ఆంధ్రప్రదేశ్ రాజకీయంలో గత కొన్ని నెలలుగా తీవ్ర సంచలనం సృష్టిస్తున్న ముంబై నటి కాదంబరి జత్వాని వ్యవహారంలో సీఐడీ దాఖలు చేసిన తాజా చార్జ్‌షీట్ అనూహ్య మలుపు తిరిగింది. కూటమి ప్రభుత్వం అధికారంలోకి వచ్చిన కొత్తలో, గత వైఎస్సార్ కాంగ్రెస్ పార్టీ హయాంలో జరిగిన అక్రమాలు మరియు వేధింపులను ఎండగట్టేందుకు ఈ కేసును ప్రధానంగా ఎంచుకుంది. జత్వాని ఫిర్యాదు ఆధారంగా సీనియర్ ఐపీఎస్ అధికారులు పీఎస్ఆర్ ఆంజనేయులు, కాంతిలాల్ డాండే, విశాల్ గున్నీలను సస్పెండ్ చేయడంతో పాటు, వైసపీ నాయకుడు కుక్కల విద్యాసాగర్‌ను అరెస్ట్ చేసి జైలుకు పంపారు.  ఈ అంశంపై సీనియర్ జర్నలిస్ట్ వడ్డే వెంకటేశ్వరరావు మరో సీనియర్ జర్నలిస్ట్ భరద్వాజ మధ్య ఆసక్తికర విశ్లేషణ టోన్‌ న్యూస్‌లో  జరిగింది.

అయితే, ఇప్పుడు సీఐడీ కోర్టుకు సమర్పించిన చార్జ్‌షీట్‌లో జత్వాని స్వయంగా రూ. 1.32 కోట్లు డిమాండ్ చేసి బ్లాక్‌మెయిలింగ్‌కు, హనీట్రాప్ తరహా చర్యలకు పాల్పడిందని పేర్కొనడం తీవ్ర కలకలం రేపింది. జగన్మోహన్ రెడ్డి ప్రభుత్వాన్ని, పోలీసు యంత్రాంగాన్ని విమర్శించడానికి కూటమి ప్రభుత్వం ఉపయోగించిన ఆయుధమే ఇప్పుడు ప్రభుత్వ క్రెడిబిలిటీని తీవ్రంగా ప్రశ్నించే స్థాయికి చేరింది.

ప్రభుత్వం ప్రారంభంలో జత్వానికి అత్యున్నత స్థాయి ప్రోటోకాల్ కల్పించి, వైసపీ హయాంలో అన్యాయం జరిగిందనే కథనాన్ని ప్రజల్లోకి తీసుకెళ్లే వ్యూహాన్ని అమలు చేసింది. హోం మంత్రి వంగలపూడి అనిత మరియు జనసేన అధినేత పవన్ కళ్యాణ్ కూడా ఈ కేసులో వేగవంతమైన చర్యలకు మద్దతు ఇచ్చారు. వైసపీ నేతలను, సజ్జన్ జిందాల్‌తో ఉన్న సంబంధాలను టార్గెట్ చేస్తూ రాజకీయ పైచేయి సాధించడమే లక్ష్యంగా సాగారు.

అయితే, న్యాయపరమైన సాక్ష్యాధారాల ఆధారంగా దర్యాప్తు పూర్తికాకుండానే, రాజకీయ ప్రచారం కోసం అత్యుత్సాహం ప్రదర్శించడం వల్ల ఈ వ్యూహం మిస్‌ఫైర్ అయిందని విశ్లేషకులు అభిప్రాయపడుతున్నారు. సీఐడీ చార్జ్‌షీట్ ప్రకారం జత్వాని ప్రవర్తనే వివాదాస్పదంగా మారడంతో, గతంలో పోలీసు అధికారులపై తీసుకున్న కఠిన చర్యలు సబబేనా అనే ప్రశ్నలు ఎదురవుతున్నాయి. ప్రతిపక్ష వైఎస్సార్ కాంగ్రెస్ పార్టీ ఈ పరిణామాన్ని తనకు అనుకూలంగా మలుచుకుంటూ, కూటమి ప్రభుత్వం తమపై కుట్రపూరితంగా కేసులు బనాయిస్తోందని తిరిగి ఎదురుదాడికి దిగింది. ఇలాంటి అంశాలపై  పూర్తి చర్చను టోన్ న్యూస్ యూట్యూబ్ ఛానల్‌లో తప్పక వీక్షించండి.

Kadambari Jethwani Case, CID Charge Sheet Jethwani,  AP Politics, CM Chandrababu, Pawan Kalyan,  Anjaneyulu IPS, Kukkala Vidyasagar, AP CID Investigation, AP Political Strategy