సీనియర్లకి మరో ఛాన్స్!.. కేబినెట్లోకి వాళ్లు రీఎంట్రీ?

Publish Date:Apr 8, 2022

Advertisement

ఆంధ్ర ప్రదేశ్ మంత్రివర్గ పునర్వ్యవస్థీకరణ క్రతువు ప్రారంభమైంది. ముఖ్యమంత్రి జగన్మోహన్ రెడ్డి మంత్రి వర్గంలోని 24 మంది మంత్రులు, ప్రస్తుత మంత్రివర్గం చిట్టచివరి సమావేశంలో రాజీనామా లేఖలు, ముఖ్యమంత్రి చేతిలో పెట్టి వెళ్ళిపోయారు. మనసులో ఏ బాధ, ఏ భావం ఉన్నా, ఎవరికి వారు మరో మాట మాట్లాడకుండా, జేబుల్లో చేతులు పెట్టుకుని మౌనంగా అలా నడుచుకుంటూ వెళ్లి పోయారు.అయితే అక్కడితో అయిపోయిందా? మంత్రులంతా మాజీలై పోయినట్లేనా? మరో మూడు రోజులో కొలువు తీరే కొత్త మంత్రి వర్గంలో మాజీలు ఎవరికి మళ్ళీ ఛాన్స్ దక్కదా, అంటే, అలాగని ఖచ్చితంగా చెప్పే పరిస్థితి లేదు. నిజానికి, ఇంకా ఇప్పటికీ మాజీలలో మళ్ళీ ఎంత మందికి మంత్రి పదవులు దక్కుతాయి? అనే విషయంలో, ఎవరికీ, చివరికి ముఖ్యమంత్రి జగన్ రెడ్డికి కూడా పూర్తి క్లారిటీ లేదనే అంటున్నారు. ఇప్పటికీ ముఖ్యమంత్రి ప్లస్, మైనస్ లెక్కలతో కుస్తీ పడుతున్నారని అంటున్నారు. మరో వంక సీనియర్లు ఎవరి స్టైల్లో వారు, వైల్డ్ కార్డు ఎంట్రీ కోసం ప్రయత్నిస్తున్నారు.  

నిజానికి నిన్న మొన్నటి వరకు మాజీలలో ఒకరిద్దరు మినహా, మిగిలిన ఎవ్వరికీ సెకండ్ ఛాన్స్ ఉండదని, ఈ విషయంలో ముఖ్యమంత్రి చాలా స్పష్టమైన అభిప్రాయంతో ఉన్నారని చెప్పు కొచ్చారు. కానీ, మెల్లమెల్లగా ఆ సంఖ్య పెరుగుతోందని విశ్వసనీయ వర్గాల సమాచారంగా తెలుస్తోంది. ప్రస్తుతానికి అయితే, ఓ పదిమంది పాతకొత్త ముఖాలు మళ్ళీ బుగ్గకారెక్కుతారని అంటున్నారు. ముఖ్యంగా సీనియర్ల విషయంలో ముఖ్యమంత్రి మనసు మార్చుకున్నట్లు చెపుతున్నారు.
 
మంత్రుల పని తీరు, సామాజిక సమీకరణలు, జిల్లాల పునర్వ్యవస్థీకరణ ప్రభావ, ఫలితాల ఆధారంగా ముఖ్యమంత్రి మాజీలకు మళ్ళీ అవకాశం కల్పించే ఆలోచన చేస్తున్నట్లు ప్రచారం జరుగుతోంది. అయితే,  ముఖ్యమంత్రి మనసు మార్చుకోవడానికి, ఇవేవీ కారణం కాదని, మాజీల వత్తిళ్ళకు తలొగ్గే ముఖ్యమంత్రి మనసు మార్చుకున్నారని అంటున్నారు. పాత కొత్త ముఖాలుగా ప్రచారంలో ఉన్న పేర్లలో,పెద్దిరెడ్డి రాంచంద్రారెడ్డి, బొత్స సత్యానారాయణ, కొడాలి నాని,పేర్ని నాని, సీదిరి అప్పలరాజు, చెల్లుబోయిన వేణుగోపాల్‌, గుమ్మనూరు జయరాం, ఆదిమూలపు సురేష్‌,అంజాద్‌ బాషా, తానేటి వనిత ఉన్నట్లు తెలుస్తోంది. 

అయితే, ఇదేదీ కూడా ఫైనల్ కాదని చివరి క్షణం వరకు మార్పులు చేర్పులు, కూడికలు తీసివేతలు కొనసాగుతూనే ఉంటాయని ఒక ప్రచారం జరుగుతోంది. మరో వంక ముఖ్యమంత్రికి  తమ కొత్త బృదం విషయంలో పూర్తి క్లారిటీ ఉందని, అయితే, ఇంకా ఆశ వదులుకోలేని  కొందరు సీనియర్లు కావాలని  ఇలాంటి ప్రచారం చేస్తున్నారనే మాట కూడా వినిపిస్తోంది. చివరకు ఏమి జరుగుతుంది? ఎవరు మంత్రి? ఎవరు మాజీ? తెలుసుకోవాలంటే మరో మూడు రోజులు ఆగక తప్పదు.  

అదలా ఉంటే, ఏకంగా పది మంది మాజీలకు అవకాశం కలిపిస్తే, మూడేళ్ళుగా కలల్లో వత్తులు వేసుకుని మంత్రి పదవి  కోసం కళ్ళు కాయలు కాసేలా ఎదురుచూస్తున్న ఆర్కే రోజా అండ్ కో పరిస్థితి ఏమిటి?అనే చర్చ పార్టీలో జరుగుతోంది. నిజానికి ఒక్క రోజా అని కాదు, తొలి మంత్రి వర్గంలోనే మంత్రి పదవి ఆశించి భంగపడిన ధర్మాన, ఆనం రామ నారాయణ,  తమ్మినేని అంబటి రాంబాబు, కరుణాకర రెడ్డి, చెవి రెడ్డి ఇలా చాలామందే తాజా విస్తరణలోనూ ఆశలు పెట్టుకున్నారు. చివరకు ఎవరి ఆశలు నెరవేరతాయి,ఎవరి కలలు కల్లలవుతాయో.. ఏమో.

 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.