వివేక హంత‌కులపై కుట్ర జ‌రుగుతోందా? మొద్దు శ్రీనులానే క‌డ‌ప‌ జైల్లో స్కెచ్ వేశారా?

Publish Date:Feb 10, 2022

Advertisement

కడపలోని కేంద్ర కారాగారంలో ఊహించరాని సంఘటన ఏదైనా జరగబోతోందా? గతంలో అనంతపురం జిల్లా జైలులో జరిగిన మాదిరిగానే కడప సెంట్రల్ జైలు కూడా మరో సంచలనానికి వేదికగా మారబోతోందా? అనే అనుమానాలు వ్యక్తం అవుతున్నాయి. కడప సెంట్రల్ జైలు ఇన్ ఛార్జి సూపరింటెండెంట్ గా పోచా వరుణారెడ్డి బాధ్యతలు చేపట్టడమే ఈ అనుమానాలకు అవకాశం ఇస్తోందని అంటున్నారు. గతంలో టీడీపీ నేత, మాజీ మంత్రి పరిటాల రవీంద్ర హత్య కేసులో ప్రధాన నిందితుడు మొద్దు శ్రీను అనంత‌ జిల్లా జైలులో ఉన్నప్పుడు దారుణ హత్యకు గురయ్యాడు. ఆ సమయంలో అదే జైలులో ఇన్ చార్జి సూపరింటెండెంట్‌గా పోచా వరుణారెడ్డి ఉన్నారు. అదే వరుణారెడ్డిని ఇప్పుడు కడప సెంట్రల్ జైలుకు ఇన్ చార్జి సూపరింటెండెంట్ గా వైసీపీ సర్కార్ నియమించడంతో అనుమానం రాజుకుంటోంది.

పోచా శ్రీనివాసరెడ్డి కడప సెంట్రల్ జైలు ఇన్ చార్జి సూపరింటెండెంట్ గా ఉంటే ఏదో అనూహ్య సంఘటన ఎందుకు జరుగుతుందనే సందేహం రావచ్చు. ఏపీ సీఎం జగన్ రెడ్డి బాబాయ్, మాజీ ఎంపీ వైఎస్ వివేకానందరెడ్డి హత్య కేసులో నిందితులు దేవిరెడ్డి శంకర్ రెడ్డి, సునీల్ యాదవ్, గజ్జల ఉమాశంకర్ రెడ్డి ఇప్పుడు కడప సెంట్రల్ జైలులోనే రిమాండ్ ఖైదీలుగా ఉన్నారు. వారు ఉంటే.. ఏమవుతుందని అనుకోవచ్చు. అనంతపురం జిల్లా జైలు ఇన్చార్జి సూపరింటెండెంట్ గా వరుణారెడ్డి ఉన్నప్పుడు జైలు బ్యారక్ లోనే మొద్దు శీను హత్య జరిగింది. ఆ సమయంలో వరుణారెడ్డిపై పలు ఆరోపణలు వచ్చాయి. మొద్దు శీను హత్యకు పక్కా ప్లాన్ ప్రకారమే జైలులో ఏర్పాట్లు జరిగాయనే ఆరోపణలు వచ్చాయి.

వైఎస్ వివేకానందరెడ్డి హత్య వెనుక పెద్ద తలకాయలే ఉన్నాయనే ఆరోపణలు ఉన్నాయి. అలాంటి అనుమానాలు వ్యక్తం చేసిన వారిలో వివేకానందరెడ్డి కుమార్తె సునీతారెడ్డి కూడా ఉన్నారు. తన తండ్రి హత్య కేసులో నిజాలు నిగ్గు తేల్చాలంటూ ఆమె కడప నుంచి ఢిల్లీ స్థాయి వరకూ పోరాడుతూనే ఉన్నారు. న్యాయపోరాటమూ చేస్తున్నారు. వివేకా హత్య కేసులో దేవిరెడ్డి శంకర్ రెడ్డి, సునీల్ యాదవ్, గజ్జల ఉమాశంకర్ రెడ్డి నిందితులుగా సీబీఐ పేర్కొని అరెస్ట్ చేసినప్పటికీ వారి వెనక సొంత ఫ్యామిలీలోని ముఖ్యుల హస్తం కూడా ఉండొచ్చనే ఆరోపణలు, అనుమానాలు ఉన్నాయి. వివేకా హత్య కేసులో నిజాలు నిగ్గుతేలి, ప్రధాన సూత్రధారుల బండారాన్ని సీబీఐ త్వరలో బయటపెట్టే అవకాశమూ లేకపోలేదు.

