యూపీ రిజ‌ల్ట్స్ విశ్లేష‌ణ‌.. బీజేపీ గెలుపా? విపక్షాల ఓటమా?

Publish Date:Mar 10, 2022

Advertisement

ఐదు రాష్ట్రాల అసెంబ్లీ ఎన్నికలలో, ముఖ్యంగా ఉత్తర ప్రదేశ్’లో బీజేపీ సాధించిన విజయం.. బీజేపీ విజయం కాదు, విపక్షాల ఓటమి. నిజానికి, ఇప్పుడు కాదు, 2019 ఎన్నికలకు ముందునుంచే, విపక్షాలు ముఖ్యంగా కాంగ్రెస్ పార్టీ, నేల విడిచి సాము చేయడం వల్లనే, విపక్షాలకు వరస ఓటములు ఎదురవుతున్నాయి. ఐదు రాష్ట్రాల అసెంబ్లీ ఎన్నికల ఫలితాల విశేషణలను జాగ్రత్తగా గమనిస్తే ఇదే విషయం మరోసారి రుజువవుతుంది. 

ఒకసారి వెనక్కి వెళితే, 2019 లోక్ సభ ఎన్నికలలో కాంగ్రెస్ పార్టీ ప్రధాన అస్త్రాలలో ఒకటి జీఎస్టీ, (దీన్నే రాహుల్ గాంధీ ‘గబ్బర్ సింగ్ టాక్స్’ అని ప్రచారం చేశారు). ఆలాగే, రాఫెల్ యుద్ద విమానాల కొనుగోలు వ్యవహారంలో, అవినీతి జరిగిందని రాహుల్ గాంధీ ఊరువాడా తిరిగి, ప్రధాని మోడీని ఉద్దేశించి, ‘చౌకీదార్ చోర్ హై’ అంటూ  ప్రచారం చేశారు. ‘గబ్బర్ సింగ్ టాక్స్’, ‘చౌకీదార్ చోర్ హై’ స్లోగన్స్ క్యాచీగా ఉన్నాయి. కానీ, రాహుల్ ఒకటి తలిస్తే ప్రజలు ఇంకొకటి తలిచారు. అందుకే, వీటికి తోడు దేశంలో 20 శాతం వరకు ఉన్న నిరుపేద కుటుంబాలకు కనీసం ఏడాదికి రూ.72 వేలు అందేలా చర్యలు చేపడతామని కాంగ్రెస్‌ పార్టీ అధ్యక్షుని హోదాలో  రాహుల్‌గాంధీ హామీ ఇచ్చినా, కాంగ్రెస్’నే కాదు కాంగ్రెస్ పార్టీతో జట్టు కట్టిన పార్టీలను కుడా ప్రజలు తిరస్కరించారు. 

ఇక ప్రస్తుతంలోకి వస్తే.. ప్రతిపక్ష పార్టీలు ఏడాదికిపైగా సాగిన రైతుల ఆందోళన మీద ఆశలు పెట్టుకున్నాయి. ఉద్యమంలో కీలక పాత్ర పోషించిన జాట్ రైతులు విపక్షాలకు ఓటేసి గెలిపిస్తారని భావించారు. కానీ, జాట్’ ఓటు ప్రభావం ఎక్కువగా ఉన్న, ప్రాంతాల్లోనూ బీజేపీ.. ఎస్పీ కంటే ఎక్కువ సీట్లు గెలిచింది. అంతవరకు ఎందుకు, కేంద్ర హోం శాఖ సహాయ మంత్రి కుమారడు, ఆందోళన చేస్తున్న రైతులపైకి కారు ఎక్కిచి, నలుగురు రైతుల మరణానికి కారణం అయ్యారని, ఆరోపణలు ఉన్న లఖింపూర్ లోకసభ నియోజక వర్గం పరిధిలోని ఎనిమిది అసెంబ్లీ స్థానాలకు గాను ఏడు స్థానాల్లో  బీజేపీ అభ్యర్ధులు విజయం సాధించారు. మంత్రి రాజీనామా చేయాలని, ఆయన్ని మంత్రివర్గం నుంచి బర్తరఫ్ చేయాలని విపక్షాలు పెద్ద ఎత్తున ఆందోళన చేశాయి. ఈ అంశాన్ని ఎన్నికల ప్రచార అస్త్రంగానూ ఉపయోగించుకున్నారు, అయినా ఎనిమిదింట ఏడు స్థానాల్లో బీజేపీ అభ్యర్ధులు విజయం సాధించారు. అలాగే కాంగ్రెస్ నేత ప్రియాంక వాద్రా ప్రధాన ప్రచార అస్తం, ఉన్నావ్ అత్యాచారం కేసు. అయినా ఆ లోక్ సభ నియోజక వర్గం పరిధిలోనూ ఎనిమిదికి ఆరు అసెంబ్లీ స్థానాల్లో బీజేపీ అభ్యర్ధులు విజయం సాధించారు.

అలాగే, కొవిడ్ వేవ్ సమయంలో జరిగిన లోపాలనుమాత్రమే ప్రజలు చూస్తారని విపక్షాలు భావించాయి. కానీ, ప్రజలు సెకండ్ వేవ్ లోపాల కంటే మోడీ ప్రభుత్వం వాక్సినేషన్ విషయంలో సాధించిన అద్భుత విజయాలను చూసి ఓటేశారు. అలాగే, అన్నిటినీమించి, అఖిలేష్ యాదవ్ కేవలం కుల సమీకరణలను మాత్రమే పరిగణలోకి తీసుకున్నారు. కానీ, ఈ ఎన్నికలలో కులం కంటే మతం, ఎక్కువ పాత్ర పోషించింది. ముఖ్యమంత్రి యోగీ ఆదిత్య నాద్ ‘ ఇలా అని అలా వదిలేసిన 80:20 నినాదం మెజారిటీ మతస్తులపై మంత్రంలా పనిచేసింది. 

ఈ ఎన్నికల్లో ముస్లిం మహిళలు సహా , కులమతాలకు అతీతంగా మహిళలు బీజేపీకి జై కొట్టారు, ఉత్తర ప్రదేశ్’లో మహిళా ఓటర్లలో 48శాతం మంది బీజేపీకో ఓటేస్తే.. ఎస్పీకి 32శాతం మంది మాత్రమే ఓటేశారు. అంటే, ఎస్పీ కంటే 16 శాతం ఎక్కువ మంది మహిళలు బీజేపీకి ఓటేశారు. ఉత్తరాఖండ్’లోనూ కాంగ్రెస్ కంటే బీజేపీకి 14 శాతం ఎక్కువ మంది మహిళలు బీజేపీకి ఓటేశారు. కేంద్ర ప్రభుత్వం అమలు చేస్తున్న ఉజ్వల యోజన, వ్యక్తిగత మరుగు దొడ్ల నిర్మాణం, ట్రిపుల్ తలాక్, శాంతి భద్రతలు, మహిళా రక్షణ విషయంలో  యోగీ అడిద్యనాథ్ ప్రయోగించిన బుల్దోజర్ మంత్రం వంటి అంశాలు, కులాలతో సంబంధం లేకుండా చాప కిందనీరులా బీజేపీకి అనుకూలంగా మారాయి. అయితే ఈ వాస్తవాలను విపక్షాలు గుర్తించలేక పోయాయి. అంటే, విపక్షాలు, వాస్తవాలను వక్రీకరించి, నేల విడిచి  సాము చేయడం వరస ఓటములకు ప్రధాన కారణంగా భావించవచ్చని విశ్లేషకులు అంటున్నారు.

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.