తలొచ్చాయి. అఫ్కోర్స్, హరీష్ ఎక్కడా బహిరంగంగా తమ బాధను వ్యక్తం చేయలేదు.. అయినా.. ఆరోజు .. ఆయన బాధపడి ఉంటారు, అందులో సందేహం లేదు. నిజానికి అదిప్పుడు విషయం కాదు ,కానీ, అప్పుడు అలా అవమానించిన కేసీఆర్ .. ఇప్పడు ఇలా నెత్తికి ఎత్తుకోవడం.. లో మర్మమేంటి .. ఇదీ ఇప్పుడు రాజకీయ వర్గాల్లో జరుగతునం చర్చ ..దాల్ మే కుచ్ కాలా హై క్యా ...?

By
en-us Political News

  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.