ఈ నేపథ్యంలోనే వివేకా హత్య కేసులో నిజాలు ఎప్పటికీ బయటికి రాకుండా చేసే కుట్ర ఏదో జరగబోతోందనే అనుమానాలు వ్యక్తం అవుతున్నాయి. ఏదైనా ఒక సంచలన హత్య జరిగినప్పుడు ఆ కేసులో ఆరోపణలు ఎదుర్కొంటున్న వారి అనూహ్యంగా హతమైపోతున్న సంఘటలు గతం నుంచీ జరుగుతుండడం ఈ అనుమానాలకు తావిస్తోంది.

పరిటాల రవి హత్య కేసు తుది దశకు చేరుకున్న దశలో అప్రూవర్ గా మారుతున్నట్లు మొద్దు శీను అప్పట్లో ప్రకటించాడు. అలా మొద్దు శీను ప్రకటించిన కొద్ది రోజుల్లో అంటే 2008 నవంబర్ 9న హత్యకు గురయ్యాడు. జైలు బ్యారక్ లోనే మొద్దు శీను హత్య జరిగిన తర్వాత పోచా వరుణారెడ్డిని ప్రభుత్వం సస్పెండ్ చేసింది. మొద్దు శీను హత్య కేసులో నిందితుడు ఓం ప్రకాశ్ అప్పట్లో ఆ జైలులోని సరస్వతి 2 బ్యారక్ లో ఉండేవాడు. ఓం ప్రకాశ్ వద్ద డబ్బు ఉందనే అనుమానంతో సరస్వతి 2 బ్యారక్ ను వరుణారెడ్డి సోదా చేశారు. డబ్బు దొరకలేదు. తర్వాత మొద్దు శీను ఉండే యమునా బ్యారక్ లోకి ఓం ప్రకాశ్ ను మార్చారు. అందుకు మొద్దు శీను అభ్యంతరం చెప్పినా పట్టించుకోలేదనే ఆరోపణలు ఉన్నాయి. ఆ తర్వాతే మొద్దు శీను హత్య జరిగింది. మొద్దు శీను బ్యారక్ లోకి ఓంప్రకాశ్ ను వరుణారెడ్డి ఉద్దేశపూర్వకంగానే మార్చారంటూ పరిటాల రవి హత్య కేసులో మరో నిందితుడు పటోళ్ల గోవర్ధన్ రెడ్డి అనంతపురం జిల్లా జడ్జికి అప్పట్లో లేఖ రాశాడు. పరిటాల రవి హత్య కేసులో తర్వాత నిర్దోషిగా విడుదలైన పటోళ్ల గోవర్ధన్ రెడ్డి కూడా హైదరాబాద్ నడిబొడ్డున బొగ్గులకుంటలో హత్యకు గురైన విషయం ఇక్కడ ప్రస్తావించదగ్గ అంశం.

మొద్దు శీను హత్య జరిగిన రోజున అనంతపురం జిల్లా జైలు సూపరింటెండెంట్ సెలవులో వెళ్లడం, ఇన్ చార్జి సూపరింటెండెంట్ గా వరుణారెడ్డి వ్యవహరించారు. కడప సెంట్రల్ జైలుకు జైళ్ల శాఖలో సూపరింటెండెంట్ హోదా ఉన్న అధికారిని నియమించాలి. గత సంవత్సరం ఆగస్టు వరకు అదే స్థాయి ఉన్న రవికిరణ్ సూపరింటెండెంట్ గా ఉన్నారు. ఆయనకో ప్రమోషన్ రావడంతో ఇటీవలి వరకూ అదనపు సూపరింటెండెంట్ గన్యా నాయక్ ఇన్ చార్జిగా కొనసాగారు. తాజాగా అదనపు సూపరింటెండెంట్ హోదా ఉన్న వరుణారెడ్డిని కడప సెంట్రల్ జైలు ఇన్ చార్జిగా నియమించడంపై పలువురిలో అనుమానాలు వ్యక్తం అవుతున్నాయి. వైఎస్ వివేకానందరెడ్డి హత్య కేసులో నిజాలు వెలుగు చూడకుండా చేసేందుకు పెద్ద స్థాయిలో ఏదో జరగబోతోందా? అందుకు కడప సెంట్రల్ జైలు వేదిక అవుతుందా? అనే అనుమానాలు వ్యక్తం అవుతున్నాయి.

By
en-us Political News

  
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